- 2021-03-02 03:19:35
- ព័ត៌មាន
នារីដ៏ស្រស់ស្អាត កូនស្រីអគ្គនាយកធនាគារជាតិសម័យសង្គមរាស្ត្រនិយម តាមពិតជាតារាម៉ូដែលល្បីទសវត្សរ៍ ៦០
- 2021-03-02 03:19:35
- ចំនួនមតិ 0 | ចំនួនចែករំលែក 0
នារីដ៏ស្រស់ស្អាត កូនស្រីអគ្គនាយកធនាគារជាតិសម័យសង្គមរាស្ត្រនិយម តាមពិតជាតារាម៉ូដែលល្បីទសវត្សរ៍ ៦០
ចន្លោះមិនឃើញ
នៅប្រមាណ១សប្ដាហ៍មុន មានការចែករំលែករូបថតរបស់យុវតីមួយរូប ដែលមានសម្រស់ស្រស់ស្អាតខ្លាំង កម្រប្រទះ ធ្វើឲ្យគេឯងលាន់មាត់ ពិសេសសូម្បីតែសិល្បករខ្មែរនាពេលបច្ចុប្បន្ន ក៏ទប់មាត់មិនជាប់ដែរ។
រូបភាពនារីដ៏ស្រស់ស្អាតនោះ ត្រូវបានចែកចាយដោយទំព័រ "ខ្ញុំស្រឡាញ់ចម្រៀងមរតកដើម" ដែលបានសរសេរបញ្ជាក់បន្ថែមថា នារីរូបនោះមានឈ្មោះ ដួង រដ្ឋា ជាកូនស្រីរបស់អគ្គនាយកធនាគារជាតិសម័យសង្គមរាស្ត្រនិយម។ ប៉ុន្តែទំព័រខាងលើ មិនបានបញ្ជាក់ឡើយថា នារីស្រស់ស្អាតយើងមានអាជីពជាអ្វីឡើយកាលសម័យនោះ។
ទើបតែថ្មីៗនេះ មានការទម្លាយថា តាមពិត ដួង រដ្ឋា ដ៏ស្រស់ស្អាត គឺជាតារាម៉ូដែលដ៏ល្បីនាទសវត្សរ៍ទី ៦០។ នេះបើតាមគណនី Tik Tok មួយបានបង្ហើប។ គណនីដែលមានឈ្មោះ Mony BoBoy នៅបានបង្ហើបទៀតថា អតីតតារាម៉ូដែលរូបនេះ រស់នៅប្រទេសបារាំង ប៉ុន្តែគួរឲ្យស្ដាយយុវនារីដ៏ស្រស់ស្អាតពីអតីតកាល បានធ្វើមរណភាពទៅហើយ កាលពីឆ្នាំ ២០២០ ខែតុលា កន្លងទៅនេះ ដោយជរាពាធ និងរោគាពាធ។
យ៉ាងណាក៏ដោយ សម្រស់ដ៏ស្រស់ផូរផង់របស់ ជំទាវ ដួង រដ្ឋា នៅតែដក់ជាប់នឹងអារម្មណ៍ របស់មនុស្សមួយចំនួនធំ ជាអ្នកដែលបានឃើញរូបមួយសន្លឹកដែលត្រូវបានគេចែកចាយរាប់ម៉ឺននាក់នៅលើបណ្ដាញសង្គម។ ពួកគេសរសេរថា យុវនារី ដួង រដ្ឋា គឺជានារីដ៏ស្រស់ស្អាតកម្រប្រទះ ពិសេសគឺស្អាតតាមបែបធម្មជាតិតែម្ដង។
នៅក្នុងចំណោមនោះ ក៏មានសិល្បករសម័យបច្ចុប្បន្ន ដែលទប់មាត់មិនសរសើរមិនបានដែរ។ កញ្ញា វ៉ាន់ នីឡា ប្អូនស្រីរបស់លោក សុខ ជំនោរ បានយករូបមួយសន្លឹកនេះ ទៅចែកចាយបន្តនៅលើ IG របស់នាង និងបានសរសើរចំៗពីសម្រស់របស់ អតីតតារាម៉ូដែលទសវត្សរ៍ទី ៦០។ កញ្ញា បានសរសេរថា "នេះគឺពិតជា នារីដ៏ស្រស់ស្អាតពិតមែន!”។
ប្រិយមិត្តជាច្រើន ក៏យល់ស្រប និងថា ដួង រដ្ឋា ពិតស្អាតដោយធម្មជាតិ កម្ររកបាន ក្នុងនោះសូម្បីតែទំព័រហ្វេសប៊ុក "ខ្ញុំស្រឡាញ់ចម្រៀងមរតកដើម" ក៏លើកឡើងដែរថា “Admin ជានារីឃើញហើយក៏លង់ ចុះទំរាំតែជាបុរសវិញទៀត!”៕