- 2020-11-24 07:22:26
- ព័ត៌មាន
លើកនេះលេងមែនទែន! សូដា នីតា ៖ "កុំខ្វល់…មិនបានយកគ្នាកំបាំងមុខទេ!”
- 2020-11-24 07:22:26
- ចំនួនមតិ 0 | ចំនួនចែករំលែក 0
លើកនេះលេងមែនទែន! សូដា នីតា ៖ "កុំខ្វល់…មិនបានយកគ្នាកំបាំងមុខទេ!”
ចន្លោះមិនឃើញ
បន្ទាប់ពីបានសម្រេចចងស្ពាន ភ្ជាប់និស្ស័យនឹងគ្នា ជាមួយបុរសវ័យក្មេងម្នាក់ឈ្មោះ ស៊ិន សូរិយ៉ា ហៅយុទ្ធ ឋានៈមក ឥឡូវនេះ សូដា នីតា ចាប់ផ្ដើមបើកចំហទំនាក់ទំនងមួយនេះហើយ ដោយនៅថ្ងៃនេះនាងបានបញ្ចេញរូបភាពរួមគ្នាយ៉ាងកម្រ ដោយភ្ជាប់ជាមួយពាក្យពេចន៍ចាក់ដោតមួយចំនួនផង។
សូដា នីតា ត្រូវបានគេដឹងថា បានភ្ជាប់ពាក្យជាមួយលោក ស៊ិន សូរិយ៉ា ហៅយុទ្ធ ឋានៈ ជាតារាសម្ដែង និងជាមន្ត្រីយោធាម្នាក់កាលពីដើមខែតុលា កន្លងទៅ។ ពិធីនោះ មិនត្រូវបានធ្វើធំដុំទេ បើទោះគេដឹងថា នាងជាតារាស្រីរស់នៅក្នុងជីវិតហ៊ឺហាមានរថយន្តទំនើបៗ និងផ្ទះវីឡាក៏ដោយ។ បញ្ហាមិនធ្វើពិធីធំដុំនេះ សាមីខ្លួនមិនបានអះអាងប្រាប់សារព័ត៌មានឡើយ ប៉ុន្តែភាគីខាងប្រុស បានបញ្ជាក់ពីរឿងនេះទៅវិញថា កាលដែលពួកគេមិនធ្វើពិធីធំដុំ ដោយសារតែវេលានោះ សូដា នីតា ទើបនឹងជួបរឿងទុក្ខសោកដោយសារម្ដាយស្លាប់ផង។ ដូច្នេះហើយ ទើបពិធីភ្ជាប់ពាក្យនៅត្រឹមជារឿងបន្ទាប់បន្សំ។
យ៉ាងណាក៏ដោយ បន្ទាប់ពីពេលនោះមក គេកម្រឃើញ តារាស្រីបញ្ចេញរូបជាមួយគូដណ្ដឹងជាសាធារណៈណាស់។ ប៉ុន្តែនៅថ្ងៃនេះ សូដា នីតា បានបង្ហាញពីភាពផ្លាស់ប្ដូរហើយ ដោយនាងបានចេញរូបភាពជាច្រើនសន្លឹកជាមួយគូដណ្ដឹងដែលមានវ័យក្មេងជាងខ្លួននេះ។ ជាមួយគ្នា នាង នៅភ្ជាប់ជាមួយសារដាស់តឿនខ្លួនឯងផងថា "កុំខ្វល់...!"។
សូដា នីតា បានសរសេរថា "កុំខ្វល់... យើងមានប៉ុណ្ណាទទួលប៉ុណ្ណឹងទៅ ... ព្រោះមិនបានលាក់មុខពូនអាត្មា យកគ្នាកំបាំងមុខ រឺ យកប្តីអ្នកណាទេ!!!”។ គេនៅមិនទាន់ដឹងឡើយថា តារាស្រីដែលមានប្រវត្តិខកស្នេហ៍ម្ដងជា២ដងរូបនេះ បានពើបប្រទះនឹងរឿងអ្វីទៀតនោះទេ សម្រាប់ទំនាក់ទំនងបើកចំហជាមួយគូដណ្ដឹងនេះនោះទេ ទើបធ្វើឲ្យនាងទប់មិនបានបញ្ចេញសារ បញ្ឆិតបញ្ឆៀងដូច្នេះឡើយ។
តាមរយៈសារដដែល តារាស្រី នៅបានលើកឡើងថា នៅពេលនេះ នាងដឹងតែប្រឹងរកស៊ី ដើម្បីអនាគតប៉ុណ្ណោះ ព្រោះថា លុយនៅក្នុងដី មិនមែនលុយធ្លាក់ពីលើមេឃឡើយ។
កញ្ញា សូដា នីតា ត្រូវបានគេដឹងថា ធ្លាប់បានភ្ជាប់ពាក្យម្ដងរួចមកហើយកាលពីប៉ុន្មានឆ្នាំមួយជាមួយអាណិកជនខ្មែរ នៅបារាំងម្នាក់។ ប៉ុន្តែក្នុងពេលដែលអ្វីៗ មិនទាន់បើកចំហជាសាធារណៈផង ពួកគេក៏បានបែកគ្នាទៅវិញ។ លុះមកដល់ឆ្នាំ ២០២០នេះ កញ្ញា ក៏បានជួបស្នេហ៍ម្ដងទៀតជាមួយតារាសម្ដែងជំនាន់ក្រោយនាង។ ទំនាក់ទំនងនេះ ក្រោយពីលោក ស៊ិន សូរិយ៉ា ហៅយុទ្ធ ឋានៈ បានប្រកាសនៅតាមហ្វេសប៊ុក ថាលោកពេញចិត្ត សូដា នីតា ដែលពេលនោះលោកបានហៅនាងថា "បងស្រី" ហើយប្រសិនបើភាគីខាងស្រីមិនប្រកាន់ទេ លោកនឹងចូលស្ដីនាងតាមប្រពៃណី។
ការចែចូវតាមរយៈបណ្ដាញសង្គម និងជួយបន្ទរដោយសារព័ត៌មាននោះ បាននាំឲ្យកំលោះជួបភ័ព្វល្អ ក្នុងនោះត្បិតថាមិនដឹងថា ខាងស្រីឆ្លើយពាក្យពេចន៍យ៉ាងម៉េចទៅអ្នកសុំស្នេហ៍ តែទីបំផុតពួកគេបានភ្ជាប់ពាក្យទៅតាមទំនៀមក្រោមការដឹងលឺពីចាស់ទុំទាំងសងខាងនៅថ្ងៃទី ០៥ តុលា ២០២០។ យ៉ាងណា អ្នកទាំងពីរនៅមិនទាន់ឲ្យដឹងនៅឡើយថា ពួកគេគ្រោងនឹងដឹកដៃគ្នាចូលរោងការនៅពេលណា៕