- 2020-08-13 05:50:00
- ព័ត៌មាន
បើតារាភ្លេចខ្លួនប្រព្រឹត្តិទង្វើ ៦យ៉ាងនេះ នឹងស៊យធំ រហូតនាំមហន្តរាយដល់អាជីព K-Pop
- 2020-08-13 05:50:00
- ចំនួនមតិ 0 | ចំនួនចែករំលែក 0
បើតារាភ្លេចខ្លួនប្រព្រឹត្តិទង្វើ ៦យ៉ាងនេះ នឹងស៊យធំ រហូតនាំមហន្តរាយដល់អាជីព K-Pop
ចន្លោះមិនឃើញ
ជាធម្មតាមហាជនតែងរំពឹងខ្ពស់លើតារា K-Pop ដោយសារពួកគេមើលមកតារាថាជាមនុស្សល្អឥតខ្ចោះធ្វើអ្វីក៏ល្អ។ ពិតណាស់តារាមួយចំនួនអាចធ្វើបានដោយគ្មានបញ្ហា ជាហេតុចំនួនស្រឡាញ់គាំទ្រកាន់តែកើន ធ្វើឲ្យពួកគេល្បី និងជោគជ័យសម្រាប់អាជីពមួយនេះ។ ប៉ុន្តែក៏នៅមានតារាខ្លះទៀត ភ្លេចខ្លួនធ្វើទង្វើខ្លះ ដែលបណ្ដាលឲ្យអ្នកគាំទ្រមិនពេញចិត្តជាដើម។
គណនី YouTube មួយឈ្មោះថា KOOKIELIT បានបង្ហោះវីដេអូមួយ ដោយលើកយករឿងខ្លះដែលអាចធ្វើឲ្យអាជីពសិល្បៈរបស់តារា K-Pop ធ្លាក់ក្នុងសភាពយ៉ាប់យ៉ឺនមិនគួរឲ្យជឿ។
អ្នកគាំទ្រតែងចាត់ទុកថា ទង្វើមួយនេះពិតជាអាក្រក់ខ្លាំងណាស់ ហើយតារាមួយចំនួនក៏ត្រូវជួបបញ្ហាធំដោយសាររឿងនេះដែរ។ ដូចករណីល្បីកក្រើកមួយដែលកើតឡើងក្នុងពិភព K-Pop កាលពីប៉ុន្មានឆ្នាំមុននោះគឺ ពេលមហាជនជឿថា Hwayoung (អតីតសមាជិក T-ARA) ត្រូវបានសមាជិករួមក្រុមផ្សេងទៀតមើលងាយធ្វើបាប។ ឧទាហរណ៍ជាក់ស្ដែង ផ្អែកតាមភស្តុតាងមួយពេល Eunjung បញ្ចុកនំម្ស៉ៅបែបបង្ខំចូលមាត់ Hwayoung។
ដោយសារតែហេតុនេះហើយទើប មហាជនចាប់ផ្ដើមសម្ដែងការមិនពេញចិត្តដល់សមាជិកក្រុមចំពោះអាកប្បកិរិយាមិនល្អនេះ។ ប្រជាប្រិយភាពរបស់ T-ARA ក៏ត្រូវធ្លាក់ចុះភ្លាម ស្ទើរមិនអាចស្រង់បានឡើងវិញ បន្ទាប់ពីមានរឿង។ ប៉ុន្តែក្រោយមក គ្រប់គ្នាស្រាប់តែសម្ដែងមតិជាថ្មី និងរកឃើញថាគ្រប់យ៉ាងដែលចេញផ្សាយកន្លងមកមិនមែនជាការពិត ពេលដឹងថា ការពិត Hwayoung ទៅវិញទេដែលជាអ្នកមើលងាយក្រុម។
ករណីស្រដៀងគ្នានេះដែរ កើតឡើងថ្មីៗ គឺទាក់ទងនឹង Mina អតីតសមាជិក AOA ដែលបានចេញមុខបើកទម្លាយរឿងទាំងប៉ុន្មានដែលបាន Jimin ធ្លាប់ធ្វើបាបដាក់នាងកាលនៅជាក្រុមជុំគ្នា។
ដំបូងឡើយ Jimin ប្រកែកមិនទទួលស្គាល់ថាខ្លួនបានធ្វើរឿងទាំងនោះឡើយ ជាហេតុក្រោយមក Mina បានបង្ហោះបន្ថែមរាល់ទង្វើដែល Jimin បង្កឡើង។ បែបនេះទើប Jimin ចេញមុខសុំទោស និងសម្រេចចាកចេញពី AOA និងវិស័យសិល្បៈទាំងមូលជារៀងរហូត។
ប្រធានបទមួយនេះតែងក្ដៅជានិច្ច ពេលណាលេចឮព័ត៌មានចេញឡើង ដោយសារអ្នកគាំទ្រគិតថាតារាៗមិនគួរមានស្នេហាទេ ព្រោះអាចធ្វើឲ្យអ្នកគាំទ្រខ្លះឈឺចិត្ត។ ដូចថ្មីៗ Chen (ក្រុម EXO) បានប្រកាសថាខ្លួននឹងរៀបការ ក៏ដូចជាត្រូវក្លាយជាឪពុកគេ បានធ្វើឲ្យអ្នកគាំទ្រមួយចំនួនសាទរ តែវាបែរជាប៉ះពាល់ផ្លូវចិត្តអ្នកគាំទ្រខ្លះ (ជនជាតិកូរ៉េ) ទៅវិញ រហូតធ្វើបាតុកម្មបំណងដេញលោកចេញពីក្រុមទៀតផង។ ប៉ុន្តែទោះជាប្រឹងយ៉ាងណាក៏មិនបានសម្រេច ព្រោះផលិតកម្ម SM បានចេញសេចក្ដីប្រកាសច្បាស់ៗថា Chen នឹងនៅជាមួយ EXO បន្តទៀត។
នេះជាអំពើខុសច្បាប់ក្នុងប្រទេសកូរ៉េ ហើយគ្រប់ប្រភេទល្បែងស៊ីសងទាំងអស់ ត្រូវបានប្រជាជនកូរ៉េមើលមកថាជាទង្វើមិនល្អ។ ដូច Andy (ក្រុម SHINHWA) ត្រូវបានគេចាប់បានថាបានលេងល្បែងចាក់បាល់កាលពីឆ្នាំ ២០១៣ រហូតលោកត្រូវគេហាមមិនឲ្យចេញមុខលើទូរទស្សន៍ MBC រហូតដល់ទៅ ១ឆ្នាំ។
នេះក៏ជាចំណុចមួយដែលអាចនាំឲ្យជីវិតសិល្បៈរបស់តារាៗធ្លាក់ចូលសភាពយ៉ាប់យ៉ឺនខ្លាំងដែរ ពេលណាដែលគេរកឃើញ។ Park Bom ជាអ្នកដែលទទួលជោគជ័យខ្លាំងលើវិថីមួយនេះពេលចេញមុខដំបូង ប៉ុន្តែដោយសារមានព័ត៌មានលេចឡើងថានាងប្រើប្រាស់សារធាតុញៀន ទើបបណ្ដាលឲ្យអាជីពរបស់នាងរងផលប៉ះពាល់ខ្លាំង។
