- 2020-12-09 07:05:43
- ព័ត៌មាន
ហេតុអ្វី EXO លែងមានមុខក្នុងកម្មវិធី MAMA ៣ឆ្នាំនេះ? នេះជាចម្លើយ!
- 2020-12-09 07:05:43
- ចំនួនមតិ 0 | ចំនួនចែករំលែក 0
ហេតុអ្វី EXO លែងមានមុខក្នុងកម្មវិធី MAMA ៣ឆ្នាំនេះ? នេះជាចម្លើយ!
ចន្លោះមិនឃើញ
ក្រុមចម្រៀងធំមួយប្រចាំ SM គឺ EXO បានបង្ហាញវត្តមានលើកចុងក្រោយក្នុងកម្មវិធី MAMA កាលពីឆ្នាំ ២០១៧ និងចាប់ពីឆ្នាំ ២០១៨ មកក្រុមមិនបានទៅចូលរួមទេ។ មកពីហេតុអ្វី? ការពិតបើតាមអ្នកគាំទ្ររបស់ក្រុមបានលើកឡើងថារវាង EXO និង Mnet ប្រែជាចាប់ផ្ដើមមិនសូវដើរទៅមុខរលូនជាមួយគ្នា។ អាស្រ័យហេតុនេះទើប EXO-L ប្រាប់គ្នាកុំឲ្យ Vote តាំងពីឆ្នាំ ២០១៨មក ព្រោះពួកគេមិនគាំទ្រនូវអ្វីដែល Mnet បានធ្វើនោះទេ។
ផ្អែកតាមភស្តុតាងជាច្រើន និងក៏ព្រោះទង្វើបែបមិនគោរពតារាៗ និងអ្នកគាំទ្រកម្មវិធីទាំងអស់ ជាពិសេស EXO តែម្ដង ទើបក្រុមអ្នកគាំទ្រមួយចំនួនសម្ដែងការមិនពេញចិត្ត។ ខាងក្រោមនេះជាអ្វីដែល EXO បានជួបប្រទះជាមួយនឹង MAMA នេះបើយោងតាមអ្វីដែលមហាជន និងអ្នកគាំទ្រ EXO បានលើកឡើង៖
ឆ្នាំ ២០១៥៖ លុបបទ «Love Me Right»
ដូចអ្នកគាំទ្រចាំបានថា រឿងហេតុចាប់ផ្ដើមមិនស្រូលតាំងពីឆ្នាំ ២០១៥។ វីដេអូសម្ដែងរបស់ "Love Me Right" របស់ EXO មានអ្នកចូលមើលដល់ទៅ ៧០០ ០០០ដង (ជិត១លានដងឯណោះ) មុន Mnet លុបចោល ដើម្បី សម្រួលគុណភាពវីដេអូ។ ប៉ុន្តែមែនទែនទៅ ចំនួនចូលមើលត្រូវលុបចោលទៅតាមនោះដូចគ្នា ស្របពេល EXO ខំសម្ដែងអស់ពីចិត្តពីកាយ តែបែរជាចុងក្រោយត្រូវអសារបង់។ ក្រុមការងារ Mnet ក៏បានប្រញាប់ Upload ជាថ្មីដែរ ប៉ុន្តែនៅតែមិនអាចស្ដារ Views បានច្រើន។ អ្នកគាំទ្រពិតជាតូចចិត្តខ្លាំងណាស់ ព្រោះអ្នកណាៗក៏ដឹងថាចំនួន View ពិតជាកត្តាសំខាន់ ដើម្បីទទួលបានពាន។
ឆ្នាំ ២០១៧៖ ជាឆ្នាំខ្មៅងងឹតសម្រាប់ EXO ក្នុងកម្មវិធីទទួលពាន
ពេលនោះ អ្នកគាំទ្ររបស់ក្រុមត្រូវគេឃាំងដោយរបាំងមិនឲ្យចូល ហើយ Light Stick របស់ពួកគេក៏ត្រូវបានដកហូតដែរ។ កត្តាទាំងនេះបានធ្វើឲ្យអ្នកគាំទ្រទាំងអស់គិតថា ធ្វើបែបនេះចង់ឲ្យពេល EXO សម្ដែង គឺត្រូវក្លាយជា «Black Ocean» មានន័យថាគ្មានពន្លឺ Light Stick ចាំងឡើងឡើយ ស្របពេលបទរបស់ក្រុមក៏ត្រូវកាត់ចោលខ្លះ ហើយមានបញ្ហាទាក់ទងនឹងបច្ចេកទេសសំឡេងទៀត។
ដោយឡែកបើយោងតាមការបង្ហើបរបស់ Song Joong Ki នៅថ្ងៃនោះ EXO បានលួចយំក្រោយឆាកទៀត។ សម្រាប់ Baekhyun បន្ទាប់ពីទទួលពាន «Album Of The Year» លោកបានប្រាប់ទៅអ្នកគាំទ្រថា «EXO-L កុំយំ! ពួកយើងបានឈ្នះពានហើយ ឥលូវអ្នកអាចទៅផ្ទះ និងសម្រាកឲ្យបានស្រួលបានហើយណា៎។ អ្នកទាំងអស់ខិតខំខ្លាំងណាស់ យើងនឹងជួបគ្នាជាថ្មីនៅកន្លែងដដែល នៅឆ្នាំក្រោយ អរគុណណាស់អ្នកទាំងអស់គ្នា»។ ប៉ុន្តែមក EXO (រួមជាមួយក្រុមមួយចំនួនរបស់ SM) សម្រេចលែងចូលរួមកម្មវិធីនេះ ហើយ Suho ធ្លាប់បានប្រាប់ EXO-L ថា «អ្នកមិនចាំបាច់បោះឆ្នោតតទៀតទេ ព្រោះថាសម្រាប់យើង EXO-L គឺជា Daesang ស្រាប់ហើយ»។
ឆ្នាំ ២០១៩៖ ការមិនគោរព ចាប់ផ្ដើមមានកាន់តែខ្លាំង
មិនថាតែអ្នកគាំទ្រប្រចាំក្រុមនេះទេ សូម្បីអ្នកគាំទ្រផ្សេងទៀតរបស់ K-Pop ដែលបានមើលកម្មវិធីបានលាន់មាត់គ្រប់គ្នា ពីទង្វើអសីលធម៌ដែលកម្មវិធីធ្វើដាក់ EXO។ Mnet បានលុបវីដេអូទាំងអស់របស់ EXO ចោល ពីបណ្ដាញសង្គម។ ជាឧទាហរណ៍មួយទៀត ដូចវីដេអូ «Tears of Joy» របស់ក្រុមជាដើម MAMA បានដកវីដេអូសំខាន់ៗរបស់ក្រុមរយៈពេលជាច្រើនឆ្នាំកន្លងមក ហើយលើកពាក្យថា «TearsOf Joy» ចំវីដេអូដែល EXO បង្ហាញមុខនៅឆ្នាំ ២០១៧ ដែលជាឆ្នាំចុងក្រោយរបស់ក្រុមក្នុងកម្មវិធីនេះជំនួសទៅវិញ។ អ្នកគាំទ្រពិតជាតូចចិត្ត ព្រោះដឹងច្បាស់ពីមូលហេតុពីក្រោយទឹកភ្នែកដែលស្រស់នោះ។
ឆ្នាំ ២០២០វិញ មានអ្វីកើតឡើង?
ចូលដល់ឆ្នាំនេះ MAMA រៀបចំតាមបែប Online ដោយសារគេចពីការគំរាមរបស់មេរោគកូវីដ ១៩។ ទោះបីខិតខំសម្រិតសម្រាំងខ្លាំងយ៉ាងណា ប៉ុន្តែក៏នៅមានបញ្ហាកើតមានទាល់តែបាន។ រៀងរាល់ឆ្នាំ អ្នកតាមដានកម្មវិធីនេះតែងតែរំពឹងថា MAMA ព្យាយាមកែប្រែឲ្យបានប្រសើរជាងមុន។ EXO មិនមែនជាក្រុមតែមួយដែលជួបរឿងហួសចិត្តទេ ព្រោះដូចឆ្នាំនេះកម្មវិធីបានបង្កើតកំហុសថ្មី និងរងការរិះគន់យ៉ាងចាស់ដៃតាំងពីការផ្ដល់កន្លែងរង់ចាំមិនស្មើភាពគ្នាឲ្យតារាៗ, និងការធ្វេសប្រហែសដោយការបង្ហាញរូបក្រុម BTS តែភ្លេចដាក់រូប Jin ជាមួយ ក៏ដូចជាបញ្ហាផ្សេងទៀត៕