- 2020-10-19 03:15:46
- ព័ត៌មាន
នៅចាំទេ តួអង្គទេវតាដ៏ស្រស់ស្អាតកាលឆ្នាំ ២០១៨ ទេ ថ្ងៃមុនលេចមុខក្រឡឹម មើលទៅស្រស់សោភាណាស់
- 2020-10-19 03:15:46
- ចំនួនមតិ 0 | ចំនួនចែករំលែក 0
នៅចាំទេ តួអង្គទេវតាដ៏ស្រស់ស្អាតកាលឆ្នាំ ២០១៨ ទេ ថ្ងៃមុនលេចមុខក្រឡឹម មើលទៅស្រស់សោភាណាស់
ចន្លោះមិនឃើញ
កញ្ញា សុគា គឹមលាង ធ្លាប់បានធ្វើឲ្យមានការចាប់អារម្មណ៍យ៉ាងខ្លាំងកាលពីឆ្នាំ ២០១៨ ក្រោយពីដែលនាងត្រូវបានជ្រើសរើសធ្វើជាតួអង្គទេវតាសង្ក្រាន្តឆ្នាំថ្មីនាពេលនោះ។
តាមសាវតារ សុគា គឹមលាង គឺជានាដការីរបាំបុរាណមួយរូបដែលធ្លាប់ទទួលការបណ្ដុះបណ្ដាលនៅសាកលវិទ្យាល័យភូមិន្ទវិចិត្រសិល្បៈតាំងពីអាយុទើបបាន ៩ឆ្នាំ។ គឹមលាង ហៅ កូនស្រមោច បានឲ្យដឹងថានៅពេលខ្លួនបានធំដឹងក្ដីមក ដឹងថា ខ្លួនឯងស្រឡាញ់ សិល្បៈបុរាណមួយប្រភេទនេះខ្លាំង។ ដូច្នេះហើយ នៅពេលអាយុបាន ៩ឆ្នាំ កញ្ញា ក៏បានចូលទៅសិក្សានៅទីនោះតែម្ដង។
មានទេពកោសល្យផង មានទាំងរូបសម្រស់ផង កញ្ញា គឹមលាង ក៏ត្រូវបានជ្រើសរើសធ្វើជាតួអង្គទេវតាសង្ក្រាន្តឆ្នាំថ្មីក្នុងឆ្នាំ ២០១៨ ដ៏គួរឲ្យមោទកភាព។ ចាប់តាំងពីពេលនោះមក ប្រជាប្រិយភាពរបស់នាង ក៏រឹតតែកើនឡើងខ្ពស់ ក្នុងនោះមានក្រុមហ៊ុនផ្សព្វផ្សាយពាណិជ្ជកម្ម ភាពយន្ត និងសម្អាងការជាដើមបានទាក់ទងនាង។ យ៉ាងណាក្នុងចំណោមនោះ នាងទទួលថតតែស្ប៉តពាណិជ្ជកម្មប៉ុណ្ណោះ។
បញ្ហានេះ យុវតីវ័យ ២២ឆ្នាំ បញ្ជាក់ថា នាងមានការមមាញឹកច្រើននៅក្នុងការរៀនសូត្រ និងជំនួញផ្ទាល់ខ្លួនខ្លះផង ទើបមិនមានពេលគ្រប់គ្រាន់ សម្រាប់ការងារសិល្បៈដែលមានរយៈពេលវែងដូចជាថតភាពយន្តជាដើម។ ដោយសារមិនមានពេលសម្រាប់ថតភាពយន្តជាទីប្រាថ្នារបស់សិល្បការិនីភាគច្រើននោះ សុគា គឹមលាង ក៏បានរស់ក្នុងភាពស្ងប់ស្ងាត់មួយរយៈ ជាមួយនឹងការងារផ្ទាល់ខ្លួនមួយចំនួន។
ប៉ុន្តែកាលពីសប្ដាហ៍មុន ស្រីស្អាតរូបនេះ ស្រាប់តែលេចមុខឡើងវិញនៅក្នុងកម្មវិធីសម្ពោធហាងកាហ្វេមួយ។ នៅពេលនោះ គឹមលាង ទទួលបានការចាប់អារម្មណ៍ជាថ្មី ជាមួយនឹងសម្រស់ដែលនៅតែស្រស់សោភារបស់នាង។ ជំនួបនាថ្ងៃនោះ នាដការីរបាំបុរាណដ៏ស្រស់ស្អាតរូបនេះ បញ្ជាក់ថា បច្ចុប្បន្ននាងនៅតែមមាញឹកនឹងការងារផ្ទាល់ខ្លួននាង។ ដូច្នេះហើយការងារសិល្បៈ នាងបានត្រឹមតែទទួលថតស្ប៉តពាណិជ្ជកម្មតែប៉ុណ្ណោះ។
“ចំពោះការងារសិល្បៈ ខ្ញុំជាប់ថតស្ប៉តពាណិជ្ជកម្មច្រើនបង តែភាពយន្តអត់ទេ...មានគេទាក់ទងច្រើនបង តែខ្ញុំអត់ទទួល ដោយសារអត់សូវមានពេល ខ្ញុំមានការរវល់ផ្ទាល់ខ្លួនច្រើន...អីចឹងហើយ ទទួលគេថត ខ្លាចអត់មានពេលគ្រប់គ្រាន់ឲ្យគេថត!”។
គឹមលាង បញ្ជាក់ថា នាងបាន និងកំពុងរៀបគម្រោងអាជីវកម្មមួយបន្ថែមទៀត ដែលអាចនឹងចេញនៅពេលឆាប់ៗនេះ។ ដូច្នេះហើយ ទើបនាងមិនទាន់មានពេលសម្រាប់ការងារសិល្បៈទាំងស្រុងនោះទេ។ នាងថា ទៅថ្ងៃមុខ ប្រសិនបើអ្វីៗដើរដោយរលូនហើយ នាង នឹងពិចារណា សម្រាប់ការងារសិល្បៈទូទៅ រួមទាំងថតភាពយន្តផងដែរ៕