- 2020-08-29 05:06:41
- ព័ត៌មាន
បាញ់មែន! ភាគ១ «លួចស្រលាញ់» ដុតអ្នកមើលបន្តិចហើយ តែល្អមើលម្យ៉ាង (មានវីដេអូ)
- 2020-08-29 05:06:41
- ចំនួនមតិ 0 | ចំនួនចែករំលែក 0
បាញ់មែន! ភាគ១ «លួចស្រលាញ់» ដុតអ្នកមើលបន្តិចហើយ តែល្អមើលម្យ៉ាង (មានវីដេអូ)
ចន្លោះមិនឃើញ
ទើបចេញភាគ ១ កាលពីល្ងាចថ្ងៃព្រហស្បតិ៍ ទី ២៧ សីហា ២០២០ នេះ រឿងភាគខ្លី បែបមនោសញ្ចេតនាយុវវ័យសម័យថ្មី ចំណងជើង «លួចស្រលាញ់» ទទួលបានការចាប់អារម្មណ៍ខ្លាំងពីអ្នកមើល ពិសេសយុវវ័យ ដោយសារសាច់រឿងស្រដៀងរឿងពិតច្រើន , មើលទៅសាមញ្ញ តែបង្កប់ចម្ងល់ ឯការសម្ដែងក៏ធម្មជាតិ ហើយតួក៏សុទ្ធតែគួរឲ្យស្រឡាញ់ទៀត មើលហើយសប្បាយទាយសាច់រឿង ហើយក្រាស់តួទៀត។
តាមរយៈការចូលរួមយោបល់របស់អ្នកមើល Sabay ស្រង់បានមតិ និងចម្ងល់ គួរឲ្យចាប់អារម្មណ៍មួយចំនួន ដូចជា៖
១. មានហ្វេនម្នាក់បានសួរថា ៖ «សម័យនេះហើយគ្រាន់តែចង់សារភាព អីក៏ពិបាកម្ល៉េះ ? ហេតុអ្វីបាននៅសរសេរសំបុត្រសារភាពទៀត ?» ឆ្លើយតបនឹងសំណួរនេះ អ្នកនិពន្ធបានបកស្រាយថា ៖ « ទោះជាសម័យណាក៏ដោយ រឿងសារភាពនេះនៅតែពិបាក ពិសេសពេលយើងមិនដឹងថាម្ខាងទៀតកំពុងគិតម៉េចចំពោះយើង។ ហើយការសរសេរសំបុត្រសារភាពស្នេហាទោះវាហួសសម័យមែន តែនៅតែមានគេធ្វើអីចឹង ដោយសារវារ៉ូមែនទិច និងមានន័យជាង ការប្រាប់ផ្ទាល់ ឬ តាមការផ្ញើសារ ឬ តាមទូរស័ព្ទ ។ និយាយរួម តាមចំណូចចិត្តមនុស្សម្នាក់ៗ ។ តែដោយសារម៉ាហឹកនេះរឿងអក្សសាស្ត្រ និងការសរសេរកំពុង Trendy ខ្លាំង អីចឹងក៏បង្កើតប្លង់ឲ្យតួស្រីសរសេរសំបុត្រសារភាពស្នេហាទៅ»។
២. ចង់ដឹងអីតិច ចូល search មើលចម្លើយក្នុង google ភ្លាម ៖ អ្នកមើលណាក៏ហួសចិត្តដែរ ដូចឃើញស្រាប់ក្នុងភាគ១ នេះ មុនចង់សារភាព ពិសីធ្វើ research មិនតិចទេ តាំងពីរបៀបស្ទង់ចិត្តក្រាស់ថាមានចាប់ចិត្តលើនាងវិញអត់ និង តិចនិកសារភាពផ្សេងៗជាដើម។
