- 2021-02-19 12:12:54
- ព័ត៌មាន
លោក លាន សូនី រងគ្រោះថ្នាក់ចរាចរណ៍ថ្ងៃសែនចូលឆ្នាំចិន
- 2021-02-19 12:12:54
- ចំនួនមតិ 0 | ចំនួនចែករំលែក 0
លោក លាន សូនី រងគ្រោះថ្នាក់ចរាចរណ៍ថ្ងៃសែនចូលឆ្នាំចិន
ចន្លោះមិនឃើញ
លោក លាន សូនី អតីតសិល្បករ និងពិធីករទូរទស្សន៍បាយ័ន បានជួបគ្រោះថ្នាក់ចរាចរណ៍ កាលពីថ្ងៃទី១១ ខែកុម្ភៈ ដែលត្រូវនឹងថ្ងៃសែនចូលឆ្នាំចិន នេះបើតាមការចុះផ្សាយរបស់ទំព័រហ្វេសប៊ុក Movie Star Research។
បើតាមទំព័រហ្វេសប៊ុកមួយនេះបានឲ្យដឹងថា លោក សូនី ក្រោយពីសែនដូនតានៅផ្ទះរួច បានជិះម៉ូតូទៅសែននៅផ្ទះប្អូនប្រុសរបស់លោក។
ពេលជិះម៉ូតូ លោកមិនបានពាក់មួកសុវត្ថិភាពទេ ហើយចំពេលមួយដែលលោកមិនបានប្រយ័ត្ន លោកក៏ជួបគ្រោះថ្នាក់ម៉ូតូបុកនឹងម៉ូតូ។ គ្រោះថ្នាក់នេះធ្វើឲ្យលោក របួសថ្ងាសលើចិញ្ចើមខាងស្ដាំ រហូតទៅដល់ដេរ ១០ថ្នេរឯណោះ។
សូមបញ្ជាក់ផងដែរថា លោក សូនី ជាតារាចម្រៀង និងសិល្បករមួយដ៏ល្បីនៅស្រុកខ្មែរកាលពីជំនាន់ទសវត្សឆ្នាំ១៩៩០ និងដើមឆ្នាំ២០០០៕