- 2021-01-19 02:58:00
- ព័ត៌មាន
រឿងពិតបងធំសំណព្វចិត្ត និងរឹងមាំម្នាក់ របស់ BLACKPINK មិនមែនគ្រប់គ្នាសុទ្ធតែដឹង
- 2021-01-19 02:58:00
- ចំនួនមតិ 0 | ចំនួនចែករំលែក 0
រឿងពិតបងធំសំណព្វចិត្ត និងរឹងមាំម្នាក់ របស់ BLACKPINK មិនមែនគ្រប់គ្នាសុទ្ធតែដឹង
ចន្លោះមិនឃើញ
Jisoo គឺជាសមាជិកដែលចាត់ទុកថាជាបងស្រីធំប្រចាំក្រុមចម្រៀង BLACKPINK និងក៏ជាសមាជិកដែលមានទម្រង់មុខស្អាត និងសម្រស់លេចធ្លោជាងគេប្រចាំក្រុមដែរ ស្របពេលនាងត្រូវគេឲ្យរហស្សនាមថាជា Visual Member។
ទោះបីជាអ្នកគាំទ្រផ្ដល់ការស្រឡាញ់ ដឹងច្បាស់ពីសន្ទុះប្រជាប្រិយភាពរបស់ Jisoo ប៉ុន្តែក៏នៅមានរឿងជាច្រើនផ្សេងទៀត មិនមែនគ្រប់គ្នាសុទ្ធតែដឹងនោះទេ។ ដូច្នេះ Sabay សូមលើកយកប្រវត្តិ និងចំណុចមួយចំនួន ដែលជារឿងពិតរបស់សមាជិកបងគេរបស់ BLACKPINK រូបនេះ៖
១. Jisoo មានឈ្មោះពេញ Kim Jisoo កើតនៅថ្ងៃទី០៣ ខែមករា ឆ្នាំ១៩៩៥ (ត្រូវនឹងឆ្នាំច)ក្នុងក្រុង Gunpo ខេត្ត Gyeonggi ប្រទេសកូរ៉េខាងត្បូង មានកម្ពស់ ១៦២សង់ទីម៉ែត្រ និងមានឈាមប្រភេទ A។
២. ក្នុងគ្រួសារ Jisoo មានបងប្អូន ៣នាក់ គឺបងប្រុស បងស្រី និងនាងខ្លួនឯង ដែលជាកូនពៅ។
៣. ឃើញរាងតូចបែបនេះមែន តែតាមពិត Jisoo ក៏ជាអ្នកហាត់តៃក្វាន់ដូដែរ ហើយថែមទាំងបានខ្សែក្រវ៉ាត់សទៀត។
៤. ដោយសារនាងជាមនុស្សចូលចិត្តលេង ដូច្នេះបើតាមសម្ដីរបស់ Jennie Jisoo គឺជាសមាជិកដែលចូលចិត្តបង្កភាពរីករាយខ្លាំងក្នុងក្រុម បានន័យថាចូលចិត្តធ្វើឲ្យគ្រប់គ្នាសប្បាយចិត្តពេលស្ថិតក្នុងស្ថានភាពតានតឹងយ៉ាងណាក៏ដោយ។ មួយវិញទៀត នារីម្នាក់នេះក៏ចូលចិត្តដើរដាក់ឈ្មោះក្រៅគេឯងដែរ។
៥. ក្រៅពីភាសាកូរ៉េ ដែលជាភាសាកំណើត Jisoo ក៏ចេះនិយាយភាសាជប៉ុន និងចិនដែរ ហើយពីមុននាងកម្រនិយាយភាសាអង់គ្លេសណាស់ ដោយសារនាងមានអារម្មណ៍ថាខ្មាសៗ ប៉ុន្តែមកដល់ពេលនេះ នាងយល់ពីវាបានច្រើនណាស់។
៦. ធ្លាប់ដឹងទេ? នៅក្នុងសាលា Jisoo គឺជាសិស្សស្រីដែលមានប្រជាប្រិយខ្លាំងជាងគេ។ នេះក៏ដោយសារសម្រស់ទាក់ទាញពីធម្មជាតិ ថែមទាំងចិត្តល្អទៀត។
៧. មានពេលទំនេរ Jisoo តែងចំណាយពេលអានសៀវភៅ លេងហ្គេមកុំព្យូទ័រ។
៨. ជាទូទៅ មនុស្សភាគច្រើនខ្លាចខ្មោច ប៉ុន្តែសម្រាប់ Jisoo ប្រាប់ថានាងមិនខ្លាចទេ ខ្មោច ហើយបើមើលរឿងខ្មោច ក៏នាងមិនញញើតព្រឺសម្បុរបន្តិចដែរ។ ប៉ុន្តែអ្វីដែលនាងខ្លាចនោះ គឺខ្ពស់។
៩. ដល់ចំណុចនេះ BLINK ភាគច្រើនអាចជ្រាបខ្លះហើយថា Jisoo ក្លាយជាសមាជិកតែម្នាក់គត់ដែលមិនយំក្នុងកម្មវិធីផ្សេងៗ ជាពិសេសពេលត្រូវឈ្នះពានម្ដងៗ។ នាងតែងបង្ហាញភាពរឹងមាំគ្រប់ពេលដាក់អ្នកគ្រប់គ្នា ប៉ុន្តែសមាជិករួមក្រុមធ្លាប់បាននិយាយថា Jisoo តែងសំងំពួនយំតែឯង មិនឲ្យអ្នកណាដឹងឡើយ។
១០. ចំណុចចុងក្រោយដែលមិនអាចរំឡងបាននោះគឺ Jisoo ចូលចិត្តអ្នកណាដែលយល់ពីនាងច្បាស់ អ្នកដែលគួរឲ្យស្រឡាញ់ សិចស៊ី ហើយអ្នកដែលញញឹមស្អាត៕