- 2020-08-06 02:48:03
- ព័ត៌មាន
វណ្ណា វត្តី ឆេះដុំទាំងព្រឹក ចេញមកព្រមានធ្ងន់ៗ ដោយហាមនិយាយប៉ះពាល់ Hummer របស់នាងលើសពី៣ដង
- 2020-08-06 02:48:03
- ចំនួនមតិ 0 | ចំនួនចែករំលែក 0
វណ្ណា វត្តី ឆេះដុំទាំងព្រឹក ចេញមកព្រមានធ្ងន់ៗ ដោយហាមនិយាយប៉ះពាល់ Hummer របស់នាងលើសពី៣ដង
ចន្លោះមិនឃើញ
នៅថ្ងៃនេះ កញ្ញា វណ្ណា វត្តី បានឆេះដុំទាំងព្រឹក រហូតដល់ថ្នាក់ចេញមុខផ្ញើសារព្រមានទៅជនអនាមិកម្នាក់ ដោយធ្វើការហាមប្រាមជននោះ ដាច់ខាតមិនឲ្យនិយាយប៉ះពាល់ដល់រថយន្ត Hummer សំណព្វរបស់នាង។
មិនទាន់ដឹងនៅឡើយថា ជនអនាមិកបាននិយាយនូវពាក្យសំដីយ៉ាងម៉េចខ្លះអំពីរថយន្តកម្រមួយនេះរបស់តារាស្រី។ ប៉ុន្តែបើតាមសាមីខ្លួន គឺរឿងនេះបានកើតមកជារឿយមកហើយ។ ដូច្នេះហើយ ទើបធ្វើឲ្យនាងទ្រាំមិនបានហើយក៏ចេញមកព្រមានទាំងព្រឹកតែម្ដង។ វត្តី បានសរសេរថា "អ្នកណាក៍ដោយអោយតែនិយាយប៉ះពាល់ដល់ឡានខ្ញុំ ខ្ញុំនឹងគូសដានខ្មៅសម្រាប់នាក់ឯងមួយ គ្រប់បីដង អ្នកឯងនឹងខ្ញុំចាត់ទុកថាជាអ្នកដទៃ!”។
តារាស្រីមកពីខេត្តសៀមរាបបន្តសំដៅទៅជនអនាមិកថា រថយន្តរបស់នាងមិនថ្មីទេ ប៉ុន្តែក៏មិនថា គ្រប់គ្នាសុទ្ធអាចក្លាយជាម្ចាស់វានោះទេ ប្រសិនបើលទ្ធភាពនៅខ្សត់ខ្សោយពេកនោះ។ នាងថ្លែងថា "រថយន្តខ្ញុំវាមិនថ្មីទេ ប៉ុន្តែតែសួរថាអ្នកឯងមានសមត្ថភាពប្រើវាអត់ បញ្ជាក់ប្រាប់នាក់ឯងអោយច្បាស់មួយខែគ្មាន1000$ សម្រាប់ វាអ្នកឯងក៏មិនអាចក្លាយជាម្ចាស់វាបានដែរ"។
រថយន្តរបស់កញ្ញា វណ្ណា វត្តី គឺម៉ាក់ Hummer ដែលនាងបានទិញវាកាលពីជិត ១០ឆ្នាំមុន តម្លៃជិត ៧ម៉ឺនដុល្លារអាមេរិក។ មកគិតមកដល់ពេលនេះ វត្តី ប្រាប់ថា អាចង្រិតមួយនេះ គឺជាសំណព្វចិត្តរបស់នាង ព្រោះវាមានអនុស្សាវរីយ និងរួមសុខរួមទុក្ខ ព្រមទាំងជួយយឹតយោងនាងជាច្រើនណាស់។ ដូច្នេះហើយ នាងមិនអនុញ្ញាតឲ្យអ្នកណាម្នាក់ និយាយមិនល្អពីវាឡើយ។
"ខ្ញុំទិញវាតាំងពីខ្ញុំនៅមាន ក្រោយមក ក៏ធ្លាក់ខ្លួនមួយសារ វេទនាណាស់ ប៉ុន្តែបានវានេះហើយ ជួយខ្ញុំរុករុលចូលព្រៃ ទៅមើលដី ទិញដី គួកជេដី ហើយក៏ត្រូវ...ក៏បានងើបឡើងវិញមកដល់សព្វថ្ងៃ...និយាយទៅមានអនុស្សាវរីយជាមួយវាច្រើនណាស់!”។
កញ្ញា វត្តី មិនសូវរវីរវល់ជាមួយសិល្បៈឡើយ ដោយនាងភាគច្រើនរវល់ជាមួយនឹងការរកស៊ីទិញលក់ដី និងមុខរបរផ្សេងៗទៀតជាច្រើន ដោយក្នុងនោះគេដឹងថានាង នាងមានអចលនទ្រព្យច្រើនកន្លែងទាំងនៅភ្នំពេញ និងនៅខេត្តប៉ៃលិន។ អចលនទ្រព្យទាំងនោះ សុទ្ធតែជួលបន្តឲ្យគេ ដែលអំឡុងពេលកម្ពុជាផ្ទុះជំងឺ ខូវីដ១៩ ដំបូង នាងធ្លាប់ទាំងបានប្រកាសបញ្ចុះតម្លៃជួលអចលនទ្រព្យទាំងនោះ ៥០% ដើម្បីជួយសម្រាលបន្ទុកអ្នកជួលបន្ត ក្នុងពេលមានវិបត្តិទៀតផង។
នៅក្នុងសកម្មភាពអាជីវកម្មទាំងនោះ ដែលធ្វើឲ្យនាងមានជីវភាពធូរធារ គឺភាគច្រើនបំផុតនាងត្រូវបានជូនដំណើរទៅគ្រប់ច្រកល្ហក Hummer មួយនេះ។ ដូច្នេះហើយ ក្រៅពីព្យាយាមការពារមិនអោយមាននរណានិយាយប៉ះពាល់ នាងក៏គ្មានគម្រោងលក់អាសំណព្វមួយនេះដែរ។ នាងថា នាងសុខចិត្តទិញរថយន្តថ្មីបន្ថែមវិញ ប្រសិនបើមានតម្រូវការចាំបាច់៕