- 2020-07-27 03:56:49
- ជីវិតតារា
ពេជ្រ ចរណៃ ទើបបង្ហាញសមត្ថភាពក្រៅឆាក និងមហិច្ឆតាដ៏អស្ចារ្យរបស់ខ្លួន
- 2020-07-27 03:56:49
- ចំនួនមតិ 0 | ចំនួនចែករំលែក 0
ពេជ្រ ចរណៃ ទើបបង្ហាញសមត្ថភាពក្រៅឆាក និងមហិច្ឆតាដ៏អស្ចារ្យរបស់ខ្លួន
ចន្លោះមិនឃើញ
តារាសម្ដែង ពេជ្រ ចរណៃ បានបង្ហើបពីសមត្ថភាពក្រៅអាជីពសិល្បៈរបស់ខ្លួនដែលមានអ្នកសិល្បៈខ្មែរតិចតួចណាស់អាចធ្វើបានដូចនាង។ នោះគឺជាគ្រូបង្វឹកក្បាច់គុនខ្មែរសម្រាប់ពលទាហាន និងយុវវ័យខ្មែររាប់រយនាក់។
បច្ចុប្បន្ន ចរណៃ មានភាពមមាញឹកខ្លាំងទាំងការងារសិល្បៈ និងអាជីពជាគ្រូបង្វឹកក្បាច់គុនល្បុក្កតោ ពោលគឺនាងត្រូវចែកពេលទៅបង្ហាត់ពលរដ្ឋទាហាន នៃកងទ័ពជើងគោកលេខ ង៧០ផង និងបង្ហាត់យុវវ័យជាង២០០នាក់ នៅពហុកីឡាដ្ឋានស្តាតចាស់ផង ព្រមទាំងហាត់បន្ថែមខ្លួនឯងនៅរាជបណ្ឌិតសភានគរបាលជាតិកម្ពុជាផង។ ភាពមមាញឹកនេះ មិនបានធ្វើឲ្យនាងធុញទ្រាន់ ឬចុះចាញ់ទេ ប៉ុន្តែវាកាន់តែជំរុញទឹកចិត្តនាងឲ្យធ្វើបន្ថែមទៀត។
ពេជ្រ ចរណៃ ដែលមានឈ្មោះពិតថា ពេជ្រ កន្និកា នឹងក្លាយជាមន្ត្រីយោធាដ៏សកម្មម្នាក់នៅ "ង៧០" បន្ថែមលើអាជីពបង្ហាត់ក្បាច់គុនល្បុក្កតោខ្មែរ និងជាតារាសម្ដែងខ្សែភាពយន្ត។ ស្របពេលគ្នានោះ ចរណៃ ក៏នឹងបើកកន្លែងបង្ហាត់ក្បាច់គុនល្បុក្កតោផ្ទាល់ខ្លួនមួយកន្លែងដែរ សម្រាប់យុវវ័យ៖"និយាយទៅបង...ខាងសិល្បៈខ្ញុំក៏ចូលចិត្តដើរតួអង្គបែបស៊ើបអង្កេត វាយតប់ និងបាញ់ប្រហារដែរ តែអ្នកដឹកចូលចិត្តឲ្យដើរជាតួឈ្នានីសគេ ព្រោះមុខខ្ញុំសម"។
តួឯកស្រីក្នុងខ្សែភាពយន្តខ្នាតធំ រឿង"អាគមស្បែកដាច" រូបនេះ បានចូលប្រឡូកក្នុងអាជីពសម្ដែងជាង១០ឆ្នាំមកហើយ ដោយមានស្នាដៃសម្ដែងជាតួអង្គសំខាន់ៗក្នុងរឿងសរុប២០រឿង។ រីឯវិស័យក្បាច់គុនខ្មែរវិញ គឺនាងបានចូលហាត់៦ឆ្នាំហើយ ទើបទើបចេញបង្ហាត់ពលទាហាន និងយុវជនបាន២ឆ្នាំចុងក្រោយនេះ។ កញ្ញា ពេជ្រចរណៃ ប្រាថ្នាចង់បានជោគជ័យលើអាជីពបង្ហាត់ក្បាច់គុនខ្មែរ និងអាជីពសិល្បៈឲ្យដើរទន្ទឹមគ្នាជានិច្ច៕