- 2021-01-05 07:44:05
- ភាពយន្ត
ប្រិយមិត្ត អាចស្រក់ទឹកភ្នែកម្ដងទៀតជាមួយលោកឪពុក ព្រោះរឿង"ដើម្បីកូន" ត្រៀមចាក់ទៀតហើយ
- 2021-01-05 07:44:05
- ចំនួនមតិ 0 | ចំនួនចែករំលែក 0
ប្រិយមិត្ត អាចស្រក់ទឹកភ្នែកម្ដងទៀតជាមួយលោកឪពុក ព្រោះរឿង"ដើម្បីកូន" ត្រៀមចាក់ទៀតហើយ
ចន្លោះមិនឃើញ
ស្របពេលដែលខ្សែភាពយន្តខ្នាតធំរឿង"ដើម្បីកូន" កំពុងដាក់ឲ្យគណៈកម្មការភាពយន្តអន្តរជាតិអូស្ការពិនិត្យក្នុងផ្នែកភាពយន្តអន្តរជាតិល្អជាងគេនៅលើទឹកដីសហរដ្ឋអាមេរិក លោក ហ៊ុយ យ៉ាឡេង ប្រកាសចាក់បញ្ចាំងរឿងនេះជាថ្មីទៀតនៅគ្រប់រោងភាពយន្តចាប់ពីថ្ងៃទី៧ ខែមករា តទៅ។
ចាងហ្វាងផលិតកម្មកថាជ័យ និងជាម្ចាស់រឿង"ដើម្បីកូន" លោក ហ៊ុយ យ៉ាឡេង និយាយថា វាជាឱកាសដែលប្រិយមិត្ដ ជាពិសេសយុវវ័យអាចដឹកដៃលោកឪពុកមកទស្សនាភាពយន្តនេះ ដើម្បីគោរពការលះបង់របស់គាត់។ លោកបន្ថែមថា លោកឪពុកមិនចេះនិយាយច្រើនដូចអ្នកម្ដាយ តែលោកឪពុកប្រឹងលះបង់ដើម្បីកូនលុះមរណា។
ហ៊ុយ យ៉ាឡេង៖"តើអ្នកមានដឹកដៃគាត់(លោកឪពុក)មកទស្សនាភាពយន្តនេះទេ? ជួបគ្នាទឹកភ្នែកម្ដងទៀតបានទេ?"។
ភាពយន្តឆ្លុះបញ្ចាំងពីជីវិតពិត"ដើម្បីកូន" ធ្លាប់ដាក់បញ្ចាំងម្ដងរួចហើយនៅមុនផ្ទុះការឆ្លងរាតត្បាតជាសកល នៃជំងឺកូវីដ-១៩ កាលពីដើមឆ្នាំ២០២០។ រឿងនេះបានចាក់ចំបេះដូងប្រិយមិត្ត ជាពិសេសមិត្តយុវវ័យ ដោយអ្នកខ្លះយំក្នុងរោងមិនអស់ចិត្ត ចេញសម្រក់ទឹកភ្នែកជាមួយនឹងសំឡេងយំខ្សឹកខ្សួលអោបផលិតករភាពយន្តនេះទៀតផង។
រឿង"ដើម្បីកូន" ត្រូវបានគណៈកម្មការវាយតម្លៃភាពយន្តកម្ពុជា ចាត់ទុកថាជាភាពយន្តតំណាងឲ្យជាតិកម្ពុជា ដើម្បីដាក់ទៅប្រកួតប្រជែងយកពានរង្វាន់អូស្ការ។ បច្ចុប្បន្ន រឿងនេះ កំពុងស្ថិតនៅក្នុងដៃគណៈកម្មការភាពយន្តអន្តរជាតិ ដើម្បីពិនិត្យរកមើលខ្សែភាពយន្តអន្តរជាតិដែលល្អជាងគេ ក្នុងចំណោមខ្សែភាពយន្ដល្អៗមកពីបណ្ដាប្រទេសជាច្រើនលើពិភពលោក ដើម្បីត្រៀបប្រកាសពានរង្វាន់ OSCAR លើកទី៩៣ នៅសហរដ្ឋអាមេរិក៕
