- 2021-02-03 02:12:34
- ព័ត៌មាន
អស់សំណើច អ្នកគាំទ្រ ប្រាប់ G-Devith ឲ្យទៅច្រៀងលក់ឡេ ក្រោយ ព្រាប សុវត្ថិ-សិរីមន្ត ងាកទៅច្រៀងរ៉េប
- 2021-02-03 02:12:34
- ចំនួនមតិ 0 | ចំនួនចែករំលែក 0
អស់សំណើច អ្នកគាំទ្រ ប្រាប់ G-Devith ឲ្យទៅច្រៀងលក់ឡេ ក្រោយ ព្រាប សុវត្ថិ-សិរីមន្ត ងាកទៅច្រៀងរ៉េប
ចន្លោះមិនឃើញ
តារាចម្រៀង ងួន ច័ន្ទដេវីដ ហៅ G-Devith បានចេញសារប្លែកៗគួរឲ្យសំណើចបន្តបន្ទាប់គ្នានៅថ្ងៃនេះ បន្ទាប់ពីកំពូលតារាចម្រៀង២ដួង គឺ ព្រាប សុវត្ថិ និង ខេមរៈ សិរីមន្ត ងាកទៅច្រៀងបទ រ៉េប ទៅវិញ។
សារដំបូងរបស់ ដេវីដ នៅក្នុងថ្ងៃនេះតាំងពីវេលាព្រឹកនោះ គឺថា ហួសសម័យ + GANG GANG=ខ្ញុំបកទៅរកស៊ីបញ្ចូលបទភ្លេងទូរស័ព្ទវិញ។ សារនេះ ត្រូវបានអ្នកគាំទ្ររបស់លោកចែកចាយបន្តរាប់រយនាក់។ ចំណុចគួរចាប់អារម្មណ៍ សារលេងសើចរបស់តារាចម្រៀងរ៉េបរូបនេះ បន្ទាប់ពីលោក ព្រាប សុវត្ថិ បានចេញបទ "Gang Gang” នៅព្រឹកនេះតែប៉ុន្មានម៉ោងប៉ុណ្ណោះ និងក៏បន្ទាប់លោក ខេមរៈ សិរីមន្ត ចេញបទ "ហួសសម័យ" ២ថ្ងៃមុនដែរ។
បទទាំងពីររបស់កំពូលតារាប្រុសទាំងពីរដួង សុទ្ធជាប្រភេទបទ រ៉េប ដែលពួកលោកកម្រច្រៀងណាស់ពីអតីតកាល។ បន្ថែមពីលើសាររបស់តារាចម្រៀង ងាកទៅអ្នកគាំទ្រវិញ បានប្រាប់ទៅ ដេវីដ ថាឲ្យ ទៅច្រៀងលក់ឡេវិញ ឬក៏ថាឲ្យលោក អែបគៀនសិនទៅ។ ត្រឹមសារប៉ុណ្ណោះមិនទាន់អស់ចិត្ត នៅរសៀលនេះ លោក ដេវីដ នៅបន្តចេញសារប្លែកទៀត ដោយធ្វើឲ្យអ្នកគាំទ្ររបស់លោកខ្លះអស់សំណើច ខ្លះហួសចិត្ត។
សារនោះ ងួន ច័ន្ទដេវីដ បញ្ចេញរូបភាព Poster ថាបទ "ឱស្នេហ៍មាសបង" ច្រៀងដោយ G-Devith ថែមទៀត ដែលបានធ្វើឲ្យប្រិយមិត្តរបស់លោកជាច្រើន នៅតែអស់សំណើច និងហួសចិត្តគ្រប់គ្នា។
ឃើញដូច្នេះ អ្នកគាំទ្រ ប្រាប់ ដេវីដ ឲ្យទៅច្រៀង Cover បទ "អន្ទងស្នេហ៍" និងបទ "ខ្លុយស្នេហ៍ត្នោតទេរ" វិញ ដែលបទទាំងពីរសុទ្ធជាប្រភេទបទមនោសញ្ចេតនាល្បីល្បាញរបស់កំពូលតារាចម្រៀងទាំងទ្វេពីអតីតកាល។ យ៉ាងណាក៏ដោយ ក៏មានប្រិយមិត្តខ្លះសរសើរបទ Hip Hop របស់តារាចម្រៀងរៀមច្បងទាំងពីរដែរថា ច្រៀងបានល្អ និងមានរសជាតិម្យ៉ាង ប្លែកគួរចាប់អារម្មណ៍៕