- 2021-03-02 07:34:20
- ព័ត៌មាន
គួរពិចារណា! Jimmy បង្ហើបគន្លឹះដោះខ្លួនចេញពីភាពតានតឹងផ្លូវចិត្ដ ឬរបៀបរស់នៅមានក្ដីសុខ
- 2021-03-02 07:34:20
- ចំនួនមតិ 0 | ចំនួនចែករំលែក 0
គួរពិចារណា! Jimmy បង្ហើបគន្លឹះដោះខ្លួនចេញពីភាពតានតឹងផ្លូវចិត្ដ ឬរបៀបរស់នៅមានក្ដីសុខ
ចន្លោះមិនឃើញ
ពិធីការិនី និងជាតារាម៉ូដែលសម្បូរសំនួនវោហារ ម៉េង ជីមី បង្ហាញពីរបៀបដោះខ្លួនចេញពីសម្ពាធផ្លូវចិត្ដ ឬរបៀបរស់នៅដោយមានក្ដីសុខតាមបណ្ដាញសង្គមFacebookដ៏គួរឲ្យចាប់អារម្មណ៍នៅថ្ងៃនេះ។ កញ្ញា បានបង្ហាញនូវគន្លឹះចំនួន៦ចំណុច ដែលយើងគ្រប់គ្នាគួរពិចារណា។
ចំណុចទី១ ដែលកញ្ញាលើកឡើងនោះ គឺកុំយករឿងសោកសៅពីម្សិលមិញ ឬថ្ងៃមុនមកបំផ្លាញអារម្មណ៏ក្នុងថ្ងៃនេះ ។
ទី២ កុំអើពើ ឬរើសដាក់ក្នុងចិត្តនូវពាក្យបំបាក់ទឹកចិត្តទាំងឡាយ។
ទី៣ ចូរចាំថាពេលវេលានឹងព្យាបាលនូវរបួសគ្រប់យ៉ាង ហើយរឿងរ៉ាវល្អៗក៏ត្រូវការពេលវេលាដើម្បីកើតឡើងដែរ។
ទី៤ ឈប់ប្រៀបធៀបខ្លួនឯងជាមួយអ្នកដទៃព្រោះមនុស្សដែលអ្នកគួរប្រៀបធៀបគឺអ្នកពីម្សិលមិញ ។
ទី៥ ចូរចាំថាមានតែអ្នកទេដែលមានឥទ្ធិពលកំណត់ថាអ្នកចង់មានក្តីសុខ ឫចង់កើតទុក្ខ ដូច្នេះប្រើឥទ្ធិពលនោះអោយមានប្រយោជន៏។ និងទី៦ ត្រូវញញឹមអោយបានច្រើនបំផុតតាមដែលអាចធ្វើបាន។
គន្លឹះគួរពិចារណាទាំងនេះ ត្រូវបានកញ្ញា ម៉េង ជីមី បញ្ចេញតាមបណ្ដាញសង្គមជាមួយរូបឈរកាច់រាងក្បែរអាងទឹកជាច្រើនសន្លឹកនៅថ្ងៃទី២ ខែមីនា ឆ្នាំ២០២១ នេះ។ កញ្ញា ជីមី គឺសិល្បការិនីមានចំណេះដឹងជ្រៅជ្រះ និងរៀនសូត្របានច្រើនទាំងការអប់រំផ្លូវចិត្ដ និងចំណេះដឹងទូទៅ ហើយកញ្ញាថែមទាំងចេះសរសេរ និងនិយាយបរទេសច្រើនភាសាទៀតផង៕