- 2020-11-13 02:25:27
- ព័ត៌មាន
BIGBANG វិលវិញឆាប់ៗ ហើយក្រុមនារីមួយទៀតរបស់ YG គ្រោងចេញមុខឆ្នាំក្រោយ?
- 2020-11-13 02:25:27
- ចំនួនមតិ 0 | ចំនួនចែករំលែក 0
BIGBANG វិលវិញឆាប់ៗ ហើយក្រុមនារីមួយទៀតរបស់ YG គ្រោងចេញមុខឆ្នាំក្រោយ?
ចន្លោះមិនឃើញ
ថ្មីៗស្រាប់តែមានសេចក្ដីរាយការណ៍ បានមកពី Hana Financial ដែលបានព្យាករណ៍ថាក្រុមបុរសដ៏មានឥទ្ធិពលរបស់ផលិតកម្ម YG គឺ BIGBANG អាចនឹងវិលមកវិញនៅដើមឆ្នាំក្រោយ។
របាយការណ៍បានពិនិត្យសព្វគ្រប់ពី ស្ថានភាពហិរញ្ញវត្ថុរបស់ផលិតកម្ម YG ព្រមទាំងបានព្យាករណ៍ពីការលក់ និងប្រាក់ចំណេញប្រតិបត្តិការអាជីវកម្ម ពេល BIGBANG ត្រឡប់មកវិញ។
យោងតាមរបាយការណ៍ ប្រាប់ចំណេញប្រតិបត្តិការអាជីវកម្ម (Operating Profit) អំឡុងឆមាសទី២ ត្រូវបានរំពឹងថាអាចនឹងឡើងដល់ ១០ពាន់លានវ៉ុន (ខ្ទង់ ៩លានដុល្លារ) គិតតែចំនួនអាល់ប៊ុមលក់ដាច់អស់របស់ BLACKPINK និង TREASURE ប៉ុណ្ណោះ។ ពិតណាស់ BLACKPINK បានក្លាយជាក្រុមនារីដំបូងបង្អស់របស់ផលិតកម្មដែលមានសមត្ថភាពអាចលក់អាល់ប៊ុមអស់ដល់ទៅ ១លានបន្ទះ ស្របពេល TREASURE ត្បិតជាក្រុមថ្មី ប៉ុន្តែអាចលក់អាល់ប៊ុមបាន ២៥០ ០០០បន្ទះឯណោះ តាំងពីចេញមុខជាផ្លូវការនៅឆ្នាំនេះ។
ក្រៅពីទស្សន៍ទាយថា BIGBANG អាចនឹង Comeback ក្នុងនោះក៏មានព័ត៌មានថា YG គ្រោងនឹងបង្ហាញមុខក្រុមនារីថ្មីមួយទៀតនៅឆ្នាំ ២០២១៕