- 2021-03-11 03:34:07
- ព័ត៌មាន
មុន សុគន្ធ និសា រកឃើញវិជ្ជមានកូវីដ១សប្ដាហ៍ Tho Meet បានជួបផ្ទាល់ ឥឡូវកំពុងភ័យ
- 2021-03-11 03:34:07
- ចំនួនមតិ 0 | ចំនួនចែករំលែក 0
មុន សុគន្ធ និសា រកឃើញវិជ្ជមានកូវីដ១សប្ដាហ៍ Tho Meet បានជួបផ្ទាល់ ឥឡូវកំពុងភ័យ
ចន្លោះមិនឃើញ
អ្នកនិពន្ធល្បីឈ្មោះមួយរូបរបស់ហង្សមាស Tho Meet បាន និងកំពុងដេកភ័យក្រោយទទួលដំណឹងថា តារាចម្រៀង សុគន្ធ និសា ត្រូវបានរកឃើញវិជ្ជមានមេរោគ កូវីដ១៩ នាថ្ងៃម្សិលមិញនេះ។
លោក Tho Meet ត្រូវបានគេដឹងថា ជាអ្នកនិពន្ធមួយរូបប្រចាំសម្រាប់តារាចម្រៀង សុគន្ធ និសា ដែលបានធ្វើបទឲ្យតារាចម្រៀងជាច្រើនរួចមកហើយ។ តាមរយៈទំនាក់ទំនងនេះ លោកមានការជួបប្រាស្រ័យគ្នាញឹកញាប់។ ពិសេស១សប្ដាហ៍ចុងក្រោយ មុនពេលតារាចម្រៀងសំឡេងស្រទន់ ត្រូវបានរកឃើញវិជ្ជមានមេរោគកំណាច។
“ខ្ញុំថតសំឡេងឲ្យគាត់ច្រើនមួយរយៈចុងក្រោយ សម្រាប់បទចូលឆ្នាំហ្នឹង តែគ្រាន់តែឃើញគ្នាពីចម្ងាយអីហ្នឹង អត់បានជួបនិយាយផ្ទាល់ទេ ទើបតែចុងក្រោយខ្ទង់ថ្ងៃ២០ជាងខែ២ហ្នឹង ទើបចូលស្ទូឌីយ៉ូ ហើយជួបគាត់ផ្ទាល់!”។
អ្នកនិពន្ធ បញ្ជាក់បន្ថែមថា លោកបានជួប និសា នៅក្នុងស្ទូឌីយ៉ូថតសំឡេង និងបានឈរជជែកគ្នាក្នុងរង្វង់ចម្ងាយប្រមាណ ២ម៉ែត្រ។ ត្បិតថារង្វង់ចម្ងាយនេះ ស្ថិតក្នុងទីតាំងមានសុវត្ថិភាពច្រើនក៏ដោយ ប៉ុន្តែ Tho Meet បញ្ជាក់ថា លោកក៏ភ័យខ្លាំងដែរ ក្រោយតារាចម្រៀងមានវិជ្ជមានកូវីដ។ Tho Meet ថ្លែងថា "ក្រោយដឹងគាត់ មានកូវីដ ខ្ញុំភ័យដែរ ចឹងហើយ ខ្ញុំក៏សម្រេចថាត្រូវធ្វើតេស្តដូចគ្នា"។
លោក Tho Meet បានចូលខ្លួនទៅធ្វើតេស្តម្សិលមិញដើម្បីរកមេរោគកូវីដ១៩ ដោយមិនទាន់ដឹងលទ្ធផលនៅឡើយ។ "ខ្ញុំបានទៅធ្វើតេស្តរួចហើយ ហើយកំពុងរង់ចាំលទ្ធផល...បើមានគេ(ខាងក្រុមគ្រូពេទ្យ))ទូរស័ព្ទមក អាហ្នឹងបានន័យថា យើងមានហើយ តែបើគេអត់ទូរស័ព្ទមកទេ បានន័យថា យើងអត់មានមេរោគកូវីដហ្នឹងទេ។ Tho Meet ថ្លែង៕
