- 2021-02-24 08:13:43
- ព័ត៌មាន
មិត្តភ័ក្តិជិតស្និទ្ធ អះអាងថាទាំង G-Dragon និង Jennie មិនបានព្យាយាមលាក់ពីរឿងស្នេហានេះទេ
- 2021-02-24 08:13:43
- ចំនួនមតិ 0 | ចំនួនចែករំលែក 0
មិត្តភ័ក្តិជិតស្និទ្ធ អះអាងថាទាំង G-Dragon និង Jennie មិនបានព្យាយាមលាក់ពីរឿងស្នេហានេះទេ
ចន្លោះមិនឃើញ
ផ្អែកតាមព័ត៌មានចេញផ្សាយនៅថ្ងៃនេះពីទំនាក់ទំនងស្នេហារបស់ G-Dragon និង Jennie ដែលបានទាក់ទងគ្នាជាង ១ ឆ្នាំនោះ មិត្តភ័ក្តិដែលជាអ្នកជិតស្និទ្ធរបស់តារាទាំង ២ បានលើកពីហេតុផលដែល YG នៅស្ងៀមមិនបកស្រាយពីព័ត៌មាននេះ។
បើយោងតាមសេចក្ដីរាយការណ៍ពី SPOTV បានបង្ហាញព័ត៌មានដែលទទួលបានពីមិត្តភ័ក្តិ ២នាក់របស់ G-Dragon និង Jennie ទាំង GD និង Jennie មិនបានព្យាយាមលាក់បាំងពីទំនាក់ទំនងស្នេហារបស់ខ្លួនទៅកាន់មិត្តភ័ក្តិទេ។
មិត្តម្នាក់បានលើកឡើងថា៖ «G-Dragon និង Jennie មិនបានលាក់ពីទំនាក់ទំនងនេះទេ ពួកគេបានណែនាំ និងទទួលស្គាល់ទៅវិញទៅមក ថាជាគូស្នេហ៍នឹងគ្នា ហើយពួកគេក៏តែងណាត់ជួបគ្នាជាមួយនឹងមិត្តភ័ក្តិផ្សេងទៀតដែរ។ ខ្ញុំគិតថា វាជាបន្ទុកដ៏ធ្ងន់សម្រាប់អ្នកទាំងពីរក្នុងការទទួលស្គាល់ទំនាក់ទំនងរបស់ខ្លួន ដោយគិតគូលើស្ថានភាពផ្ទាល់ខ្លួនផ្សេងៗ»។
ងាកមកការលើកឡើងរបស់មិត្តម្នាក់ទៀត បាននិយាយពីភាពលំបាកសម្រាប់តារាទាំង ២ក្នុងការបង្ហាញរឿងស្នេហា៖ «មិនមែនជារឿងងាយស្រួលទេ ដែលត្រូវទទួលយកដំណឹងទាក់ទងស្នេហានេះ ដោយសារពួកគេគឺជាតារាស្ថិតនៅក្រោមផលិតកម្មតែមួយ និងជារៀមច្បង សិស្សប្អូនក្នុងវិស័យតែមួយ»។
អ្វីដែលគួរឲ្យកត់សម្គាល់ផ្សេងទៀតនោះ នៅពេលមួយ មេក្រុម BIGBANG ក៏ធ្លាប់លើកឡើងដែរពេលចូលរួមកម្មវិធីវិទ្យុមួយកាលពីពេលកន្លងទៅ គឺទាក់ទងនឹងរាល់ព័ត៌មានស្នេហារបស់ G-Dragon ទាំងអស់ លោកមិនដែលចេញមុខប្រកាសថាជាការពិត ឬយ៉ាងណាទេ។ G-Dragon ខ្លួនឯងជឿជាក់ថា វាមិនមែនជាអ្វីដែលលោកត្រូវតែបញ្ជាក់នោះទេ ស្របពេលនេះជាជីវិតឯកជនរបស់លោក។
យ៉ាងណាមិញទាក់ទងនឹងរឿងនេះដដែល ផលិតកម្ម YG នៅតែបន្តភាពស្ងាត់ស្ងៀម និងមិនបកស្រាយអ្វីច្រើន ក្រៅពីបញ្ជាក់ថានេះជារឿងផ្ទាល់ខ្លួនរបស់តារាៗ ដូចនេះពួកគេមិនលូកដៃឡើយ៕