- 2020-08-06 07:21:35
- ព័ត៌មាន
ទាំងនេះជាវិន័យទាក់ទងស្នេហាខុសៗគ្នារវាងផលិតកម្ម SM, YG និង JYP
- 2020-08-06 07:21:35
- ចំនួនមតិ 0 | ចំនួនចែករំលែក 0
ទាំងនេះជាវិន័យទាក់ទងស្នេហាខុសៗគ្នារវាងផលិតកម្ម SM, YG និង JYP
ចន្លោះមិនឃើញ
ទំនាក់ទំនងស្នេហារបស់តារា K-Pop តែងស្ថិតនៅជាប្រធានបទជាទីចាប់អារម្មណ៍របស់អ្នកគាំទ្រ។ វាពិតជារឿងលំបាកមួយសម្រាប់តារាដែលត្រូវមានស្នេហា ស្របពេលពួកគេជាមនុស្សរបស់មហាជន និងមានអ្នកតាមដានជាប់ ហេតុនេះពេលមានរឿងអ្វីមួយ ពិតជាមិនអាចគេចចេញពីក្រសែភ្នែក Fan បានឡើយ។
ទាក់ទងនឹងការទាក់ទងមានស្នេហានេះ ផលិតកម្មធំ៣ប្រចាំនៅកូរ៉េ ប្រាកដជាមានវិន័យប្រចាំក្រុមហ៊ុន។ តើមានវិន័យហាមប្រាមទាំងនោះខុសគ្នាយ៉ាងណាខ្លះ? ខាងក្រោមនឹងលម្អិតដូចតទៅ៖
១. ផលិតកម្ម YG
កាលពីពេលលោក Yang Hyun Suk នៅជាថ្នាក់ដឹកនាំផលិតកម្ម YG តារារបស់ផលិតកម្មនេះទាំងអស់ តែងត្រូវបានហាមឃាត់មិនឲ្យមានស្នេហាឡើយ។
BLACKPINK ធ្លាប់បានទម្លាយកាលពីមុនថា អ្នកហ្វឹកហាត់ចំណូលថ្មីទាំងអស់របស់ផលិតកម្ម ត្រូវហាមមិនឲ្យទាក់ទងស្នេហាជាមួយអ្នកណាដាច់ខាត។ មិនមែនមានតែ BLACKPINK ទេ សូម្បី Bobby (ក្រុម iKON) ក៏បានទម្លាយរឿងនេះដែរ។
ប៉ុន្តែទោះជាយ៉ាងណា វិន័យហាមឲ្យមិនមានស្នេហានេះ ត្រូវអស់ប្រសិទ្ធិភាពដោយឯកឯង ដោយសារតារារបស់ YG ដល់ពេលត្រូវមានស្នេហារៀងៗខ្លួន។ ក្នុងនោះមានម្ដងនោះអតីតមេក្រុម iKON គឺ B.I ធ្លាប់បង្ហើបថា វិន័យមួយនេះអាចនឹងត្រូវអនុគ្រោះឲ្យ ប្រសិនតារានោះអាចរកលុយឲ្យក្រុមហ៊ុនបានច្រើន។
ដោយឡែក បើងាកទៅ Chanhyuk (ក្រម AKMU) វិញបាននិយាយថា តាំងពីដើមមកគ្មានអ្នកណាហាមលោក ឬដាក់វិន័យមិនឲ្យមានស្នេហានេះមកលើលោកសោះ បានន័យថា Yang Hyuk Suk ផ្ដល់សេរីភាពឲ្យលោកដោយគ្មានលក្ខខណ្ឌ។ ដូចនេះបានន័យថាមិនមែនគ្រប់តារាទាំងអស់សុទ្ធតែត្រូវទទួលវិន័យនេះទេ។
២. ផលិតកម្ម JYP
បើនិយាយពីវិន័យទាក់ទងស្នេហារបស់ផលិតកម្ម JYP វិញ វាក្លាយទៅជារឿងសាមញ្ញទៅហើយ ព្រោះថានាយកក្រុមហ៊ុន Park Jin Young បាននិយាយជារឿយៗថា គ្រប់តារារបស់ JYP មិនអនុញ្ញាតិឲ្យមានស្នេហា ឬទាក់ទងអ្នកណាផ្ដេសផ្ដាសឡើយ ក្នុងរយៈពេល ៣ឆ្នាំដំបូង។ ដំបូងឡើយផលិតកម្មដាក់កំណត់ដល់ទៅ ៥ឆ្នាំ ប៉ុន្តែគ្មានអ្នកណាគោរពតាមស្រួលបួលទេ ដូចនេះកាត់សល់ត្រឹម ៣ឆ្នាំ។ នេះជាសម្ដី Park Jin Young។
ក៏មិនខុស Chanhyuk ដែរ បើក្រឡេកមក Baek Ah Yeon តារានៅ JYP ក៏បាននិយាយថា ក្រុមហ៊ុនមិនបានដាក់កម្រិត ឬហាមប្រាមអ្វីឡើយចំពោះនាង មានតែលើកទឹកចិត្តឲ្យទៅក្រៅជួបមនុស្សម្នា និងទាក់ទងអ្នកណាដែលគិតថាសមរម្យសម្រាប់នាង ព្រោះថាវាអាចឲ្យមានបទពិសោធន៍ ពិសេសស្គាល់អារម្មណ៍ច្រើន ម្យ៉ាងក៏ល្អសម្រាប់អាជីពច្រៀង និងសរសេរបទចម្រៀងដែរ។
៣. ផលិតកម្ម SM
ចំពោះ SM វិញ ហាក់ដូចជាមិនសូវជាតឹងតែងដាក់តារាខ្លាំងទេទាក់ទងនឹងរឿងមានស្នេហា។ ជាឧទាហរណ៍ អតីតអ្នកហ្វឹកហាត់ម្នាក់របស់ផលិតកម្មនេះបាននិយាយថា SM មិនមានវិន័យអ្វីតឹងរ៉ឹងខ្លាំងទេ។ ឯតារាសម្ដែង Lee Yeon Hee ក៏បានលើកឡើងបែបនេះដែរ ថាផលិតកម្មមិនប្រកាន់ទោសអ្វីឡើយទាក់ទងរឿងនេះ ប៉ុន្តែពួកគេត្រូវប្រឈមបញ្ហាជាមួយនឹងតារា រាល់ពេលដែលព័ត៌មានស្នេហារបស់តារាត្រូវគេចាប់បាន៕