- 2020-10-16 02:34:26
- ព័ត៌មាន
ប៉ាៗ Big Hit លោក Bang Si Hyuk ក្លាយជាម្ចាស់ភាគហ៊ុនមានជាងគេលំដាប់ទី៥នៅកូរ៉េ
- 2020-10-16 02:34:26
- ចំនួនមតិ 0 | ចំនួនចែករំលែក 0
ប៉ាៗ Big Hit លោក Bang Si Hyuk ក្លាយជាម្ចាស់ភាគហ៊ុនមានជាងគេលំដាប់ទី៥នៅកូរ៉េ
ចន្លោះមិនឃើញ
លោក Bang Si Hyuk ដែលត្រូវបានគេស្គាល់ច្បាស់ថាជាស្ថាបនិកផលិតកម្ម Big Hit ពេលនេះមានសេចក្ដីរាយការណ៍ច្បាស់ការមកថា លោកបានក្លាយជាអ្នកម្ចាស់ភាគហ៊ុនមានទ្រព្យច្រើនគេម្នាក់ក្នុងចំណោមមហាសេដ្ឋីផ្សេងទៀតក្នុងប្រទេសកូរ៉េខាងត្បូង។
ស្របពេលការបោះផ្សាយលក់ជាសាធារណៈលើកដំបូងរបស់ Big Hit Entertainment (IPO) ចាប់ផ្ដើម តម្លៃបានបើកនៅខ្ទង់ ២៧០ ០០០ វ៉ុន (២៣៥ ដុល្លារ) ក្នុងមួយភាគហ៊ុន និងបានលោតដល់ ទៅ ៣៣៥ ០០០ វ៉ុន (២៩២ ដុល្លារ)។
ក្នុងរយៈពេលត្រឹម ៣០នាទីប៉ុណ្ណោះ ភាគហ៊ុនរបស់ BTS បានធ្វើឲ្យសមាជិកម្នាក់ៗក្លាយជាអ្នកកាន់កាប់លុយ ១០លានដុល្លារឯណោះ។
សម្រាប់ក្រុមហ៊ុនវិញ អាចកើនដល់ ១៦០ភាគរយ ច្រើនជាងតម្លៃ IPO របស់ខ្លួនទៀត ដែលអាចផ្ដល់តម្លៃទីផ្សារប្រមាណ ១០ពាន់លានដុល្លារ។ យោងតាមសារព័ត៌មាន Bloomberg Asia បានឲ្យដឹងថា Bang Si Hyuk គឺជាម្ចាស់ភាគហ៊ុនលំដាប់ទី ៥ ដែលមានជាងគេនៅក្នុងប្រទេសកំណើតរបស់ខ្លួនគឺ កូរ៉េខាងត្បូង។
អ្វីដែលមានពេលនេះ ពិតជាបានធ្វើឲ្យ Big Hit អាចបង្កើតប្រវត្តិសាស្ត្រជាច្រើន ស្មានមិនដល់ក្នុងរយៈពេលដ៏ខ្លី៕