- 2020-08-06 04:10:00
- ព័ត៌មាន
តាវមីងសឺឆ្នាំ ២០០១ ប៉ះជាមួយសាន់ឆាយឆ្នាំ ២០១៨ ក្នុងរឿងថ្មីឆ្នាំ២០២០
- 2020-08-06 04:10:00
- ចំនួនមតិ 0 | ចំនួនចែករំលែក 0
តាវមីងសឺឆ្នាំ ២០០១ ប៉ះជាមួយសាន់ឆាយឆ្នាំ ២០១៨ ក្នុងរឿងថ្មីឆ្នាំ២០២០
ចន្លោះមិនឃើញ
ឆ្នាំ២០២០ ដៃគូសម្ដែងមួយគូទៀតនឹងធ្វើឲ្យអ្នកទស្សនាចាប់អារម្មណ៍ ហើយ១គូនោះគ្មានអ្នកណាក្រៅពី Jerry Yan ដែលគ្រប់គ្នាស្គាល់ច្បាស់ថាជាតួ តាវមីងសឺ ដែលត្រូវចាប់ដៃគូសម្ដែងជាមួយនឹងតារាចិន Shen Yue (តួស្រីសាន់ឆាយឆ្នាំ ២០១៨) តាមរយៈរឿងភាគមានចំណងជើងថា «Count Your Lucky Stars»។
តាមពិតទៅដំណឹងនេះបានទម្លាយចេញកាលពីឆ្នាំមុន ហើយគ្រាន់តែដឹងភ្លាមមហាជនមានការភ្ញាក់ផ្អើល ខ្លះមានទាំងលាន់មាត់ទៀតថា តួទាំង ២មានគម្លាតអាយុគ្នាឆ្ងាយពេក ព្រោះថា Jerry Yan អាយុ ៤៣ឆ្នាំ ឯតួស្រី Shen Yue ទើបមានអាយុ ២៣ឆ្នាំប៉ុណ្ណោះ។
ដោយសារត្រូវដល់ពេលចាក់បញ្ចាំង ដូចនេះរូបភាពជាច្រើនរបស់ Jerry Yan និង Shen Yue ក៏ត្រូវផ្សាយពេញបណ្ដាញសង្គម។ គ្រាន់តែឃើញរូបភាពស្រាប់តែមាន មតិជាច្រើនលេចឡើងថា១គូនេះ ប្រៀបដូច «ពូដែលលង់ស្នេហ៍ជាមួយក្មួយខ្លួនឯង»។
សម្រាប់តួប្រុសវិញ ក៏មានសម្ពាធដែរសម្រាប់ខ្លួនឯង ដែលត្រូវសម្ដែងរឿងស្នេហាជាមួយក្មេងស្រីវ័យក្មេងជាងខ្លួន។ ប៉ុន្តែមែនទែនទៅ ពេលរួមការងារជាមួយគ្នា ពួកគេពិតជាស៊ីសង្វាក់គ្នាខ្លាំង ទាំងក្នុង និងក្រៅរឿង។ ស្របពេលមានការមិនពេញចិត្ត ប៉ុន្តែក៏នៅមានអ្នកពេញចិត្តនឹងតួ ១គូនេះ និងលើកទឹកចិត្តគ្រប់ពេល៕
