- 2020-09-21 08:53:59
- ស្ទីលតារា
មកដឹងពីហេតុផលសំខាន់ពីរ ដែលធ្វើឲ្យលោក វី ជីវ័ន្ដ ទុកសក់វែងកន្ទ្រើង
- 2020-09-21 08:53:59
- ចំនួនមតិ 0 | ចំនួនចែករំលែក 0
មកដឹងពីហេតុផលសំខាន់ពីរ ដែលធ្វើឲ្យលោក វី ជីវ័ន្ដ ទុកសក់វែងកន្ទ្រើង
ចន្លោះមិនឃើញ
តន្ត្រីករ និងជាតារាសម្ដែង លោក វី ជីវ័ន្ដ ប្ដេជ្ញាថាលោកនឹងទុកសក់វែងកន្ទ្រើងរហូតដល់លោកមានគូស្រករ ហើយបើភរិយាលោកមិនយល់ទាស់អ្វីទេ រូបលោកនឹងបន្ដទុកសក់កន្ទ្រើងដដែល ព្រោះវាជាអានុភាពរបស់លោកក្នុងអាជីពសម្ដែងរយៈពេលជាង១០ឆ្នាំមកនេះ។
តារានិយមសម្ដែងបែបថ្លុក មានរាងខ្ពស់ស្រឡះរូបនេះ និយាយថា កាលលោកនៅជាតន្ត្រីករវ័យក្មេង លោកក៏ធ្លាប់កាត់សក់ខ្លី និងពេលខ្លះលោកទុកវាឲ្យវែងដែរ ប៉ុន្តែត្រូវពន្លាវាឲ្យត្រង់។ សក់បានប្ដូរស្ទើរគ្រប់ម៉ូត តែនៅតែមិនពេញចិត្តលោកសោះ ទើបរយៈពេលជាង១០ឆ្នាំចុងក្រោយនេះ ម៉ូតសក់មួយបានធ្វើឲ្យលោកភ្ញាក់ផ្អើល។
ខុសពីអធិរាជសំឡេងមាស ស៊ីន ស៊ីសាមុត ចម្រៀងពោលពីអានុភាពពុកមាត់ ដែលអាចការពារខ្មាំងសត្រូវមើលងាយ។ លោក វី ជីវ័ន្ដ បានបង្ហើបពីហេតុផលសំខាន់ចំនួន២ដែលធ្វើឲ្យលោក សម្រេចទុកសក់វែងកន្ទ្រើងដូច្នេះ។ ទី១ មហាជនចាប់ផ្ដើមស្គាល់ និងគាំទ្រលោកច្រើនតាមរយៈសក់នេះ និងទី២ ចាប់តាំងពីលោកទុកសក់វែងកន្ទ្រើងបែបនេះមក គឺលោករកលុយបានច្រើនទាំងការប្រគុំតន្ដ្រី និងអាជីពសម្ដែង។
លោក វី ជីវ័ន្ដ មានសក់រួញអង្គាដីតាំងពីកំណើត។ បច្ចុប្បន្នលោក ស្រឡាញ់ និងថែទាំសរសៃសក់វែងកន្ទ្រើងរបស់លោកស្ទើរស្មើកែវភ្នែក។ ក្នុង១សប្ដាហ៍ លោកត្រូវកក់សក់២ដង។ សក់វែងកន្ទ្រើងដែលមើលទៅគួរឲ្យទើស និងធ្ងន់ក្បាលនោះ ប៉ុន្តែសម្រាប់ ជីវ័ន្ដ វិញមិនទើស ឬធ្ងន់ក្បាលឡើយ ហើយលោកថែមទាំងពោលថាវាស្រួលសម្រាប់លោកទៀតផង៕