- 2020-09-01 09:58:13
- ព័ត៌មាន
ល្អមើលមែន! តួរឿង «លួចស្រលាញ់» ប្រាប់ពីឈុតពិបាកថត និងពេញចិត្តជាងគេ ដឹងហើយហួសចិត្តណាស់
- 2020-09-01 09:58:13
- ចំនួនមតិ 0 | ចំនួនចែករំលែក 0
ល្អមើលមែន! តួរឿង «លួចស្រលាញ់» ប្រាប់ពីឈុតពិបាកថត និងពេញចិត្តជាងគេ ដឹងហើយហួសចិត្តណាស់
ចន្លោះមិនឃើញ
កាលពីល្ងាចម្សិលមិញនេះ តួអង្គ នីត និង សី ក្នុងរឿង « លួចស្រលាញ់ » បានចូលរួមជាភ្ញៀវកិត្តិយសក្នុងកម្មវិធី Smart Live Show និង ត្រូវគេសំនួរថាជាច្រើនទាក់ទងនឹងសាច់រឿង ហើយសំនួរដែលគួរឲ្យចាប់អារម្មណ៍បំផុតនោះ គឺ ក្នុងរឿងនេះ ឈុតណាពិបាកថតជាងគេ ? ស្រលាញ់ឈុតណាជាងគេ ?
ឆ្លើយតបនឹងសំនួរនេះ តារាទាំងពីរ មានចម្លើយដូចគ្នា ឈុតដែលពិបាកថត និង ស្រលាញ់ជាងគេបំផុត គឺ ធាក់កង់។
តួសី ដែលសម្ដែងដោយ កញ្ញា Miss Grand ដេត ស្រីនាឌ បានឲ្យដឹងថា ៖ «និយាយរួម ថតឈុតនេះ លះបង់ច្រើនម៉ង ទាំងហាលថ្ងៃក្តៅ ហើយឈឺគូទដោយសារធាក់កង់យូរទៀត តែក៏សប្បាយប្លែកម្យ៉ាងដែរ។ ឈុតនេះ ខ្ញុំត្រូវសម្ដែងជាសប្បាយចិត្ត ញញឹមញញែម ព្រោះបានធាក់កង់ជាមួយក្រាស់ ហើយថ្ងៃថតដំបូងអីចឹងខ្ញុំអត់ដឹងនិយាយអីជាមួយគាត់ទេ អីចឹងចេះតែទៅ ចង្អុលមេឃ ចង្អុលផ្កាយ ហើយសើចម្នាក់ឯង »។
បន្ថែមលើចំណុចនេះ តួ នីត សម្ដែងដោយ លោក មឿន ឯកសុភារិទ្ធ បានឲ្យដឹងដែរថា៖ « ជាក់ស្តែងខ្ញុំថតជាប់ថ្ងៃគ្នា អត់បានសម្រាកសោះ ហើយហត់ខ្លាំង សយអីឈុតថតថ្ងៃដំបូងហ្នឹង គឺ ធាក់កង់ទៀត ។ និយាយទៅហួសចិត្តដែរ ឈុតហ្នឹងចេញតែមួយភ្លែតមែន តែជាក់ស្តែងពេលថត ដើម្បីបានប្លង់ស្អាតៗ យើងថតស្ទើរជាង ៣០ដង ហើយហាលក្តៅទៀត។ កាន់តែល្អសើចនោះ គឺ តួ សី នេះ សួរខ្ញុំរហូតថា បងស្រលាញ់ខុនដូមួយណា ពណ៌អីចឹង បែបគ្នាចេះតែប្រឹងរកអីនិយាយ ហើយខ្ញុំចង់ជួយគាត់ដែរ តែក្នុងសាច់រឿងនេះ គេអត់ឲ្យតួនីតហ្នឹងនិយាយអីទេ អីចឹងជួយនិយាយគាត់អត់បាន គាត់និយាយម្នាក់ឯង » ។
គួរឲ្យស្តាយ ដោយសារបញ្ហាសុខភាពភ្លាមៗ តួអង្គ វីដ ដែលសម្ដែងដោយ ដេវីដ នៃក្រុមតូច (Small World Small Band) មិនអាចចូលរួមកម្មវិធី Live នេះបានដូចការគម្រោងទុក។ តែលោកក៏បានសន្យា ថានឹង ចូលរួមក្នុង Live Show នេះជួបហ្វេននៅសប្តាហ៍ក្រោយដែរ។
តួអង្គសំខាន់ទាំង ២ ក៏បានបង្ហាញពី ចំណាប់អារម្មណ៍ពាក់ព័ន្ធនឹងសាច់រឿងដែរថា រឿង « លួចស្រលាញ់ » នេះខ្លីតែមានអត្ថន័យល្អ ជារសជាតិប្លែក ដែលសូវឃើញមានពីមុនមកទេ ដូច្នេះហើយបន្ទាប់ពីអានសាច់រឿងហើយ ទោះមមាញឹកយ៉ាងណា ក៏ពួកគេនៅតែសម្រេចចិត្តចូលរួមស្តែងក្នុងរឿងនេះទាល់តែបាន។ អីចឹងសង្ឃឹមថាបងប្អូននឹងចូលមើលទាំងអស់គ្នា ហើយចែករំលែកការយល់ឃើញទាក់ទងនឹងសាច់រឿងផង។
ភាគ ២ ដែលជាភាគបញ្ចប់ នឹងកាន់តែចាក់ដោត ពិសេសសម្រាប់អ្នកចូលចិត្ត ដ្រាម៉ា ដែលនឹងចេញ នាថ្ងៃ ព្រហស្សតិ៍ ទី ៣ ខែកញ្ញានេះ ម៉ោង ៧យប់ លើហ្វេសប៊ុកផេក Sabay និង Smart Axiata នាម៉ោង ៧យប់ ។
កុំឲ្យនឹកតួ និងសាច់រឿងពេក ឥលូវអាចមើលភាគ១ លេងៗ សិនបាន តាមលីងខាងក្រោម ហើយជួយប្រាប់ថា ពេញចិត្តត្រង់ណា និង មិនអស់ចេញត្រង់ណា ៖