- 2020-10-23 08:49:50
- ព័ត៌មាន
ដល់ពេលអ្នកផាត់មុខ ធ្វើសក់ ក្រុមការងារ និងអ្នករាំ ងើបឈរការពារ Irene ហើយ
- 2020-10-23 08:49:50
- ចំនួនមតិ 0 | ចំនួនចែករំលែក 0
ដល់ពេលអ្នកផាត់មុខ ធ្វើសក់ ក្រុមការងារ និងអ្នករាំ ងើបឈរការពារ Irene ហើយ
ចន្លោះមិនឃើញ
ទាក់ទងនឹងរឿងរ៉ាវល្អកកករកើតឡើង ពេល Stylist ម្នាក់របស់ Irene បង្ហោះថានាងប្រើអាកប្បកិរិយាមិនល្អដាក់ខ្លួនកាលពីមុននោះ ពេលនេះក្រុមការងារផ្សេងទៀតដែលមានតាំងពីអ្នកផាត់មុខ អ្នកតុបតែងសក់ ជំនួយការផ្សេងៗ ក៏ដូចជាអ្នករាំជាដើម បាននាំគ្នាចេញមុខជាបន្តបន្ទាប់ ដើម្បីការពារតារាចម្រៀងរូបនេះ។
បុគ្គលិកមួយចំនួននៅ Soonsoo (សាឡនដែល Red Velvet ឧស្សាហ៍ទៅតុបតែងមុខមាត់ជាច្រើនឆ្នាំ) បានបញ្ចេញមតិ ក្រោយរឿងរ៉ាវនេះកាន់តែវែងឆ្ងាយ។ Soonsoo បានលើកឡើងថា មានមនុស្សជាច្រើនសួរនាំថាមានអ្វីកើតឡើងខ្លះ? គេមិនបានបកស្រាយអ្វីច្រើនទេ គ្រាន់តែសរសេរថា Irene គឺជានារីម្នាក់ដែលមានចរិតល្អ ឲ្យតែដល់ចុងឆ្នាំ នាងតែសរសេរលិខិតផ្ទាល់អរគុណដល់ក្រុមការងារ និងជូនជា វីតាមីនដល់ក្រុមការងារដែលមានអាយុក្មេងៗទៀត។ នាងជាតារាម្នាក់ដែលចេះដឹងគុណដល់មនុស្សគ្រប់គ្នា ជាមនុស្សល្អទៀត ហើយបុគ្គលិកច្រើននាក់ណាស់ចូលចិត្តនាង។ ជាមួយគ្នានោះគេក៏បានលើកទឹកចិត្តដល់ Irene បន្ថែមដែរ។
ចំណែកអ្នកតុបតែងមុខឲ្យ Irene វិញក៏បាននិយាយដែរថា នាង ធ្វើការជាមួយនឹង Irene ធយូរហើយ តាំងពី Debut ដំបូង។ នាងថែមទាំងនិយាយទៀតថា Irene ជាមនុស្សពូកែអៀន និងមិនសូវនិយាយច្រើនទេ ហើយពេលខ្លះពេលមានរឿងអាថ៌កំបាំងអ្វីនាងតែងប្រាប់ Ireneជានិច្ច ព្រោះនាងទុកចិត្តតារាស្រីរូបនេះខ្លាំង។ ពេលខ្លះគ្រាន់តែជិះកាត់ហាង ក៏ Irene ចូលទៅគួរសមបន្តិចដែរ ទោះមិនត្រូវធ្វើអ្វីក៏ដោយ។
ចូលដល់អ្នកជំនាញខាងតុបតែងសក់ដែលមានឈ្មោះថា Yeon Seo Ha ម្ដង ក៏បានលើកឡើងមិនខុសពីអ្នកទាំង ២ខាងលើដែរ ព្រោះសុទ្ធតែជាមនុស្សធ្វើការជិតស្និទ្ធជាមួយនឹង Irene ដូចនេះពួកគេបានទម្លាយនូវអ្វីដែលពួកគេយល់ឃើញចំពោះ Irene។ នាងនិយាយថា Irene ជាមនុស្សគួរឲ្យទុកចិត្ត និងធ្វើឲ្យគ្រប់គ្នាជឿជាក់លើខ្លួនឯងគ្រប់ពេលទោះមានរឿងអ្វីក៏ដោយ។ ជាពិសេស មេក្រុម Red Velvet នេះតែងចាត់ទុកអ្នករួមការងារជាមួយនាងជាបង ជាប្អូន មិនដែលប្រកាន់ ហើយចិត្តល្អទៀត។ Seo Ha មិននិយាយច្រើនទេ គ្រាន់តែបញ្ជាក់ថា អ្នកដែលបានធ្វើការជាមួយ Red Velvet ផ្ទាល់ប្រាកដជាដឹងច្បាស់ថា Irene ជាមនុស្សបែបណា។
រីឯ Stylist រ៉ាប់រងផ្នែកថតស្ប៉តម្នាក់របស់ Irene ក៏បានចេញមុខបង្ហោះការយល់ឃើញបែបសាមញ្ញ ប៉ុន្តែក៏ក្នុងន័យ Irene មិនមែនជាមនុស្សចរិតមិនល្អដូចដែលបុគ្គលមួយចំនួនគិតនោះ។ សម្រាប់នាង Irene ជានារីដ៏ស្រស់ស្អាត។
សម្រាប់អ្នករាំពីក្រោយ (Backup Dancer) របស់ Irene ក៏មិននៅស្ងៀមដែរ ដោយលើកឡើងដែរថា តារាស្រីរូបនេះជាមនុស្សល្អិតល្អន់ ពូកែយកចិត្តទុកដាក់ បារម្ភដល់អ្នករាំ។ តើមានតារាប៉ុន្មាននាក់ដែលខំសរសេរសំបុត្រជូនដល់អ្នករាំម្នាក់មួយៗជាច្រើនច្បាប់នោះ។ អ្នករាំរូបនេះក៏បានបញ្ជាក់ថា Irene ជាមនុស្សកក់ក្ដៅ ហើយនាងពិតជាអរគុណសម្រាប់ទឹកចិត្តល្អនេះណាស់៕