៣. ធ្វើជាស្និតស្នាលជាមួយអ្នកផ្សេង ឲ្យក្រាស់ប្រចណ្ឌ ៖ តែពេលក្រាស់គ្មានប្រតិកម្ម តាំងខ្លួនឯងគិតច្រើន។ ជាក់ស្តែងអ្នកលួចស្រលាញ់គេ តែងតែ គិតច្រើន ឬ គិតឥតល្ហែម៉ង (Overthinking) ។
៤. យកឡានដឹកអ្នកណាគេខ្លះ កុំបន្សល់ដានទុកដូចតួនីតឲ្យសោះ ៖ ពេលខ្លះទោះជាខំបកស្រាយ ក៏អ្នកស្តាប់ពិបាកទទួលយកដែរ។
៥. ដុតអ្នកចូលចិត្តស៊ែរចម្រៀងគ្នា ៖ មិត្តល្អ ឬ គូស្នេហ៍ណាខ្លះចូលចិត្តផ្ញើចម្រៀងឲ្យគ្នាស្តាប់? សំខាន់ចម្រៀងមួយៗ សុទ្ធតែពាក់ព័ន្ធនឹងអារម្មណ៍អ្នកផ្ញើទៅកាន់អ្នកទទួល មិនមែនចេះតែផ្ញើឲ្យទេ។
៦. យកលេសហៅធាក់កង់ ព្រោះចង់ជួបក្រាស់សោះ ៖ ពេលក្រាស់គេហើយ ច្បាស់ជាចង់ឃើញគេរាល់ថ្ងៃ រាល់ម៉ោងម៉ង។ ការយកលេសហៅ គេហាត់កីឡា ឬ ធាក់កង់អីចឹង គឺជាវិធីសាស្ត្រល្អមួយដែរ ព្រោះសម័យនេះ គេនិយាយណាស់រឿង ធាក់កង់ ឬដើរហាត់ប្រាណជាមួយគ្នាជាដើម។
ចង់ដឹងថាដុតខ្លាំង ដូចរៀបរាប់ខាងលើអត់ អាចចូលមើលរឿងដោយផ្ទាល់បាន ៖ (សូមចុចលើរូបខាងក្រោមនេះដើម្បីមើលរឿង)
សារសំខាន់មួយ ដែលអ្នកនិពន្ធ ចង់ផ្តាំទៅអ្នកលួចស្រលាញ់គេទាំងអស់តាមរយៈ ភាគ១ នេះ គឺ «មុនសម្រេចចិត្តសារភាព ចំពោះមនុស្សដែលយើងលួចស្រលាញ់ ត្រូវគិតឲ្យច្បាស់លាស់ ពិសេសបើមនុស្សដែលអ្នកលួចស្រលាញ់ គឺជាមិត្តល្អទៀត ។ គួរស្ទង់មើលចិត្តគេថាមានចាប់អារម្មណ៍អ្នកខ្លះវិញអត់ (មើលទៅមានសង្ឃឹមអត់? ) រួចចាំសារភាព បើមិនដូច្នេះទេ អាចក្រោយសារភាពខុស មើលមុខគ្នាលែងចំ ឬ បាត់បង់មិត្តភាពជាដើម»។
ដោយសារមូលហេតុដូចរៀបរាប់ខាងលើនេះហើយ បានជាតួអង្គក្នុងរឿងដែលបានលួចស្រលាញ់គេ សុទ្ធតែជ្រើសរើសលាក់បាំងអារម្មណ៍ពិតខ្លួនឯងសិន ចាំមើលឱកាសល្អដើម្បីសារភាព ព្រោះមិនចង់ឲ្យប៉ះពាល់ដល់មិត្តភាពជាច្រើនឆ្នាំ ។
តែបើបន្តលាក់បាំងរហូតអីចឹង តើបានលទ្ធផលអី ? ចង់ដឹងទាល់តែចាំមើលភាគ ២ ដែលជាភាគបញ្ចប់ នឹងចេញនៅថ្ងៃ ព្រហស្បតិ៍ ទី ៣ កញ្ញា ២០២០ នេះ វេលាម៉ោង ៧យប់ ៕
អត្ថបទទាក់ទង៖ ត្រៀម! ចេញភាគ១ យប់នេះ «លួចស្រលាញ់» មាន ៨ចំណុចត្រូវចិត្តអ្នកមើលខ្លាំង មិនគួររំលង
