- 2020-09-28 02:49:50
- ចម្រៀង
ប្រទះឃើញលើកទី១ បទចម្រៀងលើកទឹកចិត្តស្ត្រី កើតសង្វារក្រោយសម្រាលកូន
- 2020-09-28 02:49:50
- ចំនួនមតិ 0 | ចំនួនចែករំលែក 0
ប្រទះឃើញលើកទី១ បទចម្រៀងលើកទឹកចិត្តស្ត្រី កើតសង្វារក្រោយសម្រាលកូន
ចន្លោះមិនឃើញ
បទចម្រៀងរាប់ពាន់ម៉ឺនបទ ភាគច្រើនផ្ដោតតែទៅលើស្នេហាយុវវ័យ ប៉ុន្តែនៅថ្ងៃនេះ ប្រិយមិត្តបានប្រទះឃើញបទចម្រៀងរសជាតិថ្មីមួយបទ ដែលអ្នកចម្រៀងបានបង្ហើរសំនៀងលើកទឹកចិត្តស្ត្រីគ្រប់រូបដែលបន្ទាប់ពីឆ្លងទន្លេហើយ ជួបបញ្ហាកើតសង្វារលើដងខ្លួនគួរឲ្យទើសចិត្ត។
បទចម្រៀងនេះ ច្រៀងដោយតារាចម្រៀង នៅ ដាណា ដែលមានចំណងជើងថា "សង្វារ"។ សង្វារ គឺបញ្ហាដ៏ចម្បងមួយរបស់ស្ត្រីស្ទើរគ្រប់រូប បានប្រឈមបន្ទាប់ពីសម្រាលបុត្រជាទីស្រឡាញ់របស់ខ្លួនមក។ វាបានប្រែរូបរាង សម្បុរស្បែកដ៏ស្រស់ស្អាតផូរផង់របស់ស្ត្រីនៅមុនសម្រាល មកជាទិដ្ឋភាពគួរឲ្យរង្កៀសចិត្ត ហើយករណីខ្លះធ្វើឲ្យនារីបាត់បង់ជំនឿចិត្តថែមទៀត នៅចំពោះមុខស្វាមី។ ត្បិតថា នេះមិនមែនជាអ្វីដែលនារីត្រូវការឡើយ ប៉ុន្តែពួកគេភាគច្រើន រមែងចៀសមិនផុតឡើយ។
ស្នាមនេះ ជួនត្រូវបានរលុបបាត់បន្តិចម្ដងៗ ក្រោយសម្រាលរយៈពេលយូរ តាមរយៈការព្យាបាលដោយឱសថ ឬគ្រឿងថែរក្សាសម្ផស្សនានា ប៉ុន្តែស្ត្រីខ្លះនៅទ្រាំរស់ជាមួយស្នាមនេះរហូតមួយជីវិតផងក៏មាន។ ប៉ុន្តែតាមរយៈបទ "សង្វារ" តារាចម្រៀង នៅ ដាណា បានចូលមកលើកទឹកចិត្តស្ត្រីទាំងឡាយ ថា ត្រូវតែមានជំនឿចិត្តលើខ្លួនឯង កុំបាក់ទឹកចិត្ត តែត្រូវចាត់ទុកថា នោះគ្រាន់ជា "ស្នាមឆ្នូតរបស់សត្វខ្លា" ប៉ុណ្ណោះ។
"បទចម្រៀងនេះដែរចង់អោយអ្នកទាំងអស់គ្នាមានជំនឿទុកចិត្តលើខ្លួនឯងទោះបីជារូបរាងយើងមានស្លាកស្នាម រឺក៏សង្វារអីក៏ដោយ។ ត្រូវតែស្រលាញ់ និងមានមោទកភាពចំពោះអីដែលខ្លួនយើងមាន!" ។ នៅ ដាណា ថ្លែង។
តោះ ចូលមើលវីដេអូនេះហើយចែករំលែកតៗគ្នាផងដើម្បីលើកទឹកចិត្ត អ្នកម្ដាយគ្រប់រូប៖
