- 2020-09-09 10:39:11
- ចម្រៀង
ដល់បាត់! និសា ដាក់១បទនេះទៀត រឹតតែធ្វើឲ្យនឹកផ្ទះកាន់តែខ្លាំងហើយ
- 2020-09-09 10:39:11
- ចំនួនមតិ 0 | ចំនួនចែករំលែក 0
ដល់បាត់! និសា ដាក់១បទនេះទៀត រឹតតែធ្វើឲ្យនឹកផ្ទះកាន់តែខ្លាំងហើយ
ចន្លោះមិនឃើញ
ក្រោយពីបានបញ្ចេញបទចម្រៀងមួយមានចំណងជើងថា "ភ្ជុំបិណ្ឌដល់ហើយ" របស់កំពូលតារាចម្រៀង ខេមរៈ សិរីមន្ត និងសុគន្ធកញ្ញា ទាញយកការគាំទ្រ និងលើកសរសេរជាខ្លាំងនោះ ឥឡូវ ហង្សមាស ថែមមក១ទៀតហើយ ដែលនឹងធ្វើឲ្យប្រិយមិត្តនឹកផ្ទះកាន់តែខ្លាំង។
ចំណងដៃរបស់កំពូលតារាចម្រៀងសំឡេងស្រទន់ សុគន្ធ នីសា មានចំណងជើងថា "ភ្ជុំបិណ្ឌនឹកផ្ទះ" ។ អ្នកនិពន្ធ លី ស៊ីនហួន បានលើករឿងរ៉ាវជាច្រើននៅស្រុកកំណើត ទីកន្លែងដែលប្រិយមិត្តភាគច្រើនបានកើត និងចម្រើនវ័យ ឆ្លងកាត់អនុស្សាវរីយ៍ល្អៗជាច្រើន មុនពេលលាទាំងអាល័យមកស្វែងរកអនាគតប្រពៃនៅលើដីក្រុង ទាំងល្ហល្ហេវ។
ហេតុដូច្នេះហើយ ម្នាក់ៗរំពឹងរំពៃតែថ្ងៃឈប់សម្រាក ឬបុណ្យទានប៉ុណ្ណោះ នឹងបានវិលវៃទៅជួបលោកឪពុក អ្នកម្ដាយ រំលឹកអនុស្សាវរីយ៍ចាស់ ជាមួយភូមិឋានកំណើត មិត្តភ័ក្ដិ វាលស្រែ និងការចងចាំល្អៗឡើងវិញ។ បែបនេះហើយទើបបទ "ភ្ជុំបិណ្ឌនឹកផ្ទះ" បាន និងកំពុងអង្រួនបេះដូងប្រិយមិត្តអ្នកស្ដាប់ម្ដងទៀត បន្ទាប់បទ "ភ្ជុំបិណ្ឌដល់ហើយ" របស់កំពូលតារាចម្រៀងប្រុស ស្រីទាំងគូខាងលើ។
គិតមកដល់ពេលនេះ បទចម្រៀងក្រោមទឹកដៃនិពន្ធទំនុកច្រៀងរបស់ លី ស៊ីនហួន បានទទួលបានការគាំទ្រជាខ្លាំង ពីសំណាក់មហាជនក្រោយបញ្ចេញនៅលើបណ្ដាញសង្គមត្រឹមរយៈពេលខ្លីប៉ុណ្ណោះ។ ប្រិយមិត្តជាច្រើន ពោលថា ពួកគេកាន់តែនឹករលឹករឿងគ្រប់យ៉ាងនៅកន្លែងកំណើតមែនទែនហើយ តាំងពីហង្សមាសចេញបទចម្រៀងចាក់ដោតពួកគេមួយហើយមួយទៀត!
តោះ សូមប្រិយមិត្តស្ដាប់កម្សាន្តទាំងអស់គ្នា!!!