- 2021-01-21 03:00:34
- ព័ត៌មាន
អ្នកគាំទ្រឆ្ងល់ទៀតហើយ! សំ សុវណ្ណារ៉ាក់ និយាយពាក្យមួយទៅកាន់ អាង សុជាតា
- 2021-01-21 03:00:34
- ចំនួនមតិ 0 | ចំនួនចែករំលែក 0
អ្នកគាំទ្រឆ្ងល់ទៀតហើយ! សំ សុវណ្ណារ៉ាក់ និយាយពាក្យមួយទៅកាន់ អាង សុជាតា
ចន្លោះមិនឃើញ
តារាចម្រៀងប្រុសវ័យក្មេងរបស់ផលិតកម្មរស្មីហង្សមាស សំ សុវណ្ណារ៉ាក់ បានបញ្ចេញរូបថតចំនួន៧សន្លឹកដែលថតជាមួយកញ្ញា អាង សុជាតា ហៅឈូឈូ នៅព្រឹកថ្ងៃទី២១ ខែមករា នេះ ដែលបង្កើតចម្ងល់ជាថ្មីដល់ប្រិយមិត្ត ជាពិសេសអ្នកគាំទ្ររបស់តារាវ័យក្មេងទាំងពីរដួង។
តារាចម្រៀងរូបនេះ និយាយថា លើកទីមួយនៅក្នុងជីវិតដែលបានថតរូបស្ទាយបែបនេះ។ នោះគឺស្ទាយដែលលោក និងកញ្ញា អាង សុជាតា អង្គុយនៅលើកៅអីក្បែរគ្នាហើយបញ្ចេញកាយវិការម្ញ៉ិកម្ញ៉ក់ និងធ្វើមុខក្រមិចក្រមើមដាក់គ្នា ប្រៀបបានដូចជាគូរស្នេហ៍យល់ចិត្តថ្លើមគ្នា៖"គ្រប់យ៉ាងព្រមព្រោះស្រឡាញ់កូនក្មេង(សើច...សើច)"។
ជុំវិញការបញ្ចេញរូបថតបង្កើតចម្ងល់ជាថ្មីដល់ប្រិយមិត្តព្រឹកនេះ Sabay មិនទាន់អាចទាក់ទងសុំការបញ្ជាក់បន្ថែមបាននៅឡើយ។ ប៉ុន្តែគេសង្កេតឃើញនៅដើមឆ្នាំ២០២១ នេះ សំ សុវណ្ណារ៉ាក់ និងកញ្ញា អាង សុជាតា បានថតរូបប្លែកៗជាមួយគ្នាដោយមានភ្ជាប់សារទាក់ទងនឹងស្នេហាទៀតផង។
ជាក់ស្ដែងកាលពីប៉ុន្មានថ្ងៃមុន សំ សុវណ្ណារ៉ាក់ បានបញ្ចេញរូបថតភ្ជាប់ពាក្យជាមួយកញ្ញា អាង សុជាតា ហើយថែមទាំងភ្ជាប់នូវសារមួយថា"ល្ងាចនេះជាថ្ងៃពិសេសរបស់យើងខ្ញុំទាំងពីរនាក់ សូមពាក្យជូនពរពីបងប្អូនម្នាក់មួយមក"។ ប៉ុន្តែក្រោយមកស្រាប់តែសាមីខ្លួនចេញមុខមកបញ្ជាក់ថា នោះមិនមែនជាការពិតទេ ព្រោះរូបទាំងនោះគឺជាការតែងដើម្បីថតរឿងប៉ុណ្ណោះ។
យ៉ាងណាក៏ដោយ នៅមុនការបញ្ជាក់របស់សាមីខ្លួន ប្រិយមិត្តខ្លះបានសាទរពួកគេរួចហើយថា សមគ្នា ស្អាត និងសង្ហារៀងៗខ្លួន។ ប៉ុន្តែអ្នកខ្លះដឹងមុនដែរថា នោះគ្រាន់ជាការសម្ដែងក្នុងបទចម្រៀង ឬខ្សែរឿងណាមួយប៉ុណ្ណោះ។ ប៉ុន្តែនៅថ្ងៃនេះ ភាគីខាងប្រុសបានធ្វើឲ្យកើតមន្ទិលសារជាថ្មី ក្រោយចេញរូបភាព និងសារ Sweet ជាមួយគ្នា។ ដូច្នេះហើយ គេមិនទាន់ដឹងថា ពួកគេលេងដើម្បីឡើងលើទំព័រសារព័ត៌មាន ឬក៏មែន ខណៈចំណុចនេះ ពួកគេមិនទាន់បានបកស្រាយអ្វីនៅឡើយ៕