- 2021-03-18 01:48:16
- ព័ត៌មាន
ឆន សុវណ្ណារាជ ប្រកាសពីលទ្ធផលលើកទី៣នៃការធ្វើតេស្តរកមេរោគកូវីដ-១៩ ទាំងព្រឹកហ្មង!
- 2021-03-18 01:48:16
- ចំនួនមតិ 0 | ចំនួនចែករំលែក 0
ឆន សុវណ្ណារាជ ប្រកាសពីលទ្ធផលលើកទី៣នៃការធ្វើតេស្តរកមេរោគកូវីដ-១៩ ទាំងព្រឹកហ្មង!
ចន្លោះមិនឃើញ
តារាចម្រៀងប្រុសប្រចាំនៅផលិតកម្មរស្មីហង្សមាស ឆន សុវណ្ណារាជ ត្រេកអរស្ទើរហោះក្រោយទទួលលទ្ធផលអវិជ្ជមាន នៃការធ្វើតេស្តជំងឺកូវីដ-១៩ លើកទី៣។ ប៉ុន្តែលោកថានឹងបន្តធ្វើចត្ដាឡីស័កឲ្យបានគ្រប់១៤ថ្ងៃ។
ឆន សុវណ្ណរាជ បានប្រកាសដំណឹងនេះតាមបណ្ដាញសង្គម Facebook តាំងពីព្រឹកព្រលឹមថ្ងៃទី១៨ ខែមីនា ថា លទ្ធផលធ្វើតេស្តលើកទី៣ ចុងក្រោយរបស់លោកនោះ គឺ Negative ដែលមានន័យថាលោកមិនមានជំងឺកូវីដ-១៩ ទេ៖"ខ្ញុំឆ្លងផុតហើយ អរគុណណាស់សំរាប់ការជូនពរពីបងប្អូនទាំងអស់គ្នាខ្លាំងណាស់"។
តារាចម្រៀង ឆន សុវណ្ណារាជ ត្រូវបានគ្រូពេទ្យណែនាំឲ្យធ្វើចត្ដាឡីស័កចំនួន១៤ថ្ងៃ នៅផ្ទះ និងធ្វើតេស្តរកជំងឺកូវីដ-១៩ ចំនួន៣លើក បន្ទាប់ពីអ្នកដឹកនាំរឿង និងពិធីការិនី ចាន់ កែវនិមល ដែលជាអ្នកធ្វើការនៅក្នុងស្ថាប័នជាមួយគ្នា ត្រូវបានគេរកឃើញថាវិជ្ជមានជំងឺកូវីដ-១៩ កាលពីថ្ងៃទី៩ ខែមីនា កន្លងទៅ។ ដូច្នេះលោក ឆន សុវណ្ណរាជ នៅសល់តែ៤ថ្ងៃទៀតប៉ុណ្ណោះ នឹងត្រូវបញ្ចប់ការធ្វើចត្ដាឡីស័ករបស់ខ្លួនហើយ៕