- 2020-08-18 04:12:00
- ព័ត៌មាន
ស្រឡាញ់ទើបតស៊ូ! សម្ដែងរបាំម្ដងត្រូវការពេលហាត់សមយូរដល់ម្ល៉ឹង
- 2020-08-18 04:12:00
- ចំនួនមតិ 0 | ចំនួនចែករំលែក 0
ស្រឡាញ់ទើបតស៊ូ! សម្ដែងរបាំម្ដងត្រូវការពេលហាត់សមយូរដល់ម្ល៉ឹង
ចន្លោះមិនឃើញ
ទស្សនិកជនភាគច្រើនដែលបានមើលការសម្ដែងរបាំកន្លងមក អាចនឹងមិនដឹងថា ការហាត់សមរបាំមុនចេញសម្ដែងជាសាធារណៈ ត្រូវការចំណាយពេលហាត់សមយូរប៉ុណ្ណានោះឡើយ ថ្ងៃនេះអ្នកនឹងបានដឹង។
បើតាមទីប្រឹក្សាក្រសួងវប្បធម៌ និងវិចិត្រសិល្បៈអ្នកស្រី ប៉ែន សុខហួន បានប្រាប់ Sabay ថា ការហាត់សមរបាំមុនចេញសម្ដែងម្ដងៗ ត្រូវការពេលហាត់យូរ ឬឆាប់ អាស្រ័យទៅតាមកម្មវិធីតូច ឬធំ និងអាស្រ័យទៅតាមប្រភេទរបាំដែរ។ របាំដែលត្រូវសម្ដែងក្នុងកម្មវិធីថ្នាក់ជាតិធំៗ ត្រូវការពេលហាត់សមយូរ រហូតទៅដល់៣ខែ ឬលើសពីនេះ ហើយបើត្រូវយកទៅសម្ដែងនៅក្រៅប្រទេស ក្នុងកម្មវិធីខ្នាតអន្តរជាតិទៀតនោះរឹតតែយូរ ព្រោះត្រូវខំសម្រិតសម្រាំង។ អ្នកស្រីបន្ថែមថា របាំខ្លះក៏ចំណាយពេលហាត់សមតិចដែរ គឺប្រហាក់ប្រហែលកន្លះខែឬ មួយខែ ព្រោះរបាំនោះរាំរយៈពេលខ្លី និងខ្នាតតូច។
“វាអត់ទៀងដែរ របាំខ្លះតូចយើងត្រូវការពេលហាត់តិចថ្ងៃទេ តែបើរបាំនោះត្រូវសម្ដែងក្នុងកម្មវិធីធំៗ និងថ្នាក់អន្តរជាតិយើងត្រូវខំសម្រិតសម្រាំង ម្យ៉ាងទៀតវាទៅតាមពេលវេលារបស់សិល្បករដែរ អ្នកខ្លះគាត់រវល់អត់បានហាត់រាល់ថ្ងៃទេ ជួនទៅ១សប្ដាហ៍ហាត់បាន២ថ្ងៃ ឬ ៣ថ្ងៃ អីហ្នឹង”។
គ្រូបង្ហាត់របាំរូបនេះបញ្ជាក់បន្ថែមថា របាំខ្លះមានទំហំតូច និងជាស្នាដៃចាស់ ត្រូវការពេលហាត់សមមិនច្រើនទេ តែបើរបាំដែលជាស្នាដៃដំឡើងថ្មី ត្រូវចំណាយពេលហាត់សមយូរ៕