- 2020-07-31 01:48:48
- ព័ត៌មាន
ពេលគេសួរអ្នកណាជាប្រភេទមនុស្សក្នុងចិត្ត IU ឆ្លើយយ៉ាងលឿនអត់ខ្លាចថាជា Jin Goo
- 2020-07-31 01:48:48
- ចំនួនមតិ 0 | ចំនួនចែករំលែក 0
ពេលគេសួរអ្នកណាជាប្រភេទមនុស្សក្នុងចិត្ត IU ឆ្លើយយ៉ាងលឿនអត់ខ្លាចថាជា Jin Goo
ចន្លោះមិនឃើញ
បង្ហាញមុខនៅក្នុងកម្មវិធី «House On Wheels» កាលពីពេលថ្មីនេះ IU បានធ្វើឲ្យអ្នកគាំទ្ររំភើបជាថ្មី ព្រោះថាជាពេលនាងបានជួបគ្នាជាមួយនឹង Yeo Jin Goo តួឯករួមក្នុងរឿង «Hotel Del Luna»។ អ្វីដែលកាន់តែភ្ញាក់ផ្អើល គឺថាពេលនោះ នាងក៏បានទម្លាយថា តារាប្រុសម្នាក់ហើយដែលជាប្រភេទមនុស្សក្នុងដួងចិត្ត។
ពេល IU និង Jin Goo លាងចានជាមួយគ្នា តារាសម្ដែង Sung Dong Il ក៏បានសួរថា ក្នុងចំណោមបុរស ៣នាក់ទាំងអស់ដែលនៅទីនេះ អ្នកណាដូចទៅនឹងប្រភេទបុរសដែលនៅក្នុងដួងចិត្តនាងជាងគេ។
មិនទាន់សួរចប់ស្រួលបួលផង IU ឆ្លើយភ្លាមថា «ម្នាក់នោះគឺ Jin Goo! Jin Goo!»។ ចំណែក Jin Goo ដែលកំពុងឈរលាងចានក្បែរដៃ IU វិញ មិនដឹងធ្វើអ្វីបានក្រៅពីសើចខ្លាំងទេ ស្របពេលម្ចាស់ចម្លើយឱនមុខចុះ ជាមួយនឹងមុខញញឹម។ បកទៅលោក Sung Dong Il វិញក៏បានបន្ថែមថា៖ «តាមពីតទៅខ្ញុំដឹងមុនហើយ...តែម៉េចក៏នាងឆ្លើយ ដោយគ្មានគិតបន្តិចទៅអត់»។
ជាការពិតណាស់ Jin Goo និង IU បានក្លាយជាមិត្តល្អនឹងគ្នា តាំងតែពីពួកគេបានសម្ដែងរឿង «Hotel Del Luna» ជាមួយគ្នាមកម្ល៉េះ។ អ្នកគាទ្រពិតជារីករាយ និងពេញចិត្តបំផុត ពេលឃើញការជួបជុំគ្នាជាថ្មីម្ដងទៀតដូចពេលនេះ។ ម្យ៉ាងវាកាន់តែបង្ហាញយ៉ាងច្បាស់ពីទំនាក់ទំនងកាន់តែល្អរវាងអ្នកទាំង ២ ថានៅតែល្អ រហូតធ្វើឲ្យអ្នកគាំទ្រប្រាថ្នាសុំឲ្យទំនាក់ទំនងនេះ មានលើសពីមិត្តភក្តិ៕