- 2021-03-13 09:19:55
- ព័ត៌មាន
ឆ្លងដល់អ្នកផ្ទះទៀត! អ្នកផ្ទះរបស់ សុគន្ធ និសា ម្នាក់បានឆ្លងកូវីដ១៩ទៅហើយ!
- 2021-03-13 09:19:55
- ចំនួនមតិ 0 | ចំនួនចែករំលែក 0
ឆ្លងដល់អ្នកផ្ទះទៀត! អ្នកផ្ទះរបស់ សុគន្ធ និសា ម្នាក់បានឆ្លងកូវីដ១៩ទៅហើយ!
ចន្លោះមិនឃើញ
តាមព័ត៌មានរសៀលនេះ មានអ្នកផ្ទះរបស់តារាចម្រៀង សុគន្ធ និសា ម្នាក់ ត្រូវបានរកឃើញមានវិជ្ជមានកូវីដ១៩ បន្ទាប់ពីតារាចម្រៀងហង្សមាស បានរកឃើញវិជ្ជមានមុនប៉ុន្មានថ្ងៃ។
ព័ត៌មាននេះ ត្រូវបានលោក ជា ពិសី ជាអភិបាលនៃគណៈអភិបាលខណ្ឌប្ញស្សីកែវ បាន សរសេរប្រាប់ប្រិយមិត្តនៅលើបណ្ដាញសង្គមរបស់លោកផ្ទាល់។ លោកបានសរសេរថា "នៅថ្ងៃទី១៣ ខែមីនា ឆ្នាំ២០២១ (វេលាម៉ោង១៤និង០០នាទីរសៀល) ក្នុងមូលដ្ឋានខណ្ឌឫស្សីកែវ បានរកឃើញអ្នកមានវិជ្ជមាននឹងមេរោគកូវីដ១៩ ចំនួន០១នាក់ ដែលមានទីតាំងនៅផ្ទះលេខ១៤ ផ្លូវលេខ៩ ក្រុមទី៤ ភូមិបឹងឈូក សង្កាត់គីឡូម៉ែតលេខ៦ ខណ្ឌប្ញស្សីកែវ រាជធានីភ្នំពេញ"។
តាមអភិបាលនៃគណៈអភិបាលដដែល បានឲ្យដឹងថា អ្នកជំងឺ គឺជាយុវតីមានវ័យ២២ឆ្នាំ និងជាអ្នករស់នៅក្នុងផ្ទះជាមួយតារាចម្រៀង សុគន្ធ នីសា អាយុ៣៨ឆ្នាំ។ បច្ចុប្បន្នអ្នកជម្ងឺម្នាក់នេះត្រូវបានបញ្ជូនទៅព្យាបាល នៅអតីតសណ្ឋាគារអ៉ីធឺខនធីណង់តាល់ (បចុ្ចប្បន្ន The Great Duke)។ រីឯអ្នកដែលពាក់ព័ន្ធក្នុងផ្ទះដទៃទៀត កំពុងបន្តធ្វើចត្តាឡីស័កនៅទីតាំងនេះដដែល ក្នុងនោះ អាជ្ញាធរ ក៏កំពុងបន្តបិទទីតាំងខាងលើនេះជាបណ្ដោះអាសន្នផងដែរ៕
