- 2020-10-27 03:24:39
- ព័ត៌មាន
សាកថ្មជីវិត! សាយ កំពុងខ្សោះអស់កម្លាំងស្ទើរដួល តែចៃដន្យជួបដៃគូចម្រៀងក្នុងទឹកដីខេត្ដកោះកុង
- 2020-10-27 03:24:39
- ចំនួនមតិ 0 | ចំនួនចែករំលែក 0
សាកថ្មជីវិត! សាយ កំពុងខ្សោះអស់កម្លាំងស្ទើរដួល តែចៃដន្យជួបដៃគូចម្រៀងក្នុងទឹកដីខេត្ដកោះកុង
ចន្លោះមិនឃើញ
បន្ទាប់ពីរត់លើចម្ងាយផ្លូវរាប់រយគីឡូម៉ែត្រឆ្លងកាត់ខេត្ត/ក្រុង ជាច្រើន លោក អ៊ួន បឋម ហៅសាយ បានចាត់ទុកអ្នកដែលមានសមានចិត្តចូលរួមរត់ជាមួយលោក ឬបរិច្ចាគថវិកា ដើម្បីជួយសង្គ្រោះកុមារកម្ពុជា គឺជាប្រភពថាមពលសាកថ្មជីវិតយ៉ាងមានប្រសិទ្ធភាពដែលរូបលោក កំពុងខ្សោះកម្លាំងទៅហើយឲ្យមានចិត្តរត់បន្តទៀត។
ម្សិលមិញ សាយ បានជួបដៃគូចម្រៀង Original Song ម្នាក់ គឺលោក ចេន ដែលមានស្រុកកំណើតនៅខេត្តកោះកុង បានចូលរួមរត់ជាមួយលោក ក្នុងចម្ងាយផ្លូវ៤០គីឡូម៉ែត្រ ចាប់ពីសាលាស្រុកបូទុមសាគរ ដល់តាតៃ។
សាយ រំលឹកថា៖"ចេន ធ្លាប់ច្រៀងរួមគ្នាក្នុងបទ"មិនព្រាត់" ថតរឿង"បាតដៃខ្មៅ"ព្រំប្រទល់ឡាវ ហើយក៏ធ្លាប់មានអនុស្សាវរីយ៍ប្រឡងធ្លាក់ជាមួយគ្នាក្នុងកម្មវិធី"My Song"ដែរ ម្សិលមិញគាត់បានផ្ដល់កម្លាំងចិត្តខ្ញុំច្រើន"។
នៅម៉ោង៤កន្លះ រសៀល ថ្ងៃទី២៧ ខែតុលា នេះ សាយ នឹងបន្ដរត់ចេញពីស្ទឹងតាតៃ ដល់ក្រុងខេមរភូមិន្ទ ខេត្តកោះកុង លើចម្ងាយផ្លូវ២០គីឡូម៉ែត្រ។ លោកជឿថា ក្រៅពី ចេន និងមិត្តភ័ក្ដិ ក៏អាចនឹងមានមនុស្សផ្សេងទៀតដែរ ដែលមានសមានចិត្ដចូលរួមលើកទឹកចិត្ត និងគាំទ្រសកម្មភាពមនុស្សធម៌របស់លោកលើកនេះ។
សូមរំលឹកថា ខេត្ដ/ក្រុងដែលលោកត្រូវរត់ឆ្លងកាត់ទាំង២២ រួមមាន៖ ភ្នំពេញ កណ្ដាល កំពង់ស្ពឺ តាកែវ កំពត កែប ព្រះសីហនុ កោះកុង ពោធិ៍សាត់ បាត់ដំបង ប៉ៃលិន បន្ទាយមានជ័យ សៀមរាប ព្រះវិហារ រតនគិរី ស្ទឹងត្រែង មណ្ឌលគិរី ក្រចេះ ត្បូងឃ្មុំ កំពង់ចាម ស្វាយរៀង និងខេត្តព្រៃវែង។
ចំពោះសប្បុរសជន ដែលចង់បរិច្ចាគជាទឹកប្រាក់ អាចបរិច្ចាគបានតាមគណនីធនាគារ ABA : 000 320 555 (Angkor Hospital for Children Limited) ឬ Wing : 52714 (AHC Patient Contributions)។ សម្រាប់ព័ត៌មានលម្អិតក្នុងការចូលរួម ក៏ដូចជាតាមដានចំនួនទឹកប្រាក់ដែលបានបរិច្ចាគ សូមចូលទៅកាន់គេហទំព័រ saicambodianartist.com/ ។ ក្រៅពីគេហទំព័រនេះ ប្រិយមិត្តអាចតាមដានរាល់សកម្មភាពរបស់សាយអំឡុងពេលរត់ តាមរយៈទំព័រហ្វេសប៊ុករបស់ Sai, Channel YouTube របស់សាយ, ទំព័រហ្វេសប៊ុករបស់ Sabay ក៏ដូចជាគេហទំព័រ Sabay។
សម្រាប់ព័ត៌មានលម្អិតក្នុងការចូលរួម ក៏ដូចជាតាមដានចំនួនទឹកប្រាក់ដែលបានបរិច្ចាគ សូមចូលទៅកាន់គេហទំព័រ saicambodianartist.com/ ។ ក្រៅពីគេហទំព័រនេះ ប្រិយមិត្តអាចតាមដានរាល់សកម្មភាពរបស់សាយអំឡុងពេលរត់ តាមរយៈទំព័រហ្វេសប៊ុករបស់ Sai, Channel YouTube របស់សាយ, ទំព័រហ្វេសប៊ុករបស់ Sabay ក៏ដូចជាគេហទំព័រ Sabay៕
