- 2021-01-26 03:59:36
- ព័ត៌មាន
ជម្លោះក្នុងសង្គមតារារ៉េបខ្មែរ ឈានដល់វាយតប់គ្នា ឥឡូវ Vid Cooler ប្រកាសប្ដឹងម្ចាស់បទ "នារីសក់ខ្លី" ប្រុសឡា!
- 2021-01-26 03:59:36
- ចំនួនមតិ 0 | ចំនួនចែករំលែក 0
ជម្លោះក្នុងសង្គមតារារ៉េបខ្មែរ ឈានដល់វាយតប់គ្នា ឥឡូវ Vid Cooler ប្រកាសប្ដឹងម្ចាស់បទ "នារីសក់ខ្លី" ប្រុសឡា!
ចន្លោះមិនឃើញ
ជម្លោះក្នុងសង្គមតារាចម្រៀងរ៉េបខ្មែរ ធ្លាយពីការច្រៀងឌឺដងគ្នាតាមរយៈយូធូប ឥឡូវមកដល់វេលាប្ដឹងផ្ដល់គ្នាបង ដោយតារាចម្រៀងរ៉េប នេត្រ ចាន់តារាវីត ហៅ Vid Cooler បានដាក់ពាក្យប្ដឹងតារាចម្រៀងរ៉េបដូចគ្នា គឺប្រុសឡា ម្ចាស់បទ "នារីសក់ខ្លី" ត្រៀមតតាំងគ្នាតាមរយៈផ្លូវតុលាការវិញម្ដង។
Vid Cooler បានបញ្ចេញសារគួរឲ្យភ្ញាក់ផ្អើល១ម៉ោងមុននេះ បញ្ជាក់ពីការសម្រេចចិត្តរបស់រូបគេ ក្នុងការប្ដឹង ផ្ដល់ប្រុសឡា និង 4t5 ដែលលោកអះអាងថាជាប្អូនរបស់ ប្រុសឡា។ហេតុផលនៃការប្ដឹងផ្ដល់ គឺមានពាក់ព័ន្ធនឹងករណីហិង្សាមួយ ដែល Vid Cooler អះអាងថា ខ្លួនបានទទួលរងអំពើហិង្សាពីភាគីខាង ប្រុសឡា ដែលបង្កដោយប្អូនប្រុសឈ្មោះ 4t5។
តារាចម្រៀង បានសរសេរថា "ស្វាគមន៍លោក តារាល្បីៗ ទាំងប៉ុន្មានដួងនៅខាងក្រោមនេះ..! សូមលោកអញ្ជើញមកតុលាការ ដេីម្បីដោះស្រាយរឿងនេះ ខ្ញុំរងចាំនៅតុលាការ ..!!”។ Vid Cooler បញ្ជាក់ថា លោកមានភស្តុតាងស្អុយជាច្រើនដែល ប្រុសឡា ត្រូវចូលខ្លួនមកជួបតទល់គ្នាតាមផ្លូវច្បាប់។ "កុំគេចវេះ ព្រោះរឿងនេះ បេីមិនដោះស្រាយ គឺវាជាប់ជាមួយអស់លោកមួយជីវិត"។
ជុំវិញករណីជម្លោះរបស់ Vid Cooler និងភាគីខាងប្រុសឡា ដែលឈានមកដល់ការប្ដឹងផ្ដល់គ្នានេះ បើតាមឯកសារពាក្យបណ្ដឹងដែលភ្ជាប់មកជាមួយដោយភាគីដើមបណ្ដឹង បានឲ្យដឹងសាច់រឿងថា បានកើតឡើងកាលពីថ្ងៃទី ៦ ខែសីហា ២០២០ ម្ល៉េះ។ កាលណោះ បើតាមសំដីរបស់ Vid Cooler មាននៅក្នុងពាក្យបណ្ដឹង គឺនៅវេលាម៉ោង ៤ :០០ លោកបានទៅទទួលទានអាហារនៅហាងផ្តះលេខ ២៥ E0 ផ្លូវលេខ ១៨៤ សង្កាត់ជ័យជំនះខណ្ឌដូនពេញ ដោយខាងលោកមានគ្នា ២នាក់អង្គុយញុំាស្រាបៀ។
ពេលនោះ លោកបានដើរទៅតុមួយផ្សេងដែលមានប្រុសឡានិងគ្នីគ្នា៤នាក់កំពុងញុំាអាហារជុំគ្នាដែរ។ Vid Cooler បញ្ជាក់ថា លោកបានយកកែវទៅក្នុងបំណងសុំជល់កែវជាមួយភាគីប្រុសឡា ហើយពេលនោះ ប្រុសឡ បាននិយាយថា "ថ្ងៃនេះវាយបង់លុយ" ហើយលោកបានហៅប្រុសឡាចេញមកក្រៅដើម្បីនិយាយគ្នា ប៉ុន្តែពេលចេញដល់ខាងក្រៅ មិនទាន់បាននិយាយគ្នាផង ស្រាប់តែឈ្មោះ 4t5 ដែលលោកអះអាងថាជាប្អូនរបស់ប្រុសឡា បានយកដបស្រាវាយលោកបណ្ដាលឲ្យរបួសដេរ ៣០ថ្នេរ ឯអ្នកបង្កក៏បានគេចខ្លួនបាត់ទៅ។
យោងលើអង្គហេតុដែលមានក្នុងពាក្យបណ្ដឹង Vid Cooler បានប្ដឹងប្រុសឡា អាយុ ៣០ឆ្នាំ និងប្អូនឈ្មោះ 4t5 អាយុ ២២ឆ្នាំ ព្រមទាំងគូកន២នាក់ទៀត ពីបទ ហិង្សាដោយចេតនា មានស្ថានទម្ងន់ទោស។ ជុំវិញករណីនេះ ភាគីងាកមកខាងប្រុសឡា វិញលោកបានស្នើឲ្យប្រិយមិត្ត រង់ចាំតាមដានសាច់រឿងទាំងសងខាងសិន ចាំវាយតម្លៃ។ លោក សង្កត់ធ្ងន់ថា៖ "រឿងរ៉ាវវាតែងមានដើមហេតុ...មេធាវីរបស់ខ្ញុំ កំពុងតែធ្វើការ!"។
នេះជាករណីថ្មីនៅក្នុងសិល្បៈចម្រៀងរ៉េបរបស់ខ្មែរ ដែលកន្លងមក រកាំរកូសរបស់ពួកគេ មានតែក្នុងបទចម្រៀង Diss Track ប៉ុណ្ណោះ ដែលគេឃើញមាន G-Devith ខ្មែរ ១ជីវិត ក៏ធ្លាប់ច្រៀងឌីដងគ្នាជាច្រើនផងដែរ។ ក្រោយមកក៏មាន MC Bull និង Bros La ព្រមទាំង Vid Cooler ទៀត ហើយទីបំផុត ក៏ឈានដល់ប្រព្រឹត្តហិង្សាលើគ្នាថែមទៀត ទាំងនឹកស្មានមិនដល់៕