- 2020-10-14 08:37:55
- ព័ត៌មាន
តារា K-Pop ទាំង ៥ដែលហ៊ានចាយលុយទិញកាដូមានតម្លៃខ្លាំងដល់មនុស្សជាទីស្រឡាញ់
- 2020-10-14 08:37:55
- ចំនួនមតិ 0 | ចំនួនចែករំលែក 0
តារា K-Pop ទាំង ៥ដែលហ៊ានចាយលុយទិញកាដូមានតម្លៃខ្លាំងដល់មនុស្សជាទីស្រឡាញ់
ចន្លោះមិនឃើញ
ក្លាយខ្លួនជាតារា K-Pop ដ៏ល្បី ប្រាកដជាមានលទ្ធភាពរកចំណូលបានយ៉ាងច្រើនពីការងារសម្ដែងនានា ដូចនេះតារាៗទាំងនោះមិនញញើតក្នុងការចំណាយលុយទិញរបស់ណាដែលមានតម្លៃថ្លៃសម្រាប់អ្នកជាទីស្រឡាញ់របស់ពួកគេទេ។
ទោះបីជាពួកគេខ្លះកម្របង្ហាញជាសាធារណៈនូវអ្វីដែលបានចំណាយលុយទិញ ប៉ុន្តែនៅតែមានអ្នកដឹងចៀសមិនផុត៖
១. Chanyeol (EXO)
លោកបានទិញកាដូដ៏មានតម្លៃជូនបងស្រីជាទីស្រឡាញ់ Park Yoora គឺ ឡាន Mercedes-Benz កាលពីឆ្នាំ ២០១៧។ ឡាន១គ្រឿងនេះ ត្រូវបានគេដឹងថាមានតម្លៃ ៥ម៉ឺនដុល្លារ ពេលនោះ។
ចូលដល់ឆ្នាំ ២០២០នេះក៏ស្រាប់តែលេចព័ត៌មានថ្មីថាលោកបានទិញកាបូប Prada យ៉ាងស្រស់ស្អាតឲ្យបងទៀត។
២. Jin (BTS)
Jin វិញក៏បានធ្វើខ្លួនជាកូនកតញ្ញូដែរ ដោយបានទិញអគារស្នាក់នៅ ប្រភេទ Apartment ១កន្លែងយ៉ាងប្រណីត តម្លៃដល់ទៅ ៣,៤លានដុល្លារ ជូនឪពុកម្ដាយជាទីគោរព ក្នុងទិវាឪពុកម្ដាយ។
Apartment នេះមានទីតាំងនៅ Hannam the Hill ជាបណ្ដុំអគារស្នាក់នៅដ៏ថ្លៃ និងស៊ីវីល័យបំផុតប្រចាំទីក្រុងសេអ៊ូល។ បន្ថែមពីលើនេះ Jin បានទាំងចែកសិទ្ធិជាម្ចាស់ភាគហ៊ុនជាមួយនឹងឪពុកម្ដាយទៀត គឺខ្ទង់ ៣៥ភាគរយឯណោះ៕
៣. Kyuhyun (Super Junior)
Kyuhyun បានបង្ហាញក្ដីស្រឡាញ់របស់ខ្លួនចំពោះឪពុកម្ដាយ ដោយទិញអគារកម្ពស់ ៨ជាន់ជូនអ្នកមានគុណរបស់ខ្លួន ដែលមានទីតាំងជិតតំបន់ Myeongdong។ នៅពេលនោះ មានសេចក្ដីរាយការណ៍ថា តម្លៃអចលនទ្រព្យ១កន្លែងនេះគឺដល់ទៅ ៧,៣លានដុល្លារ។
៤. Suzy
បើនិយាយពីអ្វីដែលនាងបានទិញជូនឪពុកម្ដាយច្បាស់ជាមានច្រើន ប៉ុន្តែបើរាប់តែអ្វីដែលព័ត៌មានធ្លាប់ចុះផ្សាយនាបេលកន្លងមករួមមានតាំងពី ផ្ទះ ឡាន និងហាងកាហ្វេ។ ហាងកាហ្វេនោះ មានឈ្មោះថា Caffé Soo ត្រូវបានគ្រប់គ្រងដោយម្ដាយរបស់នាងផ្ទាល់។
៥. Hoshi (SEVENTEEN)
Hoshi ធ្លាប់បានបើកកកាយម្ដងពេលបង្ហាញមុខក្នុងកម្មវិធីទូរទស្សន៍ ថាលោកធ្លាប់ទិញផ្ទះចាស់របស់គ្រួសារបានមកវិញ បន្ទាប់ពីពួកគេបានលក់ពេលជីវភាពថ្លាក់ដុនដាបខ្លាំងកាលពីមុន។
មិនត្រឹមតែប៉ុណ្ណោះ លោកថែមទាំងបានចំណាយលុយកែសម្ផស្សឲ្យម្ដាយ និងបងប្អូនស្រីបស់លោកទៀត៕