- 2020-09-29 04:00:47
- ព័ត៌មាន
ការងារសិល្បៈស្ងាត់ដូចចោរលួចសេះ តែហេតុអ្វីតួសង្ឃសៅលីងតូចនៅតែល្បី និងមានជីវិតហ៊ឺហា?
- 2020-09-29 04:00:47
- ចំនួនមតិ 0 | ចំនួនចែករំលែក 0
ការងារសិល្បៈស្ងាត់ដូចចោរលួចសេះ តែហេតុអ្វីតួសង្ឃសៅលីងតូចនៅតែល្បី និងមានជីវិតហ៊ឺហា?
ចន្លោះមិនឃើញ
Ashton Chen ជាតារាសម្ដែងដែលបានសាងភាពល្បីល្បាញតាំងពីនៅក្មេងតូច តាមរយៈស៊េរីរឿង សង្ឃសៅលីង។ ឈានដល់វ័យកម្លោះ លោកក៏នៅតែមានការងារសិល្បៈត្រូវកាន់កាប់ហូរហែ រហូតគ្រប់គ្នាគិតថា ក្មេងតូចនេះ អាចនឹងស្នងតំណែង Bruce Lee, Jackie Chan និងតារាក្បាច់គុនជាច្រើនផ្សេងទៀតជាក់ជាមិនខាន។
ផ្ទុយពីការគិតទុកទាំងស្រុង ព្រោះថាឈានដល់ពេលបច្ចុប្បន្ននេះ កេរ្តិ៍ឈ្មោះរបស់ Ashton Chen ក៏មិនហក់ឡើងខ្លាំងដូចកាលពីតូច រហូតមហាជនភាគច្រើនគិតថាលោកមិនសូវត្រូវប៉ាន់នឹងការងារសម្ដែងរឿងបែបក្បាច់គុនដូចកាលពីតូចទេ ហើយក៏មិនអាចប្រជែងនឹងតារាក្មេងៗ និងស្អាតៗផ្សេងៗទៀតដែរ។
ប៉ុន្តែ ទោះបីការងារថតរឿងមិនរលូន ក៏ជីវិត Ashton Chen ហ៊ឺហាមិនធម្មតាដែរ។ អ្នកគាំទ្រដឹងបាន តាមរយៈអ្វីដែលលោកឧស្សាហ៍បង្ហោះលើបណ្ដាញសង្គម។ សម្ភារៈដែលលោកមានតាំងពីក្បាលដល់ចុងជើងសុទ្ធតែជារបស់ថ្លៃៗ និងជាម៉ាកល្បី បូករួមនឹងការធ្វើដំណើរកម្សាន្តជាច្រើនកន្លែង។ ប្រការនេះហើយទើបធ្វើឲ្យគ្រប់គ្នាឆ្ងល់ថា ហេតុអ្វីលោកមានលុយចាយហ៊ឺហាម្ល៉េះ បើឆ្នាំងបាយសិល្បៈលិចលង់ហៅលែងចង់ឮបែបនេះទៅហើយ?
ពិតណាស់ ធ្វើការងារសិល្បៈរាប់ឆ្នាំមកនេះ លោកអាចសន្សំបានលុយមួយចំនួន ដូចនេះលោក និងឪពុកក៏បានបើកសាលាគុនមួយកន្លែង ដោយបានជ្រើសរកគ្រូបង្វឹកជាច្រើន និងបើកបង្រៀនដល់អ្នកដែលស្រឡាញ់វិស័យក្បាច់គុននេះ។
ក្រៅពីនេះ បើយោងតាមវិបសាយ Sina ក៏បានបង្ហើបដែរថា Ashton មានឪពុកចិញ្ចឹមម្នាក់ដែលជាបុគ្គលល្បី និងអ្នកមានមុខមាត់គួរសមនៅតៃវ៉ាន់។ ក៏លេចឮថា ឪពុកចិញ្ចឹមលោកម្នាក់នេះមានជំនួញជាច្រើនក្នុងដៃ ហើយក៏ជាម្ចាស់ក្រុមហ៊ុនផលិតកម្មមួយដែរ។ មានខ្នងបង្អែកធំបែបនេះ ទើបគ្មានអ្វីត្រូវឆ្ងល់ទេថា Ashton មានជីវិតប្រសើរដូចពេលនេះ៕
