- 2020-10-11 04:33:02
- ចម្រៀង
តារាវ័យក្មេងហង្សមាស ជុំគ្នាច្រៀងអាយ៉ៃ ប៉ះគ្នាជាមួយ ចាន់ មករា ម្ចាស់បទចាបយំល្វើយៗ នាំផ្អើលទៀតហើយ!
- 2020-10-11 04:33:02
- ចំនួនមតិ 0 | ចំនួនចែករំលែក 0
តារាវ័យក្មេងហង្សមាស ជុំគ្នាច្រៀងអាយ៉ៃ ប៉ះគ្នាជាមួយ ចាន់ មករា ម្ចាស់បទចាបយំល្វើយៗ នាំផ្អើលទៀតហើយ!
ចន្លោះមិនឃើញ
ពិសេសសម្រាប់រដូវបុណ្យកឋិនឆ្នាំនេះ រស្មីហង្សមាស មិនសំចៃ ប្រមូលសុទ្ធតែ អាយដូលតូចៗ ខ្លឹមៗ ដែលជាតារាចម្រៀងវ័យក្មេងប្រចាំក្នុង ផលិតកម្មមកសាងភាពភ្ញាក់ផ្អើល កន្ត្រាក់អារម្មណ៍មិត្តអ្នកស្តាប់ តាមរយៈបទថ្មីសន្លាងមួយ ចំណងជើង"តោះ ! យើងទៅហែរកឋិន " ។ គ្រាន់តែមួយបទនេះ មានអ្នកច្រៀងដល់ទៅ ៧នាក់ ដូចជា ពេជ្យថៃ, ឡុង លីគង្គ , ចាន់ សុបញ្ញា , ភឿន សុភាព ,សុខ សុជាតា , ឃុយ ម៉ីហៀង និង រ៉ន ចាន់ឌីន ។
ចេញជាពិសេសដើម្បី អបអរ បុណ្យកឋិន បទចម្រៀងថ្មីនេះ មានចង្វាក់សប្បាយៗ បែបរាំដង្ហែរកឋិន ក៏បានរួមបញ្ចូលនូវការច្រៀងអាយ៉ៃឆ្លើយឆ្លងផងដែរ ដែលពិតជាគួរឲ្យស្ងើចសរសើរដល់តារាចម្រៀងវ័យក្មេង របស់ផលិតកម្មរស្មីហង្សមាស ដែលអាចច្រៀងអាយ៉ៃបានយ៉ាងពីរោះ។ លើសពីនេះ ក៏គួរឲ្យសរសើរដល់អ្នកផលិតផងដែរ ដែលរូបភាពនេះ គឺឆ្លុះបង្ហាញ នឹងនាំផ្លូវដល់ក្មេងជំនាន់ក្រោយឲ្យស្គាល់នូវសិល្បៈបុរាណថាល្អល្អះយ៉ាងណាខ្លះ។
ក្នុងបទ "តោះ! យើងទៅហែរកឋិន " នេះក៏សង្កេតឃើញមានវត្តមានរបស់ម្ចាស់បទ "ចាបយំល្វើយៗ" លោក ចាន់ មករា បានរួមបើកឆាកច្រៀងឆៃយាំ ធ្វើឲ្យចម្រៀងមួយបទនេះ ត្រូវចំសណ្ឋានតែម្តង។
ផលិតកម្មរស្មីហង្ស គឺជាផលិតកម្មដ៏លេចធ្លោ និងឈានមុខគេនៅកម្ពុជា ដែលអាចផលិតបទចម្រៀងបែបប្រពៃណីត្រូវចំក្បួនខ្នាត និងមានគុណភាពល្អ ហើយតែងតែប្រកាន់ខ្ជាប់នូវការផលិតបទចម្រៀងបែបប្រពៃណី ទៅតាមរៀងរាល់បុណ្យជាតិធំៗ មិនដែលរំលងឡើយ។
អ្វីកាន់តែពិសេសសម្រាប់រដូវកាលបុណ្យកឋិនឆ្នាំ ២០២០ នេះ ផលិតកម្មរស្មីហង្សមាស ត្រូវបានគេទម្លាយឲ្យដឹងថា បានចាយវាយទុនខ្នាតយក្សតែម្តង ដើម្បីផលិតបទចម្រៀងប្រពៃណីខ្មែរ អបអរបុណ្យកឋិនទាននេះ ដែលបានការប្រមូលផ្តុំដោយសិល្បៈករជាច្រើនជំនាន់គ្រប់ទម្រង់រាប់រយនាក់មកជុំគ្នាតែម្តង៕