- 2020-09-29 03:05:06
- ព័ត៌មាន
V ថាឪពុករបស់ខ្លួនជា វីរបុរសពិតៗ ហើយតែងគាំទ្រការសម្រេចចិត្តរបស់កូនគ្រប់យ៉ាង
- 2020-09-29 03:05:06
- ចំនួនមតិ 0 | ចំនួនចែករំលែក 0
V ថាឪពុករបស់ខ្លួនជា វីរបុរសពិតៗ ហើយតែងគាំទ្រការសម្រេចចិត្តរបស់កូនគ្រប់យ៉ាង
ចន្លោះមិនឃើញ
V (BTS) ត្រូវបានអ្នកគាំទ្រជាច្រើនដឹងច្បាស់ថា លោកតែងចង់ធ្វើជាមេគ្រួសារដ៏ល្អដូចឪពុករបស់លោក។
ស្ថិតលើវិថី K-Pop លោកបានទទួលការស្រឡាញ់ គាំទ្រពីឪពុករបស់លោករហូត។ ទោះបីលោកសម្រេចចិត្តធ្វើអ្វីក៏ដោយ ឪពុករបស់លោកតែគោរពជានិច្ច ព្រមទាំងលើកទឹកចិត្តទៀតផង។
ក្នុងបទសម្ភាសមួយ សមាជិក BTS ម្នាក់នេះបានបកស្រាយថាឪពុករបស់លោកសំខាន់សម្រាប់លោកខ្លាំងយ៉ាងណា ទើបលោកអាចឈានមកដល់ថ្ងៃនេះ។
សំណួរ៖ «អ្នកណាជាវីរបុរសរបស់អ្នកកាលពីតូច?»
V ឆ្លើយវិញ៖ «ដូចខ្ញុំឧស្សាហ៍និយាយអ៊ីចឹង វីរបុរសរបស់ខ្ញុំគឺប៉ាខ្ញុំ។ ជួនកាលពេលនិយាយថា "Wow" មើលទៅធម្មតាៗ ប៉ុន្តែមានអារម្មណ៍ថាអស្ចារ្យណាស់។ ខ្ញុំត្រូវបានចិញ្ចឹមបីបាច់ដោយលោកយាយរបស់ខ្ញុំ ហើយប៉ាខ្ញុំមកផ្ទះរៀងរាល់ចុងសប្ដាហ៍។ កាលហ្នឹងមានប្រអប់កាក់មួយក្នុងឡានដែលតែងត្រូវប្រើបង់នៅ បញ្ជរបង់លុយតាមផ្លូវ (Tollgate) ហើយប៉ាខ្ញុំបានចាប់កាប់ ១ក្ដាប់ហុចឲ្យខ្ញុំ។ កាលនៅតូច ខ្ញុំតែងគិតថាប៉ាខ្ញុំអស្ចារ្យបំផុត។ នេះក៏ដោយសារប៉ាខ្ញុំតែងតែគាំទ្រខ្ញុំរហូត ទើបខ្ញុំមានថ្ងៃនេះ»។
សំណួរ៖ «តើអ្វីដែលផ្ដល់កម្លាំងចិត្តឲ្យអ្នក ពេលអ្នកមានអារម្មណ៍ថាចង់បោះបង់ចោល?»
V ឆ្លើយថា៖ «ខ្ញុំចង់ប្រាប់ថាជា សមាជិកក្នុងក្រុម និងគ្រួសារ។ គ្រប់ពេលខ្ញុំមានអារម្មណ៍ថាចង់បោះបង់ចោលការតាំងចិត្ត និងបាក់ទឹកចិត្ត សមាជិកទាំងអស់តែងផ្ដល់កម្លាំងចិត្តឲ្យខ្ញុំជានិច្ច។ ខ្ញុំតែងនិយាយពីអារម្មណ៍ខ្វាយខ្វល់ប្រាប់ប៉ាជាលើកដំបូងកាលនោះ ហើយគាត់ក៏បានប្រាប់ខ្ញុំវិញថា គាត់គាំទ្រខ្ញុំជានិច្ច មិនថាមានរឿងអ្វីកើតឡើងចំពោះការសម្រេចចិត្តនោះទេ ហើយផ្ដល់កម្លាំងចិត្តធំធេងបំផុតមកកាន់ខ្ញុំ»។
V តែងតែនិយាយថា ឪពុករបស់លោកជាវីរបុរសធំបំផុតសម្រាប់លោក ហើយអ្វីគ្រប់យ៉ាងដែលឪពុកបានធ្វើ សម្រាប់លោកជាកូនគិតថាពិតជាអស្ចារ្យណាស់៕