រម្លឹកកាលពីឆ្នាំ ២០១០ Park Bom ត្រូវរងពាក្យចោទប្រកាន់ពីបទព្យាយាមរត់ពន្ធថ្នាំគ្រាប់ប្រភេទ Amphetamine មកពីសហរដ្ឋអាមេរិក។ តាមពិតទៅថ្នាំគ្រាប់ប្រភេទនេះជាឱសថស្របច្បាប់នៅអាមេរិក ប៉ុន្តែសម្រាប់នៅប្រទេសកូរ៉េវិញ វាគឺជាឱសថខុសច្បាប់ទៅវិញ។ ទោះបីនាងបានបង្ហាញភស្តុតាងជាវេជ្ជបញ្ជាចេញពីក្រុមគ្រូពេទ្យយ៉ាងណាក៏មហាជនខ្លះនៅតែបន្ទោសនាងដដែល។ ឈានដល់ចំណុចនេះហើយ ទើប Park Bom ត្រូវបង្ខំចិត្តដកខ្លួនពីពិភព K-Pop មួយរយៈសិន រហូតពេលមួយដែលនាងសម្រេចវិលមកជាថ្មីមកជួបអ្នកគាំទ្រដែលតែងផ្ដល់ក្ដីស្រឡាញ់គាំទ្រនាងកន្លងមក។
ញយដងណាស់ តារា K-Pop ត្រូវចេញពីក្រុមដោយសារធ្វើរឿងនេះ។ ដូច Kang In អតីតសមាជិកក្រុម Super Junior ជាដើម បានជាប់ពាក់ព័ន្ធវ័ណ្ឌកនឹងករណីនេះកាលពីឆ្នាំ ២០០៩ រហូតមហាជននាំគ្នាសម្ដែងការមិនពេញចិត្តមិនធម្មតា។ ប៉ុន្តែរហូតដល់ឆ្នាំ ២០១៦ លោកស្រាប់តែបង្ករឿងនេះម្ដងទៀត ជាហេតុសន្ធឹកនៃពាក្យរិះគន់សម្រុកមករក ឥតសំចៃឡើយ ព្រោះគ្រប់គ្នាជឿថា Kang In មិនចេះទទួលកំហុសខ្លួនដែលបានធ្វើទេ។ គ្រប់យ៉ាងដែលបានកើតឡើងនេះហើយ ទើបបង្ខំចិត្តលោកត្រូវតែចេញពី Super Junior។
កាតព្វកិច្ចនេះពិតជាសំខាន់បំផុត និងមិនអាចចៀសបានឡើយសម្រាប់គ្រប់មនុស្សប្រុសរបស់កូរ៉េខាងត្បូង ហើយមិនថាអ្នកនោះជាតារា ឬបុគ្គលល្បីយ៉ាងណាក៏ត្រូវតែបំពេញជាដាច់ខាត។ ប៉ុន្តែកន្លងមកមានតារាម្នាក់ដែលមានឈ្មោះថា Steve Yoo (Yoo Seung Jun) បែរជាគេចពីកាតព្វកិច្ចមួយនេះ រហូតលទ្ធផលចុងក្រោយ គ្មានអ្វីក្រៅពីបញ្ចប់អាជីពសិល្បៈ។
តាមគោលការណ៍ នៅឆ្នាំ ២០០២ Steve Yoo ត្រូវចូលបំពេញកាតព្វកិច្ចនេះ ប៉ុន្តែលោកធ្វើឲ្យគ្រប់គ្នាខកចិត្តខ្លាំង ពេលលោកសម្រេចបោះបង់សញ្ជាតិកូរ៉េ និងចូលសញ្ជាតិអាមេរិកវិញ។ ដោយសារការព្រងើយកន្តើយនេះហើយ ទើបលទ្ធផល លោកត្រូវបានគេបង្ខំឲ្យចាកចេញពីប្រទេសកូរ៉េ។ យោងតាមការសម្រេចរបស់រដ្ឋាភិបាលកូរ៉េខាងត្បូង បានចាត់ទុកថានេះជាទង្វើរត់ចោលជួរ។ ជាមួយគ្នានោះ Steve ក៏ត្រូវជាប់បម្រាមមិនឲ្យចូលប្រទេសនេះដូចគ្នា។ រយៈពេលជិត ២០ឆ្នាំ ឈ្មោះនិងមុខមាត់លោកមិនដែលទទួលបានមតិល្អម្ដងណាឡើយទល់សព្វថ្ងៃ៕