- 2020-10-22 03:34:05
- ព័ត៌មាន
JYP ជម្រះការចោទប្រកាន់ Youngjae ថាធ្វើបាបគេហើយ ពេលដឹងថាជារឿងបោកប្រាស់
- 2020-10-22 03:34:05
- ចំនួនមតិ 0 | ចំនួនចែករំលែក 0
JYP ជម្រះការចោទប្រកាន់ Youngjae ថាធ្វើបាបគេហើយ ពេលដឹងថាជារឿងបោកប្រាស់
ចន្លោះមិនឃើញ
នៅថ្ងៃទី ២២ ខែតុលា ឆ្នាំ២០២០នេះ ផលិតកម្ម JYP បានចេញសេចក្ដីប្រកាសមួយ ដោយជម្រាបជូនព័ត៌មានថ្មីចុងក្រោយ ជូនទៅដល់អ្នកគាំទ្រទាក់ទងនឹងករណីដែលទើបកើតឡើងថ្មីៗ ថា Youngjae ធ្លាប់ធ្វើបានមិត្តភ័ក្ដិកាលពីនៅរៀនវិទ្យាល័យ។
ផលិតកម្មបានសរសេរថា៖ «សួស្ដី នេះគឺផលិតកម្ម JYP យើងចង់ជម្រាបជូនព័ត៌មានជុំវិញនឹងរឿងហេតុកើតឡើងថ្មីៗពាក់ព័ន្ធ Youngjae (សមាជិកក្រុម GOT7)។
យើងបានជួបគ្នាពិភាក្សាជាមួយនឹងបុគ្គល "A" អ្នកដែលបង្ហោះ Post លើបណ្ដាញសង្គមពី Youngjae ហើយ ហើយបើទោះបីបុគ្គល "A" នោះនៅតែអះអាងពីអ្វីដែលគេលើកឡើងដំបូងនោះដដែលក៏ដោយ គេមិនបានបង្ហាញភស្តុតាងជាក់លាក់ ឬដើមហេតុឲ្យបានត្រឹមត្រូវ ដើម្បីបញ្ជាក់ថា Youngjae ពាក់ព័ន្ធនឹងរឿងធ្វើបាបគេទេ។
យើងក៏សូមជូនព័ត៌មានថា យើងនឹងចាត់វិធានការទៅតាមផ្លូវច្បាប់យ៉ាងម៉ឺងម៉ាត់បំផុត ប្រឆាំងតបនឹងការបរិហាកេរ្តិ៍ ការចែកចាយព័ត៌មានមិនពិត ដែលទាក់ទងរឿងហេតុនេះ ក៏ដូចជារឿងរ៉ាវអ្វីផ្សេងទៀតដែលអាចកើតឡើងនាពេលខាងមុខ ដែលសុទ្ធជាការមើលងាយតារាៗរបស់ពួកយើង ដោយគ្មានមូលហេតុ។»
ជាក់ស្ដែង បើងាកទៅបុរសដែលបានបង្ហោះ ដោយចោទប្រកាន់ចំៗមកលើ Youngjae នោះ ក៏បានលុប Post របស់ខ្លួនចោលដែរ៕