- 2020-12-30 03:00:20
- ភាពយន្ត
១៩ឆ្នាំក្រោយមករឿង Spirited Away បានធ្លាក់ចេញពីតំណែងកំពូល
- 2020-12-30 03:00:20
- ចំនួនមតិ 0 | ចំនួនចែករំលែក 0
១៩ឆ្នាំក្រោយមករឿង Spirited Away បានធ្លាក់ចេញពីតំណែងកំពូល
ចន្លោះមិនឃើញ
ភាពយន្តគំនូរជីវចលជប៉ុនដែលមានចំណងជើងថា Demon Slayer បាននាំមុខភាពយន្តគំនូរជីវចល Spirited Away ដែលចេញកាលពីឆ្នាំ ២០០១ ក្លាយជាភាពយន្តដែលអាចរកចំណូលបានច្រើនជាងគេបំផុតក្នុងប្រវត្តិសាស្ត្រភាពយន្តជប៉ុន។
Demon Slayer បានចេញផ្សាយតាមរោងកុននៅប្រទេសជប៉ុនកាលពីពាក់កណ្ដាលខែតុលា ដោយចេញផ្សាយបានត្រឹម ១០ថ្ងៃ វាអាចរកចំណូលបានដល់ ១០០លានដុល្លារទៅហើយ។ ក្រោយចាក់បញ្ចាំងបានជាង២ខែមក ភាពយន្តនេះអាចអូសទាញទស្សនិកជនបានជាង ២៤លាននាក់នៅប្រទេសជប៉ុន។
អ្នកជំនាញបាននិយាយថាជោគជ័យរបស់ភាពយន្ត Demon Slayer នេះគឺមានការចំណែកពីកង្វះខាតភាពយន្តជាគូប្រកួតប្រជែង។ ទីផ្សារភាពយន្តជប៉ុននៅឆ្នាំនេះមិនសូវមានភាពយន្តហូលីវូដខ្នាតធំច្រើនប៉ុន្មានឡើយ។ បញ្ជីភាពយន្តពេញនិយមទាំង១០ប្រចាំឆ្នាំ មានភាពយន្តបរទេសតែពីរប៉ុណ្ណោះ ខណៈដែលឆ្នាំមុនមានភាពយន្តហូលីវូដចំនួន៦ ក្នុងចំណោមកំពូលទាំង១០៕
