- 2021-01-20 01:45:00
- ព័ត៌មាន
ធ្លាប់ឆ្ងល់អត់ រាល់សំណួរតារាត្រូវឆ្លើយក្នុងសម្ភាស សុទ្ធតែជាការរៀបចំចាត់ចែងរបស់ក្រុមហ៊ុនឬ?
- 2021-01-20 01:45:00
- ចំនួនមតិ 0 | ចំនួនចែករំលែក 0
ធ្លាប់ឆ្ងល់អត់ រាល់សំណួរតារាត្រូវឆ្លើយក្នុងសម្ភាស សុទ្ធតែជាការរៀបចំចាត់ចែងរបស់ក្រុមហ៊ុនឬ?
ចន្លោះមិនឃើញ
មានសំណួរជាច្រើនផុសពេញចិត្តអ្នកគាំទ្រ ឬអ្នកដែលតែងតែចង់ដឹងរឿងរ៉ាវផ្សេងៗរបស់ K-Pop។ ពេលនេះចម្ងល់មួយត្រូវបានបកស្រាយដោយ Jeff Benjamin អ្នកសារព័ត៌មានធ្លាប់បានធ្វើបទសម្ភាសជាមួយនឹងតារា K-Pop ល្បីៗដូចជា EXO, TWICE, Red Velvet ក៏ដូចជា ENHYPENនិងតារាជាច្រើនក្រុមទៀត។
ចម្ងល់នោះគឺថា តើគ្រប់ពេលស្ថិតក្នុងបទសម្ភាស អ្នកគ្រប់គ្រងតារា ឬ Agency របស់ពួកគេជាអ្នកគ្រប់គ្រងចាត់ចែងសំណួរដែលពួកគេត្រូវឆ្លើយ ឬយ៉ាងណា?
ជាក់ស្ដែងពេលបកស្រាយក្នុងវីដេអូភាគថ្មីរបស់ "Ask Me Anything" Jeff បានឆ្លើយថា នោះគឺជាការពិតដែលក្រុមហ៊ុនត្រូវពិនិត្យរាល់សំណួរ និងជ្រើសយកសំណួរសមរម្យណាមួយសម្រាប់ក្រុមតារារបស់ពួកគេ។ ទោះជាយ៉ាងណាអ្នកកាសែតប្រចាំ K-Pop រូបនេះនៅបានពន្យល់បន្ថែមថា ការគ្រប់គ្រងរាល់សំណួរដែលតារាត្រូវឆ្លើយទាំងនោះក្នុងបទសម្ភាស ពិតជាសំខាន់ ហើយវាមិនកើតឡើងតែក្នុងវិស័យ K-Pop ទេ។ មូលហេតុដែលត្រូវធ្វើបែបនេះ គឺដើម្បីបង្ការ កុំឲ្យមានបញ្ហាផ្ទុះឡើង បង្កជាភាពចលាចលដោយសារចម្លើយមិនបានត្រៀមទុកណាមួយរបស់តារាៗ។
មួយវិញទៀត នៅពីក្រោយកាមេរ៉ា ច្បាស់ណាស់ត្រូវតែមានការមើលដោយយកចិត្តទុកដាក់ពីអ្នកចាត់ការទូទៅរបស់ក្រុមតារា តែពួកគេក៏មិនបាននិយាយអ្វីដែរ ក្រៅពីសុំអ្នកសារព័ត៌មានឲ្យកាត់យកពេលតារានិយាយអូសបន្លាយពេលយូរ ដូចជា "អឹមមមម..." ជាដើម ដោយសំណូមពរឲ្យយកតែចម្លើយពេលនិយាយចេញប៉ុណ្ណោះ។
បន្ថែមពីលើនោះ Jeff ដែលជាអ្នកកាសែតជើងចាស់រូបនេះក៏បានលើកឡើងដោយការមិនពេញចិត្តមួយចំនួនចំពោះក្រុមអ្នកចាត់ការទូទៅ និងជំនួយការមួយចំនួនរបស់តារាៗដែរ ដែលធ្លាប់មានម្ដងនោះ កាត់ការសម្ភាសរបស់លោក ដោយសារតែពេលខ្លី។ សម្រាប់លោកគិតថា វាជាទង្វើអសីលធម៌ ហើយវាជាហេតុដែលលោកមិនអាចបញ្ចប់បទសម្ភាសដោយរលូនបាន៕