- 2020-09-28 02:57:46
- ព័ត៌មាន
តារាកូរ៉េទាំង ៥នេះ សុទ្ធតែមានប្រវត្តិជួយជីវិតមនុស្សឲ្យផុតពីគ្រោះថ្នាក់
- 2020-09-28 02:57:46
- ចំនួនមតិ 0 | ចំនួនចែករំលែក 0
តារាកូរ៉េទាំង ៥នេះ សុទ្ធតែមានប្រវត្តិជួយជីវិតមនុស្សឲ្យផុតពីគ្រោះថ្នាក់
ចន្លោះមិនឃើញ
មានរឿងមិនគួរឲ្យជឿជាច្រើនបានកើតឡើងក្នុងរង្វង់សិល្បៈកូរ៉េ ប៉ុន្តែរឿងខ្លះបានធ្វើឲ្យយើងរំភើប ដោយសារហេតុការណ៍កើតឡើងចៃដន្យ។ ខាងក្រោមនេះជាពេលវេលាមិនអាចបំភ្លេចបាន ពេលតារាៗជួយជីវិតអ្នកជុំវិញខ្លួនរបស់ពួកគេ៖
១. Jungkook (BTS) ជួយជីវិត Kim Sung Joo
អំឡុងពេលចូលរួមកម្មវិធី Visiting Teacher ពិធីករទូរទស្សន៍ Kim Sung Joo បានបង្ហើបឲ្យដឹងថា Jungkook ធ្លាប់ជួយជីវិតលោក។ ហេតុការណ៍នោះបានកើតឡើងអំឡុងពេលកម្មវិធីមួយដែលលោកធ្វើជាពិធីករ ហើយវាកើតឡើងមុនពេល BTS ត្រូវសម្ដែងបទ «Fire»។ សមាជិកទាំងអស់ត្រូវត្រៀមនៅក្រោមឆាករៀងៗខ្លួនមុនពួកគេបង្ហាញខាងលើ។
ពេលនោះលោក Kim Sung Joo មិនបានដឹងខ្លួនថាឆាកខាងក្រោយត្រូវគេទម្លាក់ចុះទេ ដូចនេះលោកក៏ឈានថយក្រោយទាំងមិនបានមើល ហើយធ្លាក់ទៅក្រោមតែម្ដង។ ប៉ុន្តែជាសំណាងល្អ Jungkook ជាអ្នកនៅពីក្រោមនោះជាអ្នកជួយលោកទាំងស្រុងពីហេតុការណ៍នេះ។ លោកនិយាយទៀតថា រាល់ពេលឃើញ BTS លោកតែងសម្ដែងការអរគុណដល់ JUngkook ជានិច្ច។
២. Yoo Jae Suk ជួយជីវិតបុរសម្នាក់
បុរសម្នាក់នោះបានព្យាយាមបញ្ចប់ជីវិតខ្លួន ពេលកំពុងបម្រើក្នុងជួរទ័ព ដោយសារពេលនោះគេជួបរឿងគ្រោតគ្រាតពេក រហូតមិត្តភ័ក្តិលែងរាប់រកទៀត។ ថ្ងៃដែលបុរសម្នាក់នោះចង់សម្លាប់ខ្លួនក៏មកដល់ ប៉ុន្តែត្រូវនឹងពេលដែលគេចាត់ឲ្យទៅពិនិត្យមើលប្រដាប់ប្រដាខ្លះ ជាមួយនឹងឧបករណ៍រាវរកមីន។
ពេលនោះលោកហត់នឿយខ្លាំងណាស់ ហើយក៏បានទៅទិញភេសជ្ជៈ តែភ្លាមៗទើបដឹងថាលោកគ្មានលុយក្នុងខ្លួន។ ទាហានម្នាក់នោះក៏បន្តធ្វើការទាំងឃ្លាន រហូតពេលនោះស្រាប់តែឃើញ Yoo Jae Suk និងបានគោរព។ ពេលនោះ Jae Suk បានទិញកូកាឲ្យ ២កំប៉ុង និងការ៉េមឲ្យញ៉ាំទៀត។ ត្រឹមកាយវិការយកចិត្តទុកដាក់សាមញ្ញមែន ប៉ុន្តែវាបានកែប្រែចិត្តបុរសម្នាក់នោះ លែងចង់គិតខ្លីទៀត។
៣. Kim Hyun Joong ជួយជីវិតចុងភៅម្នាក់ដោយមិនដឹងខ្លួន
នៅក្នុងភោជនីយដ្ឋានជប៉ុនមួយកន្លែងដែលស្ថិតនៅតំបន់ Jejudo តារាប្រុសរូបនេះបានជួយជីវិតមនុស្សម្នាក់ដែលជាចុងភៅក្នុងភោជនីយដ្ឋាននោះ។ តាមសម្ដីម្ចាស់ភោជនីយដ្ឋាន បាននិយាយថា៖ «លោកបានធ្វើចលនាសង្គ្រោះបឋម ជាង ៨-៩នាទី និងបានដាក់ទឹកកក និងម៉ាស្សាឲ្យចុងភៅ រហូតដល់ក្រុមសង្គ្រោះ ៩១១មកដល់កន្លែងកើតហេតុ»។
៤. Lee Yi Kyung ជួយបុរសម្នាក់
តារាប្រុសម្នាក់នេះក៏ជាអ្នកធ្លាប់ជួយជីវិតមនុស្សដែលព្យាយាមសម្លាប់ខ្លួនដែរ។ បុរសម្នាក់នោះមានសភាពស្រវឹង និងប៉ុនប៉ងបញ្ចប់ជីវិតខ្លួន ដោយបំរុងនឹងហក់ចូលឡានធំដែលកំពុងបើកលើផ្លូវ។ អ្នកបើកឡានធំឃើញបែបនោះក៏ចេញពីឡាន និងមកចាប់បុរសស្រវឹងនោះ។ ឯ Yi Kyung ដែលបើកឡានពីក្រោយឡានធំនោះក៏ឈប់ដូចគ្នា និងចេញពីឡានទាំងប្រញ៉ាប់ប្រញ៉ាល់ ដើម្បីជួយអ្នកបើកឡានធំ ចាប់អ្នកស្រវឹង។ អស់ពីចង់ដើរចូលឲ្យឡានបុក គេក៏ចង់ហក់ពីលើស្ពាន ប៉ុន្តែបាន Yi Kyung ចាប់ជាប់។
ក្រោយអារម្មណ៍ស្ងប់បន្តិច Yi Kyung ក៏បានឲ្យអាវក្រៅរបស់ខ្លួនទៅបុរសម្នាក់នោះ ដោយសារពេលនោះអាកាសធាតុធ្លាក់ត្រជាក់ផង ព្រមទាំងនៅឱបគេជាប់ បែបនេះបុរសគិតខ្លីក៏មិនអាចលោតបានទៀតដែរ។ Yi Kyung សម្រេចនៅជាប់រហូតដល់អាជ្ញាធរមានសមត្ថកិច្ចមកដល់ ដើម្បីធានាសុវត្ថិភាព។
៥. Kang Ho Dong ធ្លាប់ជួយជីវិត Sooyoung (Girls' Generation)
ក្នុងកម្មវិធី Knowing Brothers ពិធីករ Kang Ho Dong បាននិយាយរឿងមួយពីពេលដែលលោកជួយ Sooyoung។ រឿងនោះបានកើតឡើងកាលពីជាង ១០ឆ្នាំមុន ពេលលោកនៅលើឆាកជាមួយ Sooyoung។ ចៃដន្យនាងបានជាន់កន្លែងដែលមិនមានអ្វីទ្រ ជាហេតុធ្វើឲ្យកន្លែងនោះបាក់ ហើយនាងប៊ិះនឹងធ្លាក់ទៅហើយ ប៉ុន្តែបាន Kang Ho Dong ចាប់ចង្កេះជាប់ និងទាញនាងមកវិញ។ Sooyoung បានហៅ Ho Dong ថាអ្នកជួយជីវិតនាងជាប់មាត់រហូត។
លោកនៅបញ្ជាក់ទៀតថា មិនមែនខ្លួនចង់ឲ្យមានគេចាប់អារម្មណ៍ ពេលនិយាយរឿងនេះទេ លោកថែមទាំងបានប្រាប់ក្រុមអ្នកសារព័ត៌មានកុំឲ្យចុះផ្សាយ និងអ្នកទស្សនាផ្ទាល់ឲ្យបំភ្លេចរឿងនេះទៀតផង៕