- 2020-08-17 11:38:47
- ជីវិតតារា
ឈិន មុន្នីនាថ៖ ដល់គូហើយ ចង់ប្រកែកក៏មិនបានដែរ
- 2020-08-17 11:38:47
- ចំនួនមតិ 0 | ចំនួនចែករំលែក 0
ឈិន មុន្នីនាថ៖ ដល់គូហើយ ចង់ប្រកែកក៏មិនបានដែរ
ចន្លោះមិនឃើញ
តួអង្គឯកស្រីក្នុងរឿងភាគ "អ្នកម៉ាក់វ័យក្មេង" ឈិន មុន្នីនាថ ព្រលយពាក្យថា "បើនាងដល់គូហើយចង់ប្រកែកក៏មិនបានដែរ"។ នាង បានត្រៀមចិត្តទទួលយកដៃគូជីវិតរួចហើយ ត្បិតថាបច្ចុប្បន្នមិនទាន់មានសុភាពបុរសណាម្នាក់ចូលមកចែចូវនៅឡើយនោះ។
គេសង្កេតឃើញកញ្ញា ឈិន មុន្នីនាថ ដែលពេលនេះមានវ័យ ១៨ឆ្នាំហើយ ហាក់មិនសូវខ្វាយខ្វល់នឹងរឿងស្នេហា ឬមានភាពស្និទ្ធស្នាល និងលេងសើចច្រើនជាមួយបុរសណាម្នាក់ក្រៅពីលោក នូ ឧសភា ដែលជាតួអង្គឯកប្រុសសម្ដែងរឿងជាមួយគ្នានោះទេ។
ប៉ុន្តែនាងធ្លាប់បញ្ជាក់ថា រវាងរូបនាង និងលោក នូ ឧសភា បានស្រឡាញ់រាប់អានគ្នាដូចជាបងប្អូនបង្កើត ព្រោះនៅក្រៅឆាកពួកគេ គឺជាមនុស្សចូលចិត្តលេងសើច និងញ៉េះញ៉ោះដាក់គ្នាច្រើនបំផុត។
ឈិន មុនី្ននាថ បញ្ជាក់ថា មកដល់វ័យនេះហើយ នាងមិនធ្លាប់ជួបនឹងរឿងស្នេហាបែកបាក់នោះទេ ហើយបច្ចុប្បន្នក៏មិនទាន់មានទំនាក់ទំនងស្នេហាជាមួយបុរសណាម្នាក់ដែរ ព្រោះនាងរវល់នឹងការងាររកស៊ី និងអាជីពសម្ដែង រហូតដល់ពេលខ្លះ នាងមិនដែលគិតដល់រឿងមានគូរស្រករអ្វីឡើយ។
ឈិន មុនី្ននាថ បានប្រឡូកក្នុងវិស័យសិល្បៈតាំងពីអាយុ៧ឆ្នាំ ហើយប្រជាប្រិយភាពរបស់នាងចាប់ផ្ដើមឡើងខ្ពស់តាំងពីឆ្នាំ២០១៩ តាមរយៈរឿង"អ្នកម៉ាក់វ័យក្មេង"។ រូបសម្រស់របស់តួឯកស្រីរូបនេះ បានបង្អួតដល់ហ្វូងកន្លង់ទាំងក្នុង និងក្រៅសិល្បៈមិនតិចទេ ប៉ុន្តែរយៈពេល១១ឆ្នាំដែលនាងប្រឡូកក្នុងវិស័យសិល្បៈមកនេះ មិនទាន់មានបុរសណាម្នាក់មានភាពក្លាហានមកសារភាពសុំស្នេហ៍នៅឡើយ ហើយនាងក៏ពោលថា"ដល់គូរពេលណាគឺពេលហ្នឹងចុះ"៕