- 2020-07-23 08:10:03
- ជីវិតតារា
នូ ឧសភា សារភាពរឿងមួយក្នុងអាជីពសម្ដែងរបស់លោករយៈពេល៥ឆ្នាំ
- 2020-07-23 08:10:03
- ចំនួនមតិ 0 | ចំនួនចែករំលែក 0
នូ ឧសភា សារភាពរឿងមួយក្នុងអាជីពសម្ដែងរបស់លោករយៈពេល៥ឆ្នាំ
ចន្លោះមិនឃើញ
តារាសម្ដែង និងដើរម៉ូតលោក នូ ឧសភា សារភាពថាលោកនៅតែលំបាកខ្លាំងក្នុងការសម្ដែងជាតួអង្គស្លូត ឬជាសុភាពបុរស ព្រោះធាតុពិតរបស់លោកគឺជាមនុស្សពូកែលេងសើចច្រើន រពឹសដៃ និងដំណើរមិនសូវសម។
ទោះជាយ៉ាងណាភាពលំបាករបស់តារាសម្ដែងរូបនេះ មិនបានធ្វើឲ្យបាត់ប្រជាប្រិយភាព ឬទីផ្សារសំដែងឡើយ ផ្ទុយទៅវិញរឿងដែលលោកសម្ដែងជាតួអង្គស្លូតដូចជារឿង"លួចស្រឡាញ់អ្នកជិតខាង" និងរឿង"អ្នកម៉ាក់វ័យក្មេងជាដើម" សុទ្ធតែទទួលបានការគាំទ្រច្រើន។
លោកថា លោកនៅតែអាចសម្ដែងជាតួស្លូតបានដដែល ដោយការព្យាយាមសម និងទទួលការណែនាំពីអ្នកដឹកនាំរឿង។
លោក នូ ឧសភា បានប្រាប់Sabay ក្នុងឱកាសដែលលោកចូលរួមក្នុងពិធីក្រុងពាលីដើម្បីថតរឿងភាគរបស់លោកមួយកាលពីពេលថ្មីៗថា ចូលមកដល់ខែកក្កដា នេះ អាជីពសម្ដែង និងដើរម៉ូតរបស់លោកហាក់ងើបបន្ដិច ព្រោះស្ថានភាពជំងឺកូវីដ-១៩ នៅកម្ពុជាអាចគ្រប់គ្រងបាន ហើយផលិតកម្មខ្លះចាប់ផ្ដើមដំណើរការថតជាបណ្ដើៗវិញហើយ៖"ខ្ញុំសប្បាយចិត្ដដែលទទួលបានការគាំទ្រខ្លាំងតាមរយៈរឿងភាគរបស់ខ្ញុំទាំងពីរកន្លងមក"។
តារាសម្ដែងរូបសង្ហាថ្គាមខ្លា និងនិយមទុកសក់សំពោង នូ ឧសភា បានឈានជើងចូលសិល្បៈតាំងពីឆ្នាំ២០១៦ តាមរយៈការប្រឡងតារាម៉ូដែល។ រូបសម្បត្តិរបស់លោកត្រូវបានមហាជនគាំទ្រ ហើយម្ចាស់ក្រុមហ៊ុនផលិតស្ពតពាណិជ្ជកម្មជាច្រើន។ ស្នាដៃលេចធ្លោរបស់លោក នូ ឧសភា គឺលោកបានថតរឿងភាគ"អ្នកម៉ាក់វ័យក្មេង" ដែលបានចាក់បញ្ចាំងនៅស្ថានីយទូរទស្សន៍ភី អិន អិន និងរឿងភាគមួយទៀត គឺរឿង"លួចស្នេហ៍អ្នកជិតខាង" ដែលបានចាក់បញ្ចាំងនៅលើកញ្ចក់ទូរទស្សន៍ MY TV៕
