- 2020-10-12 07:57:28
- ព័ត៌មាន
រីករាយណាស់ បេក្ខនារីខ្មែរយើងប្រកួតឈ្នះមេដាយមាស លើបទពិភាក្សាពីបរិស្ថានក្នុងកម្មវិធី Miss Earth 2020
- 2020-10-12 07:57:28
- ចំនួនមតិ 0 | ចំនួនចែករំលែក 0
រីករាយណាស់ បេក្ខនារីខ្មែរយើងប្រកួតឈ្នះមេដាយមាស លើបទពិភាក្សាពីបរិស្ថានក្នុងកម្មវិធី Miss Earth 2020
ចន្លោះមិនឃើញ
ប្រិយមិត្តនៅលើបណ្ដាញសង្គម បាន និងកំពុងនាំគ្នាអបអរបេក្ខនារីខ្មែរមួយរូប ដែលបានទទួលមេដាយមាសក្នុងការប្រកួតពិភាក្សាលើប្រធានបទពាក់ព័ន្ធបរិស្ថាន ក្នុងកម្មវិធី Miss Earth 2020។
បេក្ខនារីទៅពីកម្ពុជារូបនោះមានឈ្មោះ ហេង សុទ្ធនិស្ស័យ វ័យ ២៤ ឆ្នាំ។ កញ្ញា ទទួលបានមេដាយមាសមួយគ្រឿងក្នុងចំណោមមេដាយមាសចំនួន ៣ ដោយយកឈ្នះបេក្ខនារីមកពីប្រទេសនានា។ ជយលាភីនេះ គឺក្នុងប្រធានបទ "វិទ្យាសាស្ត្រដើម្បីធម្មជាតិ" និង "ចំណុចសំខាន់នៃកសិកម្មនៅប្រទេសក្នុងតំបន់អឺរ៉ុប នាសម័យកាលដ៏គួរឲ្យភ័យខ្លាច"។ នេះបើតាមការបញ្ជាក់របស់ទំព័រ Miss Earth Beauties។
ក្រៅពីកញ្ញា ហេង សុទ្ធនិស្ស័យ បេក្ខនារីរបស់កម្ពុជា មានបេក្ខនារីមកពីចក្រភពអង់គ្លេស និងកាណាដា បានទទួលបានមេដាយនៅក្នុងប្រធានបទដូចគ្នា។ ដោយឡែកបេក្ខនារីរបស់ Syria, Jamaica និង Denmark ទទួលបានមេដាយប្រាក់។ បន្តមកទៀតបេក្ខភាពទទួលបានមេដាយសំរឹទ្ធ បានទៅលើបេក្ខនារី Kenya, Bangladesh និង Sierra Leone។
កម្មវិធី Miss Earth 2020 នៅប្រទេសភីលីពីន ត្រូវបានរៀបចំឡើងតាមរយៈអនឡាញ ដើម្បីចូលរួមទប់ស្កាប់ការរីករាលដាលជំងឺកូវីដ១៩។ ផលិតកម្ម Carousel ដែលជាអ្នកផ្ដួចផ្ដើមកម្មវិធីនេះ បានគូសបញ្ជាក់ថា ការជម្នះរៀបចំកម្មវិធីវេលាដ៏លំបាកនេះ គឺដើម្បីលើកកម្ពស់ចំណេះពាក់ព័ន្ធនឹងបរិស្ថាន។ នេះបើតាមលោកស្រី Lorraine Schuck ដែលជា states Executive Vice-President and Miss Earth co-founder។
អ្នកផ្ដួចផ្ដើមគំនិតដដែល ថ្លែងថា "ការចូលរួមប្រកួតប្រជែងនេះ នឹងបើកផ្លូវឲ្យអ្នកធ្វើតំណាងមនុស្សជាច្រើនទៀតចូលរួមពិភាក្សាលើប្រធានបទ «Eco-Angles» ដែលអាចបញ្ជាក់ពីតួនាទីអ្នក ក្នុងនាមជាអ្នកថែរក្សាធម្មជាតិ។ ការងារនេះ គឺដើម្បីជំរុញទឹកចិត្តឲ្យមនុស្សទាំងអស់ជុំវិញពិភពលោក យកចិត្តទុកដាក់ពីបរិស្ថានជុំវិញខ្លួនរបស់ពួកគេ ហើយសកម្មភាពនេះ តែងក្លាយជាបេសកកម្មរបស់ បវរកញ្ញាភពផែនដី (Miss Earth)"៕