- 2020-07-27 08:49:10
- ជីវិតតារា
ស្ពឹកមុខ! ស៊ីន យូប៊ីន ធ្លាប់ផ្ដល់មេរៀនយ៉ាងចាស់ដៃដល់បុរសម្នាក់
- 2020-07-27 08:49:10
- ចំនួនមតិ 0 | ចំនួនចែករំលែក 0
ស្ពឹកមុខ! ស៊ីន យូប៊ីន ធ្លាប់ផ្ដល់មេរៀនយ៉ាងចាស់ដៃដល់បុរសម្នាក់
ចន្លោះមិនឃើញ
តារាសម្ដែងស្រីវ័យក្មេង ស៊ីន យូប៊ីន ប្រាប់ថានាងធ្លាប់ជួបស្នេហាមិនសមប្រកប ដោយមានអ្នកមានលុយ និងអំណាចបានចូលចែចូវនាងតែគេហាក់មើលស្រាលអ្នកសិល្បៈ ហើយនាងក៏មិនចង់បង្ហាញអត្ដសញ្ញាណបុរសម្នាក់នោះដែរ។
ស៊ីន យូប៊ីន ដែលពេលនេះមានវ័យ២៤ឆ្នាំហើយនោះ បានប្រាប់ Sabay ថា មកដល់វ័យនេះទៅហើយបើប្រាប់គេឯងថាអត់ធ្លាប់មានស្នេហានោះក៏គេអត់ជឿដែរ។ តាមពិតយូប៊ីនក៏ធ្លាប់មានដែរ តែយូប៊ីនមិនទាន់មានពេលគ្រប់គ្រាន់ក្នុងការពិចារណាលើបុរសនោះ ព្រោះបច្ចុប្បន្នយូប៊ីនរវល់ទាំងការងារផ្ទាល់ខ្លួន និងការងារសិល្បៈ រកពេលហូបបាយស្ទើរមិនបាន ហើយម្យ៉ាងបុរសដែលចូលចែចូវនោះ ហាក់មិនឲ្យតម្លៃអ្នកសិល្បៈ និងយូប៊ីនផ្ទាល់។
ស៊ីន យូប៊ីន៖ "សង្គមឥឡូវគិតថា អ្នកសិល្បៈងាយស្រួលយកណាស់ ហើយយូប៊ីនក៏សូមបញ្ជាក់ទៅវិញថា សិល្បៈយើងឥឡូវដើរជិតដល់ប្រទេសជិតខាងហើយ គឺមិនទន់ជ្រាយដែលអាចយកលុយ ឬអំណាចមកជាន់ឈ្លីបានទេ"។
តារាសម្ដែងស្រីដែលកំពុងទទួលបានការគាំទ្រច្រើននៅក្នុងស្រទាប់យុវវ័យរូបនេះ បង្ហាញអារម្មណ៍មិនសប្បាយចិត្តចំពោះសារព័ត៌មាន និងអ្នកមានលុយ ឬមានអំណាចខ្លះដែលតែងតែជាន់ឈ្លីកិត្តិយសរបស់អ្នកសិល្បៈ។
យូប៊ីនសង្កេតឃើញថា នៅពេលដែលអ្នកសិល្បៈបានងើបមុខងើបមាត់បន្តិច គេតែងតែវាយតម្លៃថា អ្នកសិល្បៈភាគច្រើនរកលុយដោយវិធីមិនល្អដែលជាការទម្លាក់តម្លៃអ្នកសិល្បៈយ៉ាងខ្លាំង៕