- 2020-09-28 07:39:19
- ចម្រៀង
រកឃើញមុខអ្នកជ្រោង កញ្ញា អាន់ យ៉ា ចូលផលិតកម្មសាន់ដេហើយ!
- 2020-09-28 07:39:19
- ចំនួនមតិ 0 | ចំនួនចែករំលែក 0
រកឃើញមុខអ្នកជ្រោង កញ្ញា អាន់ យ៉ា ចូលផលិតកម្មសាន់ដេហើយ!
ចន្លោះមិនឃើញ
តារាចម្រៀងចំណូលថ្មីរបស់ផលិតកម្មសាន់ដេ កញ្ញា អាន់ យ៉ា បានចេញបទដំបូងរបស់ខ្លួននៅក្នុងផលិតកម្មនេះជាមួយលោក អ៊ី ណូ ធ្វើឲ្យមានការចាប់អារម្មណ៍យ៉ាងខ្លាំង។ នោះ គឺបទ"អគុណភ្លៀង" ដែលទើបតែចេញជា MV ផ្លូវការនៅថ្ងៃទី២៧ ខែកញ្ញា ឆ្នាំ២០២០។
កញ្ញា អាន់ យ៉ា គឺជាអតីតTeam Original Song របស់លោក អ៊ី ណូ។ ការគ្រលាស់ខ្លួនយ៉ាងលឿនពីក្រុមលោក អ៊ី ណូ ទៅកាន់ផលិតកម្មល្បីឈ្មោះមួយរបស់កញ្ញា អាន់ យ៉ា នៅពេលនេះ ត្រូវបានលោក អ៊ី ណូ បង្ហើបថា លោកជាអ្នកជ្រោមជ្រែងនាង ហើយបានស្នើសុំម្ចាស់ផលិតកម្មសាន់ដេឲ្យទទួលយកនាងជាតារាចម្រៀងផ្លូវការ។
បើតាម អ៊ី ណូ ដែលជាអ្នកដុសខាត់សមត្ថភាព អាន់ យ៉ា បន្ថែមដោយផ្ទាល់ បានអះអាងថា អាន់ យ៉ា គឺជាតារាចម្រៀងស្រីវ័យក្មេង មានសមត្ថភាព និងមានសំឡេងពីរោះ ព្រមទាំងមានអត្តចរិតល្អ។ មុនពេលចេញបទដំបូងក្នុងផលិតកម្មនេះ អាន់ យ៉ា ក៏ធ្លាប់ចេញបទដ៏គួរឲ្យចាប់អារម្មណ៍ជាច្រើនកាលនៅក្នុងក្រុមរបស់លោក អ៊ី ណូ។
តាមរយៈ Team Original Song របស់លោក អ៊ី ណូ កញ្ញា អាន់ យ៉ា ចាប់ផ្ដើមមានឈ្មោះបោះសំឡេងកាន់តែខ្លាំងនៅក្នុងឆ្នាំ២០២០ នេះ។ បទរបស់នាងដែលទទួលបានការចាប់អាម្មណ៍ច្រើនឈោងចាប់ផលិតកម្មសាន់ដេ គឺមានដូចជាបទ"ម៉ាក់ៗកូនខ្លាចកណ្ដុរ" និងបទ"អត់អូនមិនបាន ហេតុអ្វីនៅតែក្បត់" ជាដើម៕
