- 2020-10-14 02:59:19
- ព័ត៌មាន
គួរឲ្យសរសើរ! ខ្លួនបាត់ចំណូលទាំងស្រុងពីអាជីពសិល្បៈ តែនាយប្រហិត មានទឹកចិត្ដលះបង់ខ្ពស់
- 2020-10-14 02:59:19
- ចំនួនមតិ 0 | ចំនួនចែករំលែក 0
គួរឲ្យសរសើរ! ខ្លួនបាត់ចំណូលទាំងស្រុងពីអាជីពសិល្បៈ តែនាយប្រហិត មានទឹកចិត្ដលះបង់ខ្ពស់
ចន្លោះមិនឃើញ
សមាជិកក្រុមកំប្លែង "ថាសហោះ" លោក ហាក់ ភិរក្ស ហៅនាយប្រហិត ទទូចដល់សិល្បករ-សិល្បការិនីខ្មែរឲ្យចូលរួមបរិច្ចាគថវិកា ឬធនធានដែលខ្លួនមានតាមសទ្ធា ដើម្បីជួយសង្គ្រោះដល់បងប្អូនប្រជាពលរដ្ឋដែលកំពុងលេចលុងដោយជំនន់ទឹកភ្លៀងនៅខេត្តកំពង់ធំ និងខេត្តកណ្ដាល។
នាយ ប្រហិត បានប្រាប់ Sabay នៅមុននេះបន្តិចថា ក្រោយអំពាវនាវរកថវិកាតាមបណ្ដាញសង្គមហ្វេសប៊ុកបានមួយថ្ងៃ គឺទទួលបានប្រាក់ចំនួន៧០ដុល្លារ និងមីចំនួន៣០កេស ដោយភាគច្រើនបានពីអ្នកចម្រៀងតាមវង់អកេះ និងអ្នកស្គាល់រូបលោក។
រីឯប្រភពជំនួយពីមិត្ដសិល្បករ-សិល្បការិនីល្បីៗមិនទាន់ឃើញចូលរួមនៅឡើយទេ ដោយលោកគិតថាលោកមិនសូវល្បី ទើបគេមិនស្គាល់ ហើយចូលរួមបរិច្ចាគ។ ទោះយ៉ាងណាលោកចង់ឃើញអ្នកសិល្បៈគ្រប់ទម្រង់ជួយពលរដ្ឋរងគ្រោះក្នុងគ្រាហ៍ដ៏លំបាកនេះ។
លោកសង្កេតឃើញថា សប្បុរសជនបានសម្រុកទៅជួយច្រើនខាងខេត្ដពោធិ៍សាត់ បាត់ដំបង និងបន្ទាយមានជ័យ រីឯខេត្តដទៃទៀតដែលមានផលប៉ះពាល់ស្រដៀងគ្នា មិនទាន់សូវឃើញទៅជួយនៅឡើយ។ ដូច្នេះហើយទើបលោក និងក្រុមការងារ ចង់នាំយកអំណោយជាអង្ករ មី និងថវិកាខ្លះ ទៅជួយពលរដ្ឋចំនួន៤គ្រួសារនៅខេត្ដកំពង់ធំ និងពលរដ្ឋជាច្រើនគ្រួសារទៀតនៅស្រុកកណ្ដាលស្ទឹង ខេត្តកណ្ដាល វិញម្ដង។
លោក ហាក់ ភិរក្ស ហៅនាយប្រហិត បញ្ជាក់ថា បច្ចុប្បន្នរូបលោកក៏ពុំមានប្រភពចំណូលពីសិល្បដើម្បីទ្រទ្រង់ជីវភាពគ្រួសារឲ្យបានល្អប្រសើរណាស់ណាដែរ ប៉ុន្តែដោយលោកមើលឃើញពីការលំបាករបស់ជនរងគ្រោះលំបាកជាងលោក ទើបលោកខំលះបង់ទាំងកម្លាំងកាយ និងផ្លូវចិត្ដដើម្បីជួយគ្នាក្នុងគ្រាហ៍មានអាសន្ននេះ៕