មិនដឹងជាប់ពាក់ព័ន្ធយ៉ាងណា ស្រាប់តែព្រឹកនេះ ដេវីដ-បូព្រឹក្ស ប្រកាសចេញលទ្ធផលហើយ!

2021-03-10 03:25:30
ព័ត៌មាន

2021-03-10 03:25:30
ចំនួនមតិ 0 | ចំនួនចែករំលែក 0

ចន្លោះមិនឃើញ

ខណៈដែលម្នាក់ៗផ្ដោតទៅលើលទ្ធផលធ្វើតេស្តរកមេរោគកូវីដ-១៩របស់តារាក្នុងហង្សមាស នៅព្រឹកនេះ ស្រាប់តែឃើញអតីតតារាហង្សមាស២ដួង ចេញលទ្ធផលហើយ។

លោក ងួន ចាន់ដេវីដ និង ទេព បូព្រឹក្ស បានប្រកាសប្រាប់ពីលទ្ធផលរបស់ពួកទៅកាន់ប្រិយមិត្តអ្នកគាំទ្រនៅព្រឹកនេះ ធ្វើឲ្យមានការចាប់អារម្មណ៍ និងមិនទាន់ដឹងថា ពួកគេមានភាពពាក់ព័ន្ធយ៉ាងណាចំពោះករណីកូវីដនាពេលនេះនៅឡើយ។

តាមការបញ្ជាក់ សម្រាប់ការតេស្តរកកូវីដ១៩ លើកទី១របស់ពួកគេ គឺទទួលបានលទ្ធផលល្អ។ លោក ដេវីដ បានសរសេរថា ៖"សួស្ដីបងប្អូនទាំងអស់គ្នា ដោយពេលនេះខ្ញុំទាំងពីរអ្នកបានធ្វើតេស្តមេរោគកូវីត ១៩ រួចរាល់ហើយ ដោយលទ្ធផលតេស្តលើកទីមួយ គឺអវិជ្ជមាន!”។

គូស្នេហ៍វ័យក្មេង បន្តថា ពួកគេទាំងពីរនឹងបន្តអនុវត្តតាមការគោលការណ៍ណែនាំពីគ្រូពេទ្យ។ "ពួកខ្ញុំបន្តធ្វើការ ចត្តាឡីសក្ត័ដោយខ្លួនឯងនៅផ្ទះរហូតដល់គ្រប់ ១៤ថ្ងៃ ដើម្បីរង់ចាំការធ្វើតេស្តលើកទី ២ ម្តងទៀត ។

គិតត្រឹមថ្ងៃនេះ មានសិល្បករខ្មែរកាន់តែច្រើនដែលបានជាប់ពាក់ព័ន្ធ ក្រោយពីមានករណីផ្ទុះនៅក្នុងស្ថានីយទូរទស្សន៍ហង្សមាស ដែលជាក្រុមហ៊ុនប្រព័ន្ធផ្សព្វផ្សាយដ៏ធំមួយក្នុងស្រុក។ ក្រៅពីពិធីការិនី ចាន់ កែវនិមល ព្រមទាំងគ្រួសារ និងលោក ណុប បាយ៉ារិទ្ធ ដែលរកឃើញវិជ្ជមាន និងត្រូវបានប្រកាសជាសាធារណៈនៅថ្ងៃម្សិលមិញ នៅមានតារារបស់ផលិតកម្មមួយនេះច្រើនទៀតរង់ចាំលទ្ធផល។

ពួកគេទាំងនោះមាន សុគន្ធកញ្ញា សុគន្ធនិសា សួស វីហ្សា កែវ សុបញ្ញា និងកញ្ញា វី ឌីណែតជាដើម៕