- 2020-07-22 03:20:16
- ព័ត៌មាន
លើកមុនចាប់អារម្មណ៍នឹងសម្រស់ ឥឡូវមកដឹងកម្រិតវប្បធម៌របស់ស្រីស្អាតអូតេស្តម្ដង!
- 2020-07-22 03:20:16
- ចំនួនមតិ 0 | ចំនួនចែករំលែក 0
លើកមុនចាប់អារម្មណ៍នឹងសម្រស់ ឥឡូវមកដឹងកម្រិតវប្បធម៌របស់ស្រីស្អាតអូតេស្តម្ដង!
ចន្លោះមិនឃើញ
ការងារជាអ្នកធ្វើការនៅលើយន្តហោះ ឬហៅថា (Fly Attendant) មិនមែនថា ស្អាត ហើយមានចំណូលចិត្តចង់ហើយ សុទ្ធតែអាចធ្វើបាននោះទេ ព្រោះបើសមត្ថភាព ក៏ដូចជាគុណសម្បត្តិមិនដល់ ក៏អត់ដូចគ្នា ដូចករណីរបស់ស្រីស្អាត ហេង សុជាតា ក៏មិនមែនថា ត្រឹមតែស្អាតមួយមុខអាចទទួលការងារនេះបាននោះទេ។
តាមព័ត៌មានដែលទទួលបាន នារីអូតេស្តមកពីខេត្តពោធិ៍សាត់មានកម្រិតចំណេះដឹងមិនធម្មតាដែរ។ សុជាតា បានបង្ហើបថា នាងបានបញ្ចប់ការសិក្សាមហាវិទ្យាល័យជំនាញគ្រប់គ្រង និងមានសមត្ថភាពខ្ពស់ខាងប្រើប្រាស់ភាសាបរទេសថែមទៀតផង ពោលគឺនាងអាចនិយាយបាន២ភាសា គឺ អង់គ្លេស និងភាសាចិន។តាមការបញ្ជាក់របស់សាមីខ្លួន នាងបានបញ្ចប់ការសិក្សាបរិញ្ញាបត្រជំនាញគ្រប់គ្រងសាកលវិទ្យាល័យបៀលប្រាយនាអំឡុងឆ្នាំ ២០១៣។
ស្រីស្អាតប្រាប់ថា នាងមានកូនចិត្តមួយស្រឡាញ់ការងារជាអ្នកបម្រើលើយន្តហោះ (Fly Attendent) តាំងពីតូចៗ ហើយដូចនិស្ស័យនេះបានអូសដៃនាងឲ្យឆ្ពោះមកការងារនេះដោយមិនបានត្រៀមខ្លួន ត្រៀមចិត្តជាមុន។ សុជាតា ថា ក្រោយបញ្ចប់នៅថ្ងៃមួយ មិត្តភ័ក្ដិជិតស្និទ្ធម្នាក់ បានទូរស័ព្ទមកប្រាប់នាងពីក្រុមហ៊ុនអាកាសចរណ៍មួយគឺ Cambodia Angkor Air បានប្រកាសពីជ្រើសរើសអ្នកធ្វើការលើយន្តហោះ។
“មិត្តភ័ក្ដិរៀនជាមួយគ្នាហ្នឹង ជិតស្និទ្ធដែរ គេមើលកាសែតឃើញគេប្រកាសរើសអ្នកធ្វើការលើយន្តហោះ គេប្រាប់ថា យើងរូបរាងបានអីចឹង ដាក់ទៅ...តែដំបូងខ្ញុំបដិសេធដែរ ព្រោះមិនបានត្រៀមខ្លួន និងមិនដឹងថាយ៉ាងម៉េចផង...ប៉ុន្តែមិត្តជាច្រើនក៏បានជំរុញ អីចឹងក៏សម្រេចចិត្តដាក់ទៅដាក់ពាក្យ ហើយដាក់នៅថ្ងៃចុងក្រោយថែមទៀត!”។
ថាសំណាងក៏បាន ថាមានសមត្ថភាពក៏បាន កញ្ញា សុជាតា ប្រាប់ថា ទីបំផុតនាងក៏បានជាប់ជាបុគ្គលិករបស់ក្រុមហ៊ុន Cambodia Angkor Air ដែលជាការងារដំបូងបំផុតសម្រាប់នាង ក្រោយចេញពីមហាវិទ្យាល័យ និងនៅតែជាការងារដំបូងដដែលមកទល់នឹងពេលនេះ។ នារីអាកាសចរណ៍ បញ្ជាក់ថា នាងស្រឡាញ់ការងារមួយនេះខ្លាំង ក្នុងនោះនាងមានពាក្យស្លោកផ្ទាល់ខ្លួននាងថា "Cambodia Angkor Air is Love, Cambodia Angkor Air is Life” ទៀតផង។
យ៉ាងណាជាមួយគ្នា ដោយមានអំណោយផលខាងរូបស្រស់ស្រាប់ ព្រមទាំងមានកូនចិត្តខ្លះលើការសម្ដែង នាងក៏បានឈានជើងមកសម្ដែងភាពយន្ត និងថតស្ប៉តពាណិជ្ជកម្មដែរ។ សុជាតា បានហក់ចូលការសម្ដែងដំបូងបំផុតក្នុងរឿង "នំប៉័ងបញ្ចាំស្នេហ៍" របស់ស្ថានីយទូរទស្សន៍ស៊ីធីអិនក្នុងឆ្នាំ ២០១៦។ ក្រោយមកនាងក៏ត្រូវបានម្ចាស់ក្រុមហ៊ុនជាច្រើនបានជ្រើសរើសយកមកថតផ្សាយផលិតផលរបស់ពួកគេ។
ស្ប៉តពាណិជ្ជកម្មដែលកញ្ញា ហេង សុជាតា ធ្លាប់បានថតមានដូចជា ស្ប៉តរបស់ក្រដាសអនាម័យ សេឡុក ទឹកបរិសុទ្ធ ប្រូវីដា បុរីប៉េង ហួត រួមទាំងវីដេអូចម្រៀងមួយចំនួនទៀត។ ក្រោយមក និងរហូតមកដល់បច្ចុប្បន្ន តារាស្រី បញ្ជាក់ថា នាងផ្អាកទទួលថតភាពយន្ត ដោយសារការងារនាងមិនសូវមានពេល។ ប៉ុន្តែនាងនៅតែបន្តទទួលការងារថតស្ប៉តពាណិជ្ជកម្មដដែល ដោយសារការងារនេះ មិនស៊ីពេលច្រើន ហើយនាងអាចលៃពីការងារហោះហើរបាន៕
