- 2020-07-29 08:19:54
- ព័ត៌មាន
កើតនៅថៃ តែ Lisa ទៅជាប់ឈ្មោះក្នុងបញ្ជីតារា K-Popមានបំផុតនៅកូរ៉េជាមួយប្រាក់ចំណូលចំនួនប៉ុណ្ណេះ!
- 2020-07-29 08:19:54
- ចំនួនមតិ 0 | ចំនួនចែករំលែក 0
កើតនៅថៃ តែ Lisa ទៅជាប់ឈ្មោះក្នុងបញ្ជីតារា K-Popមានបំផុតនៅកូរ៉េជាមួយប្រាក់ចំណូលចំនួនប៉ុណ្ណេះ!
ចន្លោះមិនឃើញ
ស្រីស្អាត Lisa ដែលមានឈ្មោះដើមថា Lalisa Manoban និងមានដើមកំណើតនៅប្រទេសថៃនោះ បានបង្កើតប្រវត្តិសាស្ត្រមួយ ក្រោយនាងត្រូវបានគេចាត់ថ្នាក់ក្នុងបញ្ជីជាតារាមានបំផុតទាំង ៣០រូប នៅក្នុងវិស័យ K-Pop គិតត្រឹមពាក់កណ្ដាលឆ្នាំ ២០២០ នេះ។
ដើមឡើយ Lisa គឺអ្នករាំមួយ ហើយក្រោយមកបានវិវត្តខ្លួនមកជាតារារ៉េបថែមទៀតនៅក្នុងក្រុម Blackping ដ៏ល្បីរបស់កូរ៉េខាងត្បូង។ នាងមានដើមកំណើតនៅទីក្រុងបាងកក(ប្រភពខ្លះថា កើតខេត្តបូរីរុំា) ប្រទេសថៃ នៅក្នុងក្រុមគ្រួសារអ្នកមានមួយដែលមានឪពុកជាជនជាតិស្វីស និងជាចុងភៅដ៏ល្បីមួយរូបប្រចាំប្រទេសថៃ។
ខុសពីសមាជិកដទៃទៀតនៅក្នុងក្រុម ដែលសុទ្ធជាជនជាតិកូរ៉េ គឺ Lisa មានប្រជាប្រិយភាពខ្លាំងណាស់ នៅក្នុងប្រទេសកំណើតរបស់នាង ហើយនោះជាមូលហេតុ ដែលអាចទាញបានកម្រៃពីការផ្សព្វផ្សាយឲ្យក្រុមហ៊ុនពាណិជ្ជធំៗជាច្រើននៅក្នុងប្រទេសថៃ។ ក្រៅប្រភពបានអាជីពនៅក្នុងឧស្សាហកម្ម K-Pop នោះ Lisa នៅមានចំណូលមួយផ្នែកទៀតពី Youtube និង IG របស់នាងថែមទៀត។
តាមព័ត៌មានស្រីស្អាតដើមកំណើតថៃ មាន Youtube Channel មួយមានឈ្មោះថា Lilifilm Official ដែលអ្នក Subscribe ចំនួន 3.73 លាន។ លើសពីនេះ នាងក៏ត្រូវបានគេស្គាល់ថាជា តារា K-Pop ដែលមានអ្នកតាមច្រើនបំផុតមួយរូបនៅលើ IG ដែរ ជាមួយតួលេខអ្នកតាមដានចំនួន 36.8លាន ហើយនោះជាមូលហេតុដែលនាងត្រូវបានគេស្គាល់ថាជា Queen of Kpop Idols on Instagram ទៀតផង។
យ៉ាងណា មិនទាន់មានរបាយការណ៍ពីប្រាក់ចំណូលរបស់ Lisa ពីប្រព័ន្ធទំនើបទាំងពីរ(Youtube,IG) នោះទេ ប៉ុន្តែរបាយការណ៍ប៉ាន់ស្មានចំណូលសរុបរបស់នាងប្រចាំឆ្នាំចំនួន ១០លានដុល្លារអាមេរិក។ ចំណូលប៉ាន់ស្មាននេះ Lisa ជាប់ជាតារា K-Pop មានបំផុតលេខរៀងទី ២៤ នៅក្នុងតារាង៕