- 2020-10-19 07:55:17
- ព័ត៌មាន
ចេញរូបភាព ព្រាប សុវត្ថិ ខេម សីម៉ា ចុះដល់តំបន់ទឹកជំនន់ព្រំដែនប្រទេសយ៉ាងកម្រ
- 2020-10-19 07:55:17
- ចំនួនមតិ 0 | ចំនួនចែករំលែក 0
ចេញរូបភាព ព្រាប សុវត្ថិ ខេម សីម៉ា ចុះដល់តំបន់ទឹកជំនន់ព្រំដែនប្រទេសយ៉ាងកម្រ
ចន្លោះមិនឃើញ
ទើបតែប៉ុន្មាននាទីមុននេះប៉ុណ្ណោះ ដែលរូបភាពយ៉ាងកម្ររបស់ក្រុមតារាចម្រៀងផលិតកម្ម Galaxy Navatra ត្រូវបានចែកចាយនៅលើបណ្ដាញសង្គមហ្វេសប៊ុក គ្រាដែលពួកគេត្រូវបានឃើញចុះទៅដល់ទីតាំងមួយនៅឯជាយដែនប្រទេស ជាទីបាន និងកំពុងរងគ្រោះដោយទឹកជំនន់ធ្ងន់ធ្ងរ។
ពួកគេទាំងនោះមាន លោក ព្រាប សុវត្ថិ តារាចម្រៀង ខេម កញ្ញា តន់ ច័ន្ទសីម៉ា និងថ្នាក់ដឹកនាំផលិតកម្មខាងលើជាដើម។ សកម្មភាពទាំងនោះរបស់ក្រុមតារាចម្រៀង និងថ្នាក់ដឹកនាំផលិតកម្ម Galaxy ត្រូវបានចែកចាយដោយទំព័រហ្វេសប៊ុករបស់ឯកឧត្តម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ ដោយបានជំរុញឲ្យមានការលើកទឹកចិត្តជាច្រើនពីសំណាក់ប្រិយមិត្តរបស់តារាចម្រៀង និងផលិតកម្ម។
ទិដ្ឋភាពនេះ បានកើតឡើង ក្រោយពីលោក យឹម តាស្រង់ បានសរសេរនៅលើបណ្ដាញសង្គមរបស់លោកថា លោក និងឧកញ៉ា ឡេង ណាវ៉ាត្រា នឹងដឹកនាំក្រុមការងារយកអំណោយទៅជូនពលរដ្ឋរងគ្រោះដោយទឹកជំនន់នៅខេត្តបន្ទាយមានជ័យ នូវអង្ករ ចំនួន ៦០តោន និងគ្រឿងឧបភោគ បរិភោគមួយចំនួនទៀត កាលពីថ្ងៃម្សិលមិញ។
ងាកមកឯកឧត្ដមអភិបាល នៃគណៈអភិបាលខេត្តបន្ទាយមានជ័យវិញក៏បានគូសបញ្ជាក់នៅលើបញ្ហានេះដែរ។ ឯកឧត្ដម បានសរសេរថា ឯកឧត្ដម រួមជាមួយឧកញ៉ា ឡេង ណាវ៉ាត្រា បានយកស្បៀងសង្គ្រោះបន្ទាន់ ជាអំណោយដ៍ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា និងសម្តេចគតិព្រឹទ្ធបណ្ឌិត ផ្តល់ជូនគ្រួសាររងគ្រោះដោយទឹកជំនន់ នៅស្រុកមង្គលបូរី ក្នុងភូមិព្រេករពៅ ឃុំឬស្សីក្រោក។ ចំនួន២៣០ គ្រួសារ។
ស្បៀងសង្គ្រោះបន្ទាន់នោះ មានអង្ករ ២០គីឡូក្រាម មី១កេស ត្រីខ១យួរ ផ្ដល់ជូនទៅប្រជាពលរដ្ឋនៅភូមិស្រុកខាងលើ ចំនួន ២៣០ គ្រួសារ៕