- 2021-01-15 03:24:41
- ព័ត៌មាន
លេងអីចឹងៗហ្មង សិរីមន្ត ត្រូវភរិយាចាប់សួរចម្លើយពីយប់ ព្រលឹមឡើងយកឡានមកបញ្ឈរចាំមុខផ្ទះ!
- 2021-01-15 03:24:41
- ចំនួនមតិ 0 | ចំនួនចែករំលែក 0
លេងអីចឹងៗហ្មង សិរីមន្ត ត្រូវភរិយាចាប់សួរចម្លើយពីយប់ ព្រលឹមឡើងយកឡានមកបញ្ឈរចាំមុខផ្ទះ!
ចន្លោះមិនឃើញ
រឿងប្លែក និងភ្ញាក់ផ្អើលបានកើតឡើងថ្មីទៀតហើយនៅក្នុងសង្គមសិល្បៈ ដែលលើកនេះប៉ះលើលោក ខេមរៈ សិរីមន្ត តែម្ដងដែលលោកត្រូវភរិយា ចាប់សួរចម្លើយកាលពីព្រលប់ ហើយព្រលឹមឡើងលេងយកឡានទំនើបមួយគ្រឿងមកបញ្ឈរចាំមុខផ្ទះតែម្ដង។
តាមតារាចម្រៀង បានឲ្យដឹងថា លោកត្រូវបានភរិយាចោទសួរកាលពីព្រលប់ពាក់ព័ន្ធនឹងការប្រើប្រាស់ឡាន ខណៈកន្លងមក គេតែងសង្កេតឃើញថាលោកនិយមប្រើប្រាស់ប្រភេទឡានធំ។ លោក សិរីមន្ត សរសេរប្រាប់ប្រិយមិត្តរបស់លោកនៅ IG នាព្រឹកនេះថា "ភរិយាខ្ញុំសួរខ្ញុំថា ហេតុអីបានបងចូលចិត្តជិះតែឡានធំៗខ្ពស់ៗចឹងតើបងចូលចិត្តឡានតូចអត់ខ្ញុំថាមានអីចូលចិត្តតើ…!"។
ត្រឹមតែប៉ុណ្ណោះ ស្រាប់តែរឿងភ្ញាក់ផ្អើលកើតឡើងតែម្ដងនាព្រឹកថ្ងៃបន្ទាប់តែម្ដង។ លោកបញ្ចេញឲ្យដឹងថា រថយន្តម៉ាក Rolls Royce មួយគ្រឿងបានឈរច្រង៉ាងនៅមុខផ្ទះ រហូតដល់តារាប្រុសទប់មាត់មិនជាប់៖ "អរគុណភរិយាសម្លាញ់"។ រឿងនេះ មិនត្រឹមតែសាមីខ្លួនប៉ុណ្ណោះទេ សូម្បីតែប្រិយមិត្តអ្នកគាំទ្រ ក៏សឹងមិនជឿដែរ។ ពួកគេបានចូលមកអបអរតារាចម្រៀងក្នុងចិត្តរបស់ពួកគេ ខណៈអ្នកខ្លះលើកឡើងថា ច្រណែននឹងលោក សិរីមន្តណាស់។
នេះជាករណីទី២ហើយ នៅក្នុងសង្គមសិល្បៈដើមឆ្នាំ ២០២១ ដែលមុននេះ កញ្ញា ទឹម រដ្ឋា ក៏ទើបត្រូវលោកឪពុកធ្វើឲ្យភ្ញាក់ផ្អើល ដោយទិញរថយន្តប្រណិត១គ្រឿងដែរ ជាកាដូថ្ងៃខួបកំណើតដែរកាលពីពេលថ្មីៗ។យ៉ាងណា ងាកមកករណីរបស់លោក ខេមរៈ សិរីមន្ត វិញមិនទាន់ដឹងថា កាដូនេះធ្វើឡើងក្នុងន័យអ្វី ឬក៏ក្នុងឱកាសពិសេសអ្វីនោះទេ។ បន្ថែមពីលើនេះទៀត រថយន្តលំដាប់អភិជននេះ ផលិតនៅឆ្នាំណា ស៊េរីអ្វី និងតម្លៃប៉ុន្មាន ក៏មិនទាន់ដឹងដែរ។
ឆ្នាំថ្មី ២០២១ នេះ ខេមរៈ សិរីមន្តបើកឆាកមុនគេ ទទួលកាដូរថយន្ត Rolls Royceងាកទៅអតីតកាលនាពាក់កណ្ដាលឆ្នាំ ២០២០ ទេព បូព្រឹក្ស គឺជាតារាចម្រៀងតែម្នាក់គត់ដែលទទួលកាដូរថយន្តប្រភេទនេះ។ កាលណោះ G-Devit បានយក Rolls Royce ពណ៌សលាយខ្មៅមួយគ្រឿងយកទៅ Surprise គូស្នេហ៍មុនលោក លាមួយរយៈទៅសាងផ្នួស។ រថយន្តនោះ កាលណោះមានតម្រុយថា មានតម្លៃដល់ទៅជាង ៣០ម៉ឺនដុល្លារអាមេរិកឯណោះ៕